1 Dari' jhaung zug: tao" zaung zin na shid' zin lho" she' khye' mae Berakhia' yao: zo: Ido" yao: myid: Zakharia' jhao" joe" ra" Moso: mung dao: wa- ,2 Naonhaung" phug' phyid' jham re3 Moso wa gyai nhag' gyid' ava". – Ngaid qere: thain" madaui gyag maqui: AsAng Moso: Amyin" yao: re ta" kyo: nae" ru wa Ngo jhao" dam: lhang: lo ge, ga: mug: gaung: dao mae" gyag maqui: Moso ta" ra". Ngo re: naonhaung" na: khyo dam: li" nae" ga: thain" madaui mug: gaung: AsAng4 Moso ta" na: ra". – Qhid' phyao: mae" lapa qe mho: to" ru we' dakhyo: naonhaung" magai: ra" khyo dang magai: ra" ave, asam" re jao" ge, ga: thain" madaui gyag maqui: Moso: Amyin" re dakai" hau" kyo: ngaid yang: re: magyo: , Nga" dao: re matae" gyo: ko" naonhaung" phug' phyid' jham re" ru: dakaid' ge, ga: thain" madaui Moso5 ta" ra". – Phug' phyid' jham wa khai: mae na: ako". Lapa jham wa khonhae" re: daui:6 na: ako" i"? – Nga" jeim re ngo pin: to" ra" nga" khang" dao: jham re naonhaung" phug' phyid' jham myhi ko" mangaid: i"? Yao: bam ai re myid: beim: yang: ngon- haung" zaui: so" lo: ra" ave, we' dakhyo: pyam" lo va" mangaid: i" ga: ta" to" ra".7 Dari' jhaung zug: tao" zaung shid' zin ein: zin lho" daxe: dakhye' ga" Sheba' khye' shid' xe: byid ba mae Berakhia' yao: zo: Ido" yao: myid: Lapa Zakharia jhao" Moso:8 mung dao: joe" li" mung: – Myi" re the' myao: yab mo, wa myao: ne jui: ru dayaug thug' li" mung: lao: khaung: mae" Martu' seyo mae ye; jo; ra". Yao" nhaung thao" mae myao: ne , myao: ma" , myao: phyu9 jham na ko" ra". – AsAng we" ai bam wa khag' ngaid ko" i"? ein: myid' ke' au: re ngo we' jho" jhau: na: mug: logyo: wa ai bam khag' ngaid: ru ngo ta" kyo: nae" ga: mho10 mung: . – Martu' seyo mae ye; jo, yaug wa , ce bam wa myidkin mae su" lhang: qin" ra" Moso nhao: ke' mo, ngaid ko