1 Mo"so wa Moshe re dam: mho: ru2 wa , – volo mo, phaung re khai: zhang: nae" tau: gyaung: khyo su: nhao nae" tau: mae re: , maid nae" labo" shid' lam: re dalam: re ngaui thaung: dathaung" yang3 maxo' qo nae" khyo: kaid' wa, . – Labo" maid: ke' lao" volo mo, phaung jham wa volo seim zaung kham: dung: khyo nao4 jhao" zang" ham: lo vegeshao: . – Labo" dalam: re za: maid: ke' lao" Israel amyu" mae byu dataung re ug: ra" zug: agyi qe wa nao jhao" zang" ham: li" lo vege-5 shao: . – Peim: thoe we' maid: ke' lao" ba thug' shaid' mae" mo, thaui: to" ye" lo"6 geshao: . – Shid' lhang dam: maid: ke' lao" qid bang: shaid' mae" mo, thaui: to" ye" lo" geshao: , sam lhang peim: thoe maid: ke' lao" ba vao shaid' mae" mo, thaui: to" su" ye" lo" geshao: , byid lhang ein: peim: thoe khyo" maid: ke' lao"qid meim shaid' mae" mo, thaui: to" su" ye" lo" nae". Ai re" ru: peim: thoe khyo" maid lao" mo, thaui: damo, thaui" thao damo, thaui: to" su" ye" lo" nae" tau: peim: thoe khyo" maid7 ca" nae". – Volo mo, phaung nhao nae" ngaid lao" wa peim: thoe khyo" mangaid:8 lo: za: labo" maid nae" ngaid: ra". – Arun" yao: zo: , khin jaung jham wa ai: labo" re maid genae ngaid: ra". Naonhaung" amyu" byungug xe qe: cao" nae" cao" khyao jin9 kham ngaid: ra". – Naonhaung" wa yao: yao" mang: din" mae na: na: re , naon- haung" gyevo qe jhao" mang: zin: to" nae" ngaid: re, peim: thoe we' labo" maid genae" ngaid: ra". Alao" naonhaung" Mo"so wa naonhaung" re myid: beim: mung: gyevo:10 lo, mae" khyaid' khyi: yu: li" nae". – Naon- haung" wa ngaui bau: ngaui lho" ba mae re: , poe kaid' ra" ba mae re: , lho" xin" ba mae re: , naonhaung" Mo"so re myid: beim: nae" tau: mae naonhaung" phaid' ngaui" xeim: , zam" khug xeim: caung da" ru mae labo" maid genae" ngaid: ra". Ngo wa naonhaung" AsAng Mo"so ngaid: ga: mho: ra".11 Shid' zin ein: zin lho" mo" shid' khye' khye' shid' xe ba: ne, mae jham thaui: wa dao: thang" bain" seim zaung mae"12 to" su" lo" mung: , – Israel zo: myid: qe Sina' bam mae" dam: to" su" lo" ko" ra". Thao dalhang jham thaui: wa Parain: din"13 yo mae lo" taui" zaug: jo; ra". – Ai re" ru: Mo"so wa Moshe khyo" ta" kyo" ru we' dakhyo: sao qhid' lhang: gyaung: khyo su:14 veko" ra". – Yuda mo, thaui: jham wa khyi we' daga" sao qhid' maqhid to" thug' su" lo" ko" ra". Ai: mo, thaui" agyi wa Aminadab'15 yao: zo: Nashon: ngaid: ra". – Iskha: mo, thaui: mae" agyi wa Zua yao: zo: Nathanela16 ngaid: ra". – Zabulun: mo, thaui: mae" agyi wa Helung" yao: zo: Eliaba' ngaid: ra".17 Ai: thao pin: seim zaung re qab mung: Gershon: zo: , Merari' zo: qe wa pin: seim zaung re qab: vo, mung: to" su" ye" lo" ko"18 ra". – Rubin: