1 Alao" volo mo, thaui: alhab' wa thoe mo" ke' mung: zag: hug' ko" ra". Damyi2 khyeim ngug: ako". – Israel volo mo, thaui: jham wa Moshe we' Arun: re qobo zhaug' nyung zo" re" ngonhaung" wa Egutu mang: mae shid: byaug va" qa: we". Ce: seyo mae shid byaug va" qa: we" , –3 Mo"so ngonhaung" re shae lhae mae shid vegeshao: ga: ce: jo, qo khyo jhui" pyaung" lo nhaung i"? Ngonhaung" myi: zo: qe wa gyevo: lo, khyo lo" byaug geneva" myao: , Egutu mang: khyo dam: tug' re yaug agai nae" myao: ga: Moshe we' Arun: re mho ko" ra".4 Ngonhaung" dayaug yaug re ngon- haung" agyi zug: kaid' nhao mung: Egutu mang: khyo dam: tug' ye: gelang: ga: yao:5 cao: yao: jho" ta" ko" ra". – Ai ru: mung: Moshe we' Arun: wa Israel volo mo, phaung: qhid' kheim: mae goe; gam" yang:6 na: jo, ko" ra". – Khanain: mang: khyo jo" qu" mo, mae" Nun" yao: zo: Yoshu' we' Yephuna: yao: zo: Kaleb' tao wa yao:7 yao" mai bau: re lao" caid' mung: , – Israel volo mo, thaui: re khai: zhang: mung: ngo-nhaung" lo" du" qin" co' ra" mang:8 wa gyai gai: ra" mang: ngaid: ra". – Mo"so ngo-nhaung" re jhid' de; ngaid: re nung: nug' we' byo: yhid yug: ra" ai: mang: khyo ngonhaung" re jhui" vao mung: sang nhao:9 li" nae". – Mo"so re datau: lhain: ge, ai: mang: mae" byu qe re dagyaug ge, yao: bam wa nyhao: nhaung" zo: pho: boe" genae". Yao: bam mae khug ngha jao: maqo" , Mo"so wa nyhao: nhaung" mae na: , ai ru: mung: yao: bam re dagyaug ge,10 ga: mho ko" re , – volo mo, thaui: jham wa ai shid' yaug re laug baui: yang pye' nae" seim" ko" ra". Ai: au: Mo"so: phung bao wa Israel qe: myo, hao: tae volo seim zaung mae bao: thug' li" ra".11 Alao" Mo"so wa ce: byumyu" qe khomy- hao" joe" sho' Ngo re maphug' makhyaid' kaid' genae" i"? Ngo yao: bam mae qhu" byid' ra" ve, lho re myao gengaid yang: re: khomyhao" joe" sho' Ngo re malam jang"12 lo: na gezai laug i"? – Yao: bam re no qam" khyo" mung: qug: khai: byid: mung: khyao kham khyao khae: qab: pye' nae". Yao: bam tho' mae nao re na gai: ra" amyu" , phung bao kheim: so' qi" ra" amyu" boe" nhao nae" ga: Moshe re mho: ra".13 Alao" Moshe wa Mo"so re AsAng wa ce: amyu" zo: qe re qam: o: kheim: so' yang Egutu byu qe: khug mae" jhui" thug' lo mung: thao mae ce: lau dao: re Egutu14 byu qe dam: the' gyo" re , – ce: mang: mae na ko" ra" byu qe re lau dao: dam: kai" kyo" li" genae". AsAng Mo"so wa ce: amyu" mae bo: ru re re: , AsAng Mo"so wa ngonhaung" we' daga" na: na: ru re: , jham thaui: wa ngonhaung" dao mae ug gam: ru re: , AsAng wa na" mae jham zang , myi" mae myi: zang: yang yao: bam: qhid' au: khyo ye" lo" ru re re: , ce: mang: mae" byu qe15 gyo" qu" veko". – Ana" ce: byumyu" jham re byu dayaug re khyo" za: myid mung: se' jheim" pye' ngaid: re Ni" lau dao: qhug'16 gyo" qu" va" byumyu" qe wa , – Mo"so wa ai: byumyu" jham re byid: nae" ga: dao: so: to" ra" mang: khyo maqo" jhui" vao yang: seyo segae: mae yao: bam re17 se' jheim" pye' ra" ga: ta" genae". – AsAng Mo"so wa nhag' myid qi" qhang: ru we' nhag' khyag' nhag' myain" ru we' byang" ra" nhag' myid bo yaug; qobo we' tarha" lhoe" ra" khyo re khyaid' byid: ngaid qere: , qobo qo" ra" yaug re mageim: za: manhao: ke' lo: , myhi" pho" qobo yao: zo: qe mae byu na: bang: sam byid bang: joe" sho' tug'18 byid: yaug ngaid: ru we' dakhyo: , – AsAng Mo"so: phung bao kheim: so' qam: o: wa19 qi" qhang: na shao: wo". – Egutu mang: mae" thug' lo: ba mae" ana" ba joe" sho' ce: byumyu" re qobo lhoe' byid' na: ru re" ru: nhag' myain" myid we' ana" re: , ce: amyu" qe: qobo lhoe' byid: la, ngo mho' bain" ra" ga: Mo"so re mho: ra".20 Alao" Mo"so re: nao mho' bain" ru we'21 dakhyo: Ngo lhoe' ke' byid: va". – Ngaid qere: Ngo daui: na: ru mung: AsAng Mo"so: phung: bao kheim: so' wa myid gye, geim"22 mae je: byang" lo" li" nae". – Egutu mang: mae" re ce: seyo: din" joe" sho' mug' pho" ra" Nga" phung bao kheim: so' re the' myao veko" ra" mo, wa