1 Mo"so wa Moshe re dam: mho: ru2 wa , – Israel zo: myid: qe re Ngo byid: nae" Khanain: mang: re jo" lo" qu" nae" tau: amyu" kaung khao: ngo" mae" dayaug yaug agyi kaid' mo, re khyin: nhao: ke'3 wa, ga: , – Mo"so mho: ru we' dakhyo: Moshe wa amyu" zo: qe re Parain: seyo: din" mae" nhao: ke' ra". Ai re" ru: nhao: ke' qhug' mo, wa Israel amyu" mae zug: agyi qe ngaid ko" ra".4 Yao: bam: mang wa Rubin: amyu" mae"5 Zakhura' yao: zo: Shammua' , – Simun: kaung mae" Hori yao: zo: Shaphaid' , –6 Yuda kaung mae" Yephuna: yao: zo:7 Kaleb' , – Iskha: kaung mae" Yoseb' yao:8 zo: Igala , – Ephrim: kaung mae" Nun"9 yao: zo: O" She: , – Benyamin: kaung10 mae" Raphu' yao: zo: Palti , – Zabulun: kaung mae" So" Di' yao: zo: Gadiel , –11 Yoseb' zo: qe mae Manashe: kaung mae"12 Susi yao: zo: Gadi , – Dain: kaung mae"13 Gameli yao: zo: Amiela , – Asha: kaung mae" Mekhela' yao: zo: Sethura' , –14 Nabthali kaung mae" Vapasi' yao: zo:15 Nabi: , – Gaid' kaung mae" Makhira yao:16 zo: Guela , – ai: gu: wa Khanain: mang: re jo" lo" qu" nae" tau: Moshe nhao: ke' ra" mo; mang ngaid: ra". Nun" yao: zo: O" She: re Yoshu' ga: Moshe mang mhang" byid' ra".17 Ai re" ru: Khanain: mang: re jo" lo" qu" nae" tau: yao: bam re Moshe nhao: ke' mung: naonhaung" qid bang" gau: khyo"18 lo" mung: bam mug: khyo do, lo" ge, . – Ai: mang: din" wa pe" ru" ru ngaid: ru re qu" to: co' ge, . Mang: byu qe qam: bo ko" ra" i"? qam: nang: ko" ra" i"? byu myo: ko" ,19 mamyo: ko". – Yao: bam na: ra" mug: myid wa gai: ra" i"? magai: ra" i" ? yao: bam na: vo tham: wa khoru" ru , zaung khyae: mae na ko" i"? gang: tang: ra" vo mae na ko"20 ra" i"? – Ai: mang: mae" myid gaung wa myid jin" bo mabo , yo qao" no, qaid ngaid: ra" i" ? din" pyaid' yo ngaid: ra" i"? qu" lo ge, vae" ra" nhag' myid we' ye" lo" ge, ai: mang: mae yaug: ra" shi: jham re re: yu: ci: gyo" lo ge, ga: pin: ke' ra". Ai: ayo, wa sabyi' shi: mhang" yo, ngaid: ra".21 Yao: bam wa Zina seyo: din" mae" to" ye" lo" mung: Hamaid vo ye: gau: mae" Rehob' vo joe" sho' Khanain: mang: re cao"22 jo" qu" ko" ra". – Yao: bam wa qid bang" gau: khyo" su" lhang: lo" mung: Hebron: vo khyo joe" ko" ra". Ai mae Anag' byu Ahimain: , Sheshe" , Talamai bam na ko" ra". Hebron: vogaung: Egutu mang: mae" Zoan' vo mate: shi: re nhaid' zin qhid' yang:23 te" ru ngaid: ra". – Eshkola, lao: khaung: mae joe" au: sabyi' shi: paid' dakaung re zin" yu mung: byu shid' yaug dao ko" ra". Shiham: shi: we' Shimyho" shi: re re: yu:24 ci: lo ko" ra". – Israel zo: myid: qe sabyi' shi: kaung zin" vo; ru re cao" mung: ai: lao: khaung: re Eshkola lao: khaung: ga: mhang" ko" ru ngaid: ra".25 Ba na byid xe myao" sho' Khanain: mang: re jo" bin: qu" mung: dam: lo ko"26 ra". – Yao: bam dam: lo: au: Moshe , Arun: we' Israel zo: myid: mo, thaui: jham na: ra" Parain" din" Kadesha ga" jo, qo khyo joe" lao" volo byu qe re lau dao: lo: ta" kyo: ko" ra". Ai: mang: mae jo; ra" shaug' shi:27 re ci: qhu" ko" ra". – Moshe re re: nao ngonhaung" re nhao: ke' ra" mang: khyo joe" lo" bam va". Gai gai: yao: ai: mang: wa nung: nug' we' byo: yhid yug: ra" mang: ngaid: ra". Ce: shaug' shi: jham re: ai:28 mang: zaui" ra" shi: jham ngaid: . – Ngaid qere: mang: byu qe wa qam: gyai qi: ko" ra". Gang: tang: ra" vo kham" we' na ko" ra". Ai za: mangaid: , Anag: byumyu" qe29 re: the' myao co' va". – Amaleg' byumyu" qe wa qid bang: shaid' mae , Hitti , Yebuti' byu , Amori byumyu" qe wa bam mug: mae Khanain: byumyu" jham wa qid dae yae cao" we' Yodain: qid yae cao" mae na: bam ko" ra" ga: ta" kyo: ko" ra".30 Alao" Kaleb' wa sa" ana" yao: jao" lo" mung: ai: mang: re lo" khe' sang: yu gelang: qo" gai: aung nae" ga: Moshe qhid' kheim: mae byu jham re tae" lo" nhao:31 ra". – Yao: we' daga" lo" mo, ai: mae" byu qe re ngo-nhaung" magai: aung yao: bam wa nyhao: nhaung" tho' je mung: qam: qi:32 mo, ngaid ko" ra" ga: re: , – ngonhaung" jo" lo" qu" ra" mang: wa yao: yao" byu qe re zo" pye' nae" mo, ngaid ko" ra". Ngon- haung" the' myao co' ra" mang: byu alhab' wa gaung khyao khoqhi" khoqhang" mo,33 za: ngaid ko" ra". – Gaung khyao qi" ra" byu ze lavao: amyu" Anaga' amyu" ngaid mung: gyai qi: gyai qhang: ra" mo, re re: myao co' bam va". Yao: bam: qhid' kheim: mae nyhao: nhaung" wa jhin khyag' jhin gyoe ru" ru ngaid: ra". Yao: bam re: nyhao: nhaung" re ai: re" ru jho genae" ngaid: ra" ga: re: , yao: bam jo" lo" qu" ra" mang" akhyo Israel zo: myid: qe re magai: lau dao: lo: ta" kyo: ko" ra".