1
Mo"so wa Moshe re mho: ru wa , –2
Israel zo: myid: qe re ta" nae" ru wa , phug' pho" akaung cao" yang: Israel daxe: shid' kaung mae" zug: agyi kaid' mo, yaug nge, mae" yao: yao" mang tung" te' mung: lhae3
daung: daxe: shid' lam: re yu wa, . – Levi kaung mae" lhae daung: mae Arun" mang re tung" te' wa, , phug' pho" dakaung mae4
lhae daung: dalam: lam: jo, ca" nae". – Ai: lhae daung: jham re Ngo naonhaung" we' jho" qhug' ra" jo, qo volo seim zaung akhug dao: thang" bain" nhae mae to" to: wa, . –5
Ngo khyin: yu: ra" yaug: lhae daung: mae abu" bu" li" nae". Ai ru: kaid' lao" Israel zo: myid: qe nao re qobo vhin nyung thoe re thao re Ngo nao re mazao" lo: nae" ga: mho:6
ru we' dakhyo: , – Moshe wa Israel amyu" zo: qe re ta" mung: zug: agyi qe alhab' wa phug' pho" akaung cao" yang: dayaug: lhae daung: dalam: lam: lhae daung: daxe: shid' lam: ci: zang" li" ko" ra". Arun" lhae daung:7
re: ai jham mae bobo: ra". – Moshe ai: lhae daung: jham re seim zaung khug mae" dao: thang" bain" nhae Mo"so: qhid' kheim: mae to" to: ko" ra".8
Thao: ba mae sagso: seim zaung khug khyo Moshe vao ye" qu" re Levi akaung we' tin" ra" Arun" lhae daung: wa avho' taid' abam: bam: mung: bu" ru we' Ba:9
dain: shi: zaui" jo, lao: lao" , – Moshe wa lhae daung: alhab' re Mo"so: qhid' kheim: mae" Israel amyu" zo: ci: thug' yang: yao: bam lham: qu" mung: yaug nge, yao"10
lhae daung: yao: dam: yu ko" ra". – Alao" Mo"so wa Moshe re ajhug apaid ga" dao: Nga" no: khye' no: paug' no: jhid' mung: ra" ru thang: lo" shao: tau: lhain" ra" mo; tau: so: xam: boe" veshao: , Arun" lhae daung: re sagso: bain" qhid' kheim: mae to"11
to: wa, . – Moshe re: Mo"so: khang" dao: we' dakhyo: kaid' ra".12
Israel zo: myid: qe re: , ngonhaung" shid: gain: lo" na va". Dayaug re: madang13
lo: sho' gain: thao" lo" na va" ra". – Mo"so: seim zaung khyo qui" te' ye: mo, yaug nge, dang dang shid: gain nae" ngaid: ra". Ngon- haung" alhab' yao: shid: gain nae" khyo" i"? ga: Moshe re mho ko" ra".