1 Ana" Moshe wa Khusha amyu" myiqe: re yu: ru mung: ai: myiqe" mathao mae Miriam: we' Arun: wa Moshe re qobo2 vhin ko" mung: , – Gai gai: yao: Mo"so wa Moshe khyo" za: dao: jhau: ra" i"? Ngo tao: nhaid' khyo" re: ta" jhau va" mangaid: i"? ga: mho ko" ra". Ai: dao: thoe re Mo"so the'3 gyo" ra". – Moshe wa myid gye; dao mae na: ra" byu alhab' tho' mae nau" nhae" ra" nhag' myid bo: ra".4 Mo"so wa naonhaung" sam yaug: geim" volo seim zaung khyo ye" lo" ge, ga: Moshe , Arun: , Miriam: nhae ho' re ajao" yao: mho mung: yao: bam thug' ye" lo" ko"5 ra". – Mo"so wa jham thaui: we' gyo" li" mung: volo seim zaung kham: dung: mae ye, yang: Arun: we' Miriam: re khai mung:6 yao: nhae qui" te' ye: ko" ra". – Mo"so re: Nga" dao: re tae" gyo: ge, . Ngo Mo"so wa ai: yaug re mug' pho" ve, lho we' Nga" gaung re qhu" nae" mangaid: lao" yab mo,7 khyo" jhau nae". – Ngaid qere: Nga" daui mung yaug Moshe wa airu: mangaid: , yao: wa Nga" yham mae vin tang" ra" yaug8 ngaid: ra". – Yao: mae Ngo dao: jhau: re vai: sham" khyo" Ngo majhau , Ngo yao: khyo" bao bao za: jhau nae". Yao: wa Mo"so: akhyao re re: the' myao: li" nae". Ai ru: mung: naonhaung" wa Nga" daui mung yaug Moshe re pe" mung: qobo zhaug' ko"9 ga: mho: ra". – Nhag' yo: mung: Mo"so phao: do, lo" ra" jham thaui: re: seim zaung10 dao mae" gao" lo" ra". – Miriam: wa ye, gyaid de; li" mung: gyu: re" ru: phyu: li"11 ra". – Arun: wa Miriam: ye, gyaid gyaid: li" ru re myao lao" o" nga" AsAng , ngo wa makhyang: mashab: ru kaid' mung: zai" shaid' ra" qobo ngo re davhin shi: la, ngo12 mho' bain" ra". – Khau myhung: ke' ra" ba mae" gaung sho: dakhyae: bab: lo" ra" shid mao ru: yao: mae daboe" nhao shi: la, ga:13 mho' bain: lao" , – Moshe wa AsAng Mo"so we" yao" mau byin: re gai yo byid: la, ngo mho' bain" ra" ga: Mo"so re zag: yao: ra". –14 Mo"so re: , yao" yao: pho" wa yao" myo, khung: re khota: za: phoe" gyain" re nhaid' ba qho' phau: nae" mangaid: i"? Ana" yao: re nhaid' ba vo yae mae ye: na nhao wa, ai: thao mae dam: vao lo veshao: ga: Moshe15 re mho: ra". – Ai re" ru: Miriam: re vo yae mae nhaid' ba ye: na nhao: pye' ra". Miriam: vo khyo madam: vao lo lo wa byu mo, thaui: re: gyaung: masu: lo: na: bam ko" ra".16 Ai: thao Hezeroth jo, qo mae" qui: mung: Parain: seyo: din" mae seim zaung tau: yhe' ko" ra".