1
Mo"so wa Moshe we' Arun: re dam: ta"2
yang: mho: ru wa , – Levi amyu" Kohad' kaung mae kao sam xe mae" ngo" xe zin3
joe" sho' , – volo seim zaung mae mau" vin nae" tau: mo, phaung vao va" mo, alhab' re phug' pho" yham khaung khyo" cao"4
yang: japhin: yu: to: wa, – volo seim zaung mae shao lho" ra" zai yo jham we' tin" ra" Kohad' kaung bao: zaui: so: nae" mau" zo"5
jham wa , – to" ye" lo" nae" ayo, joe" lao", Arun: we' yao: zo: qe li" mung: kug qe, go: kyo" to" ra" myo, kyo" pin: lung: re yu: khyo" bin lao" dao: thang" bain" re nghoe'6
genae". – Ai: adao mae Takhisha' sho: qid: nghoe' mung: pin: nyhug nghoe' gam bin lao" dao nae" kang jhoe" zaui: to: genae"7
ngaid: ra". – Dam: cinmain" kai: zobo" dao mae pin: nyhug myhung: mung: bo" lang" , yaug gaung: , keim baung: we' daga" khon- hae" re: lhaung" kai" ra" cinmain" re kai"8
to: bin lao", – ai jham re pin: ne cug' yang nghoe' ca" nae". Takhisha' sho: qid: yang dam: paug' nghoe' mung: dao kang re jhoe"9
zaui: to: nae". – Myi: baung: kai: tao" , myi: baung: , nye, zai" , myiqe, bo" , xau ug' jham re pin: nyhug: yang nghoe' bin10
lao" – ai: zai khug' alhab' geim" re Takhi- sha' sho: qid thaung mae ke' to: mung: dao11
nae" kang re myag: te' to: nae". – Hhang xeim: phain dao mae pin: nyhug cug' myhung: mung: Takhisha' sho: qid: yang nghoe' bin lao" dao kang lam: re jhoe" zaui:12
to: nae". – Ai: shao lho" jo, qo mae zai yo alhab' geim" re pin: nyhug thaung mae ke' mung: Takhisha' sho: qid: yang bin: nghoe'13
lao" dao nae" kang lam: te' nae". – Xeim: ngaui" phain mae" myiqe, re sham" khyo" pye' mung: phain dao mae pin: mo, cug'14
myhung" bin lao" , – ai: phain we' tin" ra" ci nae" zai yo ngaid: ra" bo" lang", sho: lhao: kyo' , ce' bao" , thaung: lhao: jham ru" ru phain we' tin" ra" zai alhab' re vo; kai: mung: Takhisha' sho: qid: yang nghoe' bin lao" , dao kang lam: jhoe" zaui:15
to: nae". – Ai re" ru: to" nae" ayo, joe" lao" Arun: we' yao: zo: qe wa shao lho" jo, qo we'shao gyang" zai yo alhab' jham re nghoe' shaung thao Kohad' zo: qe wa vo, nae" dao nae" qui" te' ye: genae". Ngaid yang: re: yao: bam shid: ru maqhug' nae" tau: shao lho" zai yo jham re magai: the' zao" tin: nae". Ce ru wa volo seim zaung mae Kohad' zo: qe zaui: so: vin vo, nae"16
mau" ngaid: ra". – Khin jaung Arun" yao: zo: Eleaza: we' tin" ra" mau" wa myi: te' theim: nae" xau ngha" ngaui" nae" sheim nae pyo" ra" ja:, ne, khao: ngo" caung da" ra" gaug zo xeim: , gyaid nae" xau ru" ru jham ngaid: ra" volo seim zaung zai yo alhab' re re: shao gyang" ra" jo, qo we' shao gyang" ra" zai yo ug' jham jo, mae: jo, re qu" gam caung nae" ngaid: ra".17
Dam: dalhang Mo"so wa Moshe we'18
Arun: re mho: ru wa , – Kohad’ kaung mae" mo, re Levi amyu" zo: qe: khug mae"19
magai: khyin: khyo" nae". – Yao: bam wa gyai shao gyang" ra" zai yo jham khyo qui" te' ye" ra" au: shid: ru maqhug' nae" tau: mae" Arun: we' yao: zo: qe sao qhid' vao mung: byu yaug nge, yao: yao: zaui: so: nae" mau" we' vin vo, nae" qo vin jham re20
kho' gae byid: genae" ngaid: ra". – Ngaid qere: shao gyang" ra" zai yo jham re: nghoe' ra" au: Kohad’ zo: qe shid: ru maqhug' nae" tau: mae" akhug khyo magai: vao: qu" nae" ga: mho: ra".21
Mo"so wa Moshe re dam: ta" yang:22
mho: ru wa , – Gershon: amyu" kaung23
mae kao sam xe lai mung: , – ngo" xe zin joe" sho' gu: volo seim zaung mau" bovin nae" mo, re phug' pho" qe: yham khaung khyo" cao" yang: mang japhin: nghe' qug:24
