1 Thain" madaui gyag maqui: Moso: mung dao: ngo jhao" dam: joe" mung: –2 Ngo wa Ziun: bam re gyai yao: nhag' jhid' zaug: kyi: . Yao" tau: myid: laung: ru we' nhag' qu" ajhid' zaug: na: kyi: thain" madaui gyag maqui: Moso ta" na: ra".3 Moso ceru: ga" ra", Ziun: bam khyo ngo dam: lo va". Yerusalem: mae ngo gyag maqui: na lonae". Yerusalem: re dang main: ra" vomo" ga: re: , thain" madaui Moso: bam re shao lho" ra" bam ga: re: mhang" li" genae".4 Thain" madaui Moso: kheim: dao: mho: to" ru wa zaung: bao" ci: ra" phug' mao: phyid' mao: jham Yerusalem: vomo" khyo dang jham mae na: li" shi: genae".5 – Vo khug: khyo dang jham mae myiqe: nau" yaug gai nau" jham byang" sheim sho' jhi: na genae" ngaid: ra".6 Thain" madaui gyag maqui: Moso ceru: ga: mho: ra". Ce: mau" zo" wa ai: ayo, mae na: dang: gyo" ra" mo; tau: mae mug' pho: ru" ru ngaid qere: nga" qhid' kheim: mae mug' pho: ngaid: ra" i"? ga: gyag maqui: Moso ta" ra".7 Thain" madaui gyag maqui: Moso ceru: ga" ra". Qu" ge, ba thug' ba vao mang: mae" nga" amyu" jham re khyi: yu nae"8 ngaid: ga: mho: ra". – Ngo yao: bam re jhui" lo mung: yao: bam wa Yerusalem: vo mae khug ngha: na genae". Ai mung: yao: bam nga" amyu" boe" mung: ngo wa yao: bam: dang main: Moso boe" na nae" ga: mho: ra".9 Thain" madaui gyag maqui: Moso: kheim: dao: Moso: pa" jhaung: yham lag: qhid: ra" mo, we" lo, lam: pyam" qam: ke'10 ge, . – Ai: ayo, qhid' phyao: byu jham gug' nyhug' jham so' ha" maqo" na myain yaug mayo ko". Vao lo thug' lo" mo, re: gyevo na: jo, mung: yaug yo myain cae: maqhug'11 ko" ngaid: ra". – Ana" kam" wa dang: na shi" mo, ce: byu jham re qhid' phyao: ru: ngo makaid' lo: nae" ga: gyag maqui: Moso12 ta" ra". – Ngaui bau: yaug yo: ra" amyug: sin: naeva". Sabyi' naui ashi: zaui: mung: zhono; am wa qhovo: qhoshi: yaug: li" nae" ngaid: . Mug: mae" nghin gyo" mung: ce: na: dang: ra" byumyu" jham alhab' re qo" sang: yu sho' ngo kaid' byid: naeva". Naon- haung" we' daga" na: ga" ru ngo-nhaung" qhug' gyo" qu" va" ga: ta" genae" ngaid:13 ra". – Yuda, amyu" we' Israel jham we" naonhaung" wa labug: byumyu" jham mae nhang: thoe mung jao: boe" qu" veko" ru we' dakhyo: ngo naonhaung" re khyaid' yu mung: naonhaung" wa na gai jao: boe" genae". Dagyaug ge, naonhaung" lo, lam: pyam" qam: ke' ge, .14 Thain" madaui gyag maqui: Moso: kheim: dao: wa naonhaung" phug' pho" qe ngo re nhag' gyid' nhao geyang: yao: bam re ngo qobo byid: nae" ein: myid: to: mung: nhag' lam: atha" maqo" ru we'15 dakhyo: – Ana" ayo, re ngo dam: myid: qu" mung: Yerusalem: we' Yuda, amyu" re jeju kaid' nae" ngo myid: tau" da: to: va". Dasang: kho: ge, ga: thain" madaui gyag16 maqui: Moso ta" ra". – Naonhaung" cao" zaui: so: nae" ru wa naonhaung" yao: cao: dayaug we' dayaug dao: gai jho" ta" ge, vomo" kham: dang main: ra" khyo" yaug17 yo gai" byin jho" phye" ge, . – khag' ngaid qere: dayaug we' dayaug magai: ra" khyo" vhain" myid: dajho" bo ge, madang main: ra" khyo" jham jho" tang: nae" ru re dakao bau , ai ru" mau" re ngo ma-o ga: Moso mho: ra".18 Thain" madaui gyag maqui: Moso19 mungdao: ngo jhao" joe" mung: – Thain" madaui gyag maqui: Moso: ceru: ga: mho: ra" , lho" byid khye' mae re: , lho" ngo" khye' mae re: , lho" nhaid' khye' mae re: lho" daxe khye' mae re: zo: shaug' jao" ra" yo, wa Yuda, byu qe ngaui bau: ngaui lho" kao bau: ra" poe boe" nae". Ai ru: mung: dang main: ru we' ngaui bau" ru re o ngaui: na ge, .20 Thain" madaui gyag maqui: Moso ceru: ga: mho: ra". Vo byu tham: byu amyu" myo: sho' jham dam: zang" lo: li"21 shi: genae" ga". – Vo davo mae na: ra" mo, wa getau davo khyo ye: mung: ngo re: ye: nae" sa" ye: gelang: ga: jho" ta" genae"22 ngaid: ra". – Kheim: so' qi" ra" byumyu" myo: sho' mo, Yerusalem: vo mae" Moso re li" cao" qho mung: thain" madaui Moso: qhid' kheim: mae jhaung: xe: li" mho' genae" ngaid: ra".23 Ai: ayo, mae myain" yao: ja: yao: jhau: ra" labug: byu daxe yaug wa Yuda, dayaug: bau: thao mae li" zaui" ci mung: Moso naonhaung" we' daga" na: ga" ru ngo- nhaung" qhug' gyo" qu" va" ga: ta" genae" ngaid: ra".