Nga" dao: re matae" gyo: lo: Ngo re daxe lhang lag yu ko" ra" mathao23 mae , – yao: bam: phug' phyid' qere Ngo byid: nae" ein: dao: so: to" mang: re gai gai: yao: dang dang yao: bam the' myao genae" mangaid: . Ngo re maphug' mamyao: kaid' ra" mo, dayaug re: the' myao gezai24 mangaid: . – Nga" daui mung yaug Kaleb' kam" wa gekai: lai nhag' myid bo: ru we' Nga" thao te' te' cao" mung: yao: joe" zab: qu" va" khyo jhui" vhao" mung: yao" zo:25 myid: qe Ma khae: yu: li" genae". – Ana" Ameled' we' Khanain: byumyu" qe lao: geim: mae na: na ko" mung: naonhaung" wa ne, mo" ba: ne, qid ne dao gau: khyo" seyo: din" khyo dam: tug' lhang: ye" lo" ge, ga: mho: ra".26 Moshe we' Arun: re Mo"so dam: mho:27 ru wa , – Ngo re qobo zhaug' mung: nyung ko" ra" 'makhyang" ra" volo mo, byu qere khomyhao" joe" sho' zang: qhao" na nae" i"? Israel amyu" qe Ngo re qobo zhaug' mung: nyung ko" ra" dao: re Ngo28 the' gyo: va". – Yao: bam re ceru: ein: ta" kyo: ge, Mo"so mho: ru wa Ngo daui: na: ru we' dakhyo: naonhaung" wa Ngo the' gyo: veshao: ga: ta" ko" ra" dao: thoe ru:29 naonhaung" re Ngo kaid' nae". – Japhin: mae bonghe' va" kao shid' xe zin byang" mo, Ngo re qobo zhaug' mung: nyung mo, alhab' wa ce: seyo mae shid mung: dang:30 gyo" jo, genae". – Naonhaung" sang nhao nae" ein: dao: so: byid' to" ra" mang: khyo Yephuna yao: zo: Kaleb' , Nun" yao: zo: Yoshu' mae" lai mung: khag' re: maqo" vao31 genae". – Gyevo: lo, khyo bo: lo" genae" ga: naonhaung" ta" ko" ra" zoshao qere Ngo jhui" lo" mung: naonhaung" ha: pye' ko" ra" mang: re yao: bam the' myao: li"32 genae". – Naonhaung" kam" wa ce: seyo mae shid mung: naonhaung" shid: mao gaung wa ce: seyo segae: mae dang: gyo"33 jo, genae". – Ce: seyo segae: mae naon- haung" mao gaung bab: qeim: baui" byaug sho' naonhaung" zo: myid: qe wa myhi" pho" tau: lhain" ra" qobo re vin mung: ce: seyo: din" mae byid xe zin su" lhang:34 qin" ru phau: genae". – Ai: mang: din" re jo" qu" ru byid xe ba we' dakhyo: daba re dazin toe' mung: byid xe zin lam: lam: qobo vin zo" re" Ngo yang shepye' to" ru35 re ba genae". – Gai gai: yao: Ngo re tug' shai" ra" ce: makhyang: ko" ra" volo mo, byu qere ai ru: kaid' mung: yao: bam wa ce: seyo segae: mae shid: bab: lo" li" genae" ga: Ngo Mo"so mho: ru ngaid: ga: ta" ra".36 Ai: mang: din" re jo" lo" qu" nae" Moshe nhao: ke' mo, mae dam: lo mung: ai: mang: din" akhyo dao: qeim lo: ta" ru we' volo mo, phaung re nyung nhao: ra"37 mo, – Khanain: mang" akhyo dao: qeim jhau: ra" mo, wa Mo"so: qhid' kheim: mae qam" gyo" phau" ru we' shid: lo" byaug ko"38 ra". – Ai: mang: din" jo" lo" qu" ra" mo; gu: mae" Nun" yao: zo: Yoshu' we' Yephuna'39 yao: zo: Kaleb' za: loe, ko" ra". – Ce: lau dao: re Moshe wa Israel amyu" zo: qe re ta" kyo" lao" volo byu qe wa gyai nhag' kaug'40 nhag' ngai: na ko" ra". – Yao: bam we' ne, kao no' no' to" mung: ngonhaung" shaid' nghung" bam va" , ngaid qere: ngonhaung" jin" jin" ngaid: na: bam va", Mo"so dao: so: to" ra" mang: khyo lo" bam naeva" ga: mho41 mung: bam khyo do, lo" ko" ra". – Moshe wa Mo"so: dao: thoe re pe" mung: lhoe" ko" , naonhaung" kaid' ra" khyo: gai: boe" zai mangaid: .42 Daye: ge, Mo"so wa naonhaung" we' daga" mangaid: lo: ngaid: ra". Ye" lo" re43 gyevo: lo, mae seim" genae". – Ameled' byu qe we' Khanain: byu qe wa naon- haung" majoe" shi: mae" joe" na gemung: naonhaung" shae lhae mae shid genae". Mo"so: lo, khug mae" thug' lo" ko" mathao Mo"so wa naonhaung" we' daga" mangaid:44 lo: ga: mho ngaid qere: , – Yao: bam wa qao: ra" nhag' lam: we' bam dao khyo yain" do, lo" ko" ra". Ngaid qere: Mo"so: dao: thang" bain" we' daga" Moshe wa khai:45 maye: lo: vo khug mae na: na: ra". – Ai: au: bam dao mae qhid' joe" na ko" ra" Ameled' byu qe we' Khanain: byumyu" qe bam mae" gyo" lo mung: Israel zo: myid: qe re khe' aung: pye' mung: Homa: vogaung: joe" sho' cao" khe' se' ko" ra".