to: wa, . – Gershon: kaung mae" mo, zaui:25
so: nae" mau" jham wa , – seim zaung qe, khug mae" myo, kyo" , volo seim zaung qae pin: lung: , adao nghoe' pin: lung: , Takhisha' sho: qid anghoe' , volo seim26
zaung kham: myo, kyo" , – seim zaung we' xeim: phain lhang" gam: vang" go: kyo" , taui: jham ru" ra" ja: re re: , ai: zai yo jham we' tin: mung: ci yhung: nae" zai yo ug' khug' alhab' re re: vin vo, gezai ngaid27
nae". – Gershon: kaung mae" zo: myid: qe wa yao: yao: zaui: nae" mau" we' vin vo, nae" ja: khao: ngo" mae Arun: we' yao: zo: qe nyhang" gae byid' ru we' daru: za: vin28
vo, gezai ngaid nae". – Ce ru wa volo seim zaung mae Gershon: amyu" zo: qe zaui: so: vin vo, nae" mau" ngaid: ra". Khin jaung Arun" yao: zo: Ithama: wa yao: bam re ug khang" nae" ngaid: ra".29
Merari' kaung zo: qe mae re: , kao sam xe lai mung: ngo" xe zin joe" aqho" gu: –30
Volo seim zaung mau" re bovin vo, nae" tau: mae" yao: bam re phug' pho" qe: yham khaung khyo" cao" yang: mang japhin:31
nghe' qug: to: wa, – yao: bam volo seim zaung mae zaui: so: nae" mau" we' vin vo, nae" ru wa , seim zaung sag' the: , kham:32
kyo" , khaung zang , zang khyid , – vang" khyae zang , taui: jham re re: , caung da" ra" au: ci nae" zai jham alhab' re re: vin vo, genae" ngaid: ra". Yao: vin vo; ra" zai yo jham mae mang tung" te' mung: nghe' qug33
genae" ngaid: ra". – Ce ru wa khin jaung Arun" yao: zo: Ithama: ug khang" mung: volo seim zaung mae Merari' kaung zo: qe vin vo, nae" mau" jham ngaid: ra".34
Ai re" ru: Moshe Arun: tao we' volo phaung mae" nhag' bo ade, qe wa Kohad’35
zo: myid: jham mae – kao sam xe zin lai mung: ngo" xe joe" gu: volo seim zaung mae mau" bozaui: nae" mo, alhab' geim" re phug' pho" qe: yham khaung khyo" cao"36
yang: – japhin: bobo: ra" mo, alhab' geim" ngaid: re , shid' taung: nhaid' yo: ngo" xe37
ngaid: ra". – Ai jham wa Mo"so Moshe re ta" to" ru we' dakhyo: Moshe we' Arun: wa nghe' qug mung: volo seim zaung: mau" zo" re vin vo; ra" Kohad’ kaung ngaid ko" ra".38
Gershon: kaung zo: qe mae kao sam39
xe zin lai mung: ngo" xe zin: aqho" mae" – volo seim zaung mae mau" bovin: ra" mo, alhab' geim" re phug' pho" qe: yham khaung khyo" japhin: gaug: ru we' dakhyo: , –40
japhin: mae bo: ra" mo, alhab' wa shid'41
taung: khyaug' yo: sam xe bo: ra". – Ce bam we Mo"so mho: to" ru we' dakhyo: Moshe we' Arun: nghe' qug: mung: volo seim zaung mae mau" vin: ra" Gershon: kaung mae" zo: myid: jham ngaid ko" ra".42
Merari' kaung zo: qe mae kao sam xe43
zin lai mung: ngo" xe zin joe" gu: , – volo seim zaung mae mau" bo: ra" mo, alhab' re yao" phug' pho" qe: yham khaung khyo" cao" yang: japhin: nghe' qug: ru alhab'44
wa , – sam taung: yang shid' yo ngaid ko"45
ra". – Ce bam wa Mo"so Moshe re ta" yang: mho: ru we' daru: za: Moshe we' Arun: nghe' qug: ra" Merari' kaung zo: qe ngaid ko" ra".46
Ai re" ru: Levi zo: myid: jham mae kao sam xe zin lai mung: ngo" xe zin joe"47
gu: , – volo seim zaung re qu" gam caung mung: mau" vin vo, nae" japhin: vao: ra"48
mo, re , – phug' pho" qe: yham khaung khyo" yang Moshe Arun: we' Israel agyi nhag' bo qe nghe' qug: ra" japhin: mae bovao: ra" mo, she' taung: ngo" yo: she' xe49
yaug ngaid: ra". – Moshe re Mo"so mho: to" ra" khang" dao: we' dakhyo: byu yaug nge, qu" gam caung nae" mau" yaug nge, vin vo, nae" mau" zo" jham re qu" mung: Moshe nghe' qug: ru ngaid: ra".