mo, thaui: jham wa khyi we' daga" to" su" lo" ko" ra". Rubin: mo, thaui" agyi wa Shedura' yao: zo: Eliazura' ngaid:19 ra". – Simun: mo, thaui: mae" agyi wa Shedura' yao: zo: Shelumela ngaid: ra". –20 Gaid' mo, thaui: mae" agyi wa Duela yao:21 zo: Eliasab' ngaid: ra". – Kohad’ zo: myid: qe wa shao gyang" jo, qo mae" zai yo jham re vo, mung: to" ye" lo" ko" ra". Yao: bam majoe" shi: re sao qhid' lo" ra" mo, wa seim22 zaung re tau: yhe' lao: veko". – Ephrim: mo, thaui: wa khyi we' daga" to" su" ye" lo" ko" ra". Ephrim: mo, thaui: mae" agyi wa Amihud' yao: zo: Elishama: ngaid:23 ra". – Manashe: mo, thaui: mae" agyi wa Pedazura' yao: zo: Gamalela, ngaid:24 ra". – Benyamin: mo, thaui: mae" agyi wa Gidoni' yao: zo: Abidain: ngaid: ra".25 Lo" thao" mo, thaui: ngaid: ra" Dain: mo, thaui: wa khyi we' daga" to" su" ye" lo" ko" ra". Dain: mo, thaui: agyi wa Amishadi" yao: zo: Aheza: ngaid: ra". –26 Asha: mo, thaui" agyi wa Okrain" yao: zo:27 Pagela, ngaid: ra". – Nabthali mo, thaui" agyi wa Enain" yao: zo: Ahira' ngaid: ra". –28 Ai re" ru: Israel zo: myid: qe wa damo, thaui" thao mae damo, thaui: to" su" ye" lo" ko" ra".29 Moshe wa yao" yaug pho" Midian: byu Reguela, yao: zo: Hobab: re ana" ngo- nhaung" wa Mo"so re: ngonhaung" re byid nae" dao: so: jo; ra" mang: din" khyo ye" lo" na: , nao re: ngonhaung" we' daga" cao: lo la, ngonhaung" nao re jeju so: nae". Mo"so wa Israel re jeju byid: nae" ga" dao: so: to"30 to"ra" ga: mho: ra". – Alao" Hobab' wa ngo maqo" cao: lo nae" , ngo yao" mang: nga" sang: tin: qe na: jo, qo khyo dam: lo" nae"31 ga: Moshe re mho: ra". – Moshe re: , ngo- nhaung" re to" to: co' mung: daphao: lhaui: co' la, . Nao ba: ru we' dakhyo: ngonhaung" seyo segae: mae khotau khoru: thang nae" wa nao she, aba: ra". Ai ru: mung: nao za: ngonhaung" myo, jid' boe" nae" ngaid:32 ra". – Ai re" ru: nao ngonhaung" we' daga" bocao: ngaid: re , Mo"so ngonhaung" re jeju byid' ru we' dakhyo: nao mae re: , jeju so: nae" ga: mho: ra".33 Israel zo: myid: qe Mo"so: bam mae" to" thug' mung: sam ba: gyaung: khyo su: ko" ra". Ai re"ru: sam ba su" qin" ko" ra" au: Mo"so: dao: thang" bain" wa yao: bam thang nae" jo, qo qho zo" re" yao: bam:34 qhid' au: khyo ye" lo" na: ra". – Yao: bam na" mae khyo su" ye" lo" au: Mo"so: jham thaui: wa yao: bam: au: dao mae jo; na: ra".35 Ana" dao: thang" bain" ye" lo" au:, Moshe wa , o" Mo"so we" to" wa, AsAng: gyevo qe wa tao" ke' ru ru: boe" shao: . AsAng re manug nyhang" ra" mo, Ni" qhid' kheim: mae" tao" phao geshao: ga: re: , –36 dao: thang" bain" masu: lo: thang: na: ra" au: o" Mo"so we" Israel ataung atug na: ra" jao: khyo dam: lhang: lo wa, wo" ga: mho ra".