1 Ngo dalhang dam: tau: nghao" qu" ke' re bam shid' bam: agyo: mae" lhin" byid lhin" thug' lo ko" ra". Ai: bam shid' bam2 wa gyid: nyug bam ngaid ko" ra". – Sao qhid' lhin" mae myao: ne , shid' lhin" ein:3 ru mae myao: no, . – Sam lhin" ein: lhin" mae myao: phyu , byid lhin" ein: lhin" mae qam: je: bo: ra" myao: taug' jham ngaid ko"4 ra". – Ngo we' jho" jhau: ra" mug: logyo: re AsAng we" ai: lhin" jham wa pe" ru: ngaid5 ko" ra" ein: myid' re – Mug: logyo: phyid: ru wa ce: lhin" jham wa myidkin: AsAng: qhid' kheim: mae ye; na: ru mae" thug' lo ko" ra" mug: gaung: la byid thaui: ngaid6 ko" ra". – Myao: no, she: ra" lhin" wa qid meim: mang: khyo lo" ra". Myao: phyu wa myao: no; thao cao" lo" ra". Myao: taug' jham wa qid bang" mang: khyo ngaid: lo"7 ko" ra" ga: ngo re ta" ra". – Qam: bo: ra" myao: jham wa myidkin mae su: du" gam" qin" nae" tau: mae akhang" mho' ko" ra". Ai ru: mung: AsAng wa thug' ye: ge, myid- kin mae du" gam" qin" ge, ga: ta" ru we' dakhyo: yao: bam myidkin: dao mae su:8 du" lhang: qin" veko". – Mug: logyo: ngo re khai: yu mung: qu" wa, qid meim: mang: khyo lo" ko" ra" myao: jham wa qid meim: mang: mae nga" nhag' lam: re yaug yo nhao veko" ra" ga: ngo re zag: hug' yang: ta" kyo" ra".9 Dam: Moso: kheim: dao: ngo jhao" joe"10 ru wa – Cam" sham" tai: lo" qhug' mung: Babilon: mae" dam: phao: lo ko" ra" Heldai: Tobiya: we' Yedaia amyu" daqhae: re khai: yu mung: ai: ba re yao: Zephani yao: zo:11 Yoshia yham mae ye: vao ge, . – Gegai: yao: bam jhao" mae" ngaui hhang yu , Dainzi maug kaid' mung: Yehozadag' yao: zo: khin jaung mo" Yoshu' au: mae zhaung:12 byid: ge, . – Yao: re ceru: ein: ta" wa, thain" madaui gyag maqui: Moso ta" ru wa anyaug gain" ga: mang: ra" yaug re qu" wa, yao: wa yao" jo, qo mae yaug: qi" li" mung: Moso: pa" jhaung: yham re kaid' li" nae". –13 Moso: pa" jhaung: yham re bin: kaid' lao" qi" ra" kheim: so' phung bao we' yao" la kin mae zaung mung: ug nae". La kin dao mae khin jaung re: boe" mung: aya: shid' lam" mathao mae" yaug yo: ra" juyi khyug' nae"14 ngaid: ra". – Ai: Dainzi maug wa Helem: , Tobiya: Yedaia we' Zephani yao: zo: Hen" tau: Moso: pa" jhaung: yham mae sagso:15 boe" nae". – Va: mae" mo, joe" li" mung: Moso: pa" jhaung: yham re li" bao" kaid' genae". Thain"madaui gyag maqui: Moso wa naonhaung" jhao" ngo re nhao: ke' nhaung ga" ru re naonhaung" ba genae". Naonhaung" Moso: mho dao: re gelho: za: tae" gyo: ko" ngaid: re naonhaung" ceru: boe" genae" ga: mho: ra".