1 Mo"so Moshe re dam: mho: ru wa –2 Ngo bona nae" jo, qo vo mae mashao3 malho" anyain: avho: maboe" shao: , – ye, gyaid gyaid yaug , fag' yoe: yaug , ashid mao re the' zao" tin: yang: mashao malho" mo, yaug gai myiqe: alhab' re vo yae mae gethaung: sain na ca" ein: ta" kyo: wa, . –4 Moshe ta" kyo" ru we' dakhyo: Israel amyu" zo: qe kaid' cao" ko" ra".5 Mo"so wa Moshe re dam: mho: ru wa , Israel amyu" zo: qe re ceru: ein: ta"6 kyo: wa, – byu jham ba: zai" shaid' ra" ja: re zai" shaid' mung: Mo"so re zai" shaid' yang: qobo qo" ra" yaug gai myiqe: khag'7 ngaid qere: , – yao: yao: zai" shaid' ra" qobo re ta" zhao: kyo: mung: mho' bain: ca" nae". Shaid' nghung" ra" tau: mae ngo" bun dabun ke' laung: mung: yao: shaid' ra"8 yaug re yug: khyug' ca" nae". – Ai: yug: khyug' vag re khae: yu nae" mao: nhaung: mana ngaid: re wa khin jaung pho" tau: re Mo"so re caung da" ca" nae". Ai mae" getau qobo loe, nae" tau: qobo khyaid' xeim: yao9 dadau: re caung da" byid: ca" nae". – Israel amyu" zo: qe khin jaung pho" re caung da" mung: shao lho" ja: alhab' wa khin jaung10 pho" sang nae" jo, nho" ngaid nae". – Byu yaug khao: ngo" shao kyang" mung: khin jaung pho" re qhaug' byid: ko" ra" alhab' re: khin jaung pho" sang nae" jo, nho" ngaid ca" nae" ga: mho: ra".11 Moshe re Mo"so: dam: mho: ru wa , Israel amyu" zo: qe re ta" kyo: nae" ru12 wa , – yham sang pho" qo" ra" myiqe: getau: yaug gai we' na: shaid' mung: yao"13 yham sang pho" re lhoe" ngaid: re , – na: shaid' ru khag' mamyao, sagso: re: mabo yao" gaung ave, made, qere: ai re zug' to:14 mung: yham sang pho" maba qere: , – Ave, made, qere: , de, qere: yham sang pho" wa yham sang myhi" re malam" mung: ngaid:15 re , – yham sang pho" wa yham sang myhi" re yho" phaui: dathaug' pyid' ci yang: khin jaung pho" jhao" jhui" ye: ca" nae". Ai: yho" phaui: mae xau magai: vhe' sheim: , lo: bain: re: magai: kai: nae". Yham sang myhi" re malam" ra" caung da" xeim: , qobo ceim" shid' nae" caung da" xeim: ngaid: ra".16 Khin jaung pho" wa ai: caung da" xeim: re yu mung: Mo"so: qhid' kheim: mae to"17 to: nae" ngaid: ra". – Khin jaung pho" wa gyang" ra" qid re myid zhai: ug' mae vhe' ke' bin lao" seim zaung mae" phaui: lhug re yu mung: ai: qid mae ke' nae" ngaid: ra". –18 Ai mung: khin jaung pho" wa ai: myiqe: re Mo"so: qhid' kheim: mae jhui" nha: to: mung: xae phyid: lhu: ci nhao yang: yao: myi: re malam" ra" caung da" xeim: ga" ra" ve, lho qhui" xeim: re yao" lo, mae ci nhao nae" ngaid: ra". Qobo re ceim" shid' nae" qid kho: re wa khin jaung pho" yao" lo,19 mae ci nae" ngaid: ra". – Ai: au: khin jaung pho" wa ai: myiqe: myhi" re ceru: ga: thu jhaug' nae" ngaid: ra" , nao wa ni" yham sang pho" re lhoe" mung: getau: yaug gai we' na: shaid' ru , anyain: avho: kaid' ru mangaid: ngaid: re ce: qobo ceim" shid' ra"20 qid kho: mae" loe, shao: wo" , – yao" yham sang pho" re lhoe" mung: getau: yaug gai21 we' na: shaid' ngaid: re , – ce: qobo ceim" shid' ra" qid kho: ni" vae: dug: khyo vao lo" re ni" vae: dug: qae" li" mung: paung daung: re: jhoe' nyhaung: lo" veshao: wo" ga: khin22 jaung pho" thu jhaug' lao" , – myiqe: myhi" wa jham thu: tang" dao: re cao: ta" bin lao" ngaid: va" ga: yhin" yu nae" ngaid: ra".23 Khin jaung pho" wa ai: jham tang" dao: kheim: re tung" xam" yu mung: qid kho"24 yang phyaug' pye' nae" ngaid: ra". – Qobo ceim" shid' qid kho: re myiqe: myhi" re byid: jhaug' nae" ngaid: ra". Ai: qid myiqe: myhi" aung khug joe" vao mung: kho: nae"25 ngaid: ra". – Khin jaung pho" wa yham sang myhi" re malam" ra" caung da" xeim: re myiqe: myhi" lo, mae" yu: yu mung: Mo"so: qhid' kheim: mae vo; pyao" yang: phain dao26 mae yu: to: mung: , – beim: so: byid: nae" tau: khin jaung pho" wa qobo ceim" shid' ve, lho cinmain" dazhab' zhab' re phain dao mae myi: ngha" nae" ngaid: ra". Ai: thao mae myiqe: myhi" re qid shaug' nhao nae"27 ngaid: ra". – Myiqe: myhi" wa yao" yham sang pho" re lhoe" mung: na: shaid' yang: nyain: vho" dang: ngaid: re qobo ceim" shid' ra" qid kho: shaug' lao" vae: dug: qae" , paung daung: jhoe' nyhaung: lo" lao" wa ai: myiqe: myhi" wa yao" amyu" mae nhang:28 kheim: phau" ra" yaug boe" ra". – Ai ru: mangaid: lao" ai: myiqe: myhi" wa mashaid' nghung: , manyain: vho: , shao lho" ngaid: re wa nhang: kheim: loe, mung: gaung la:29 nae" akhang" qo" veshao:. – Ce: ru wa myiqe: wa yao" yham sang pho" re lhoe" mung: getau: yaug gai we' na: shaid' mung:30 nyain: vho" ru , – yaug gai wa yao" yham sang myhi" re malam" ra" nhag' myid bo: re cao" nae" cao" khyao jin kham ngaid: ra". Yaug gai wa yao" myhi" zang re malam" , Mo"so: qhid' kheim: mae jhui" nha: to: mung: khin jaung pho" wa ai: cao" khyao we' dakhyo: dao: phyid' nae" ngaid: ra". –31 Yaug gai wa qobo mae" loe, mung: myiqe: myhi" wa yao" qobo re phau: ca" nae" ga: mho: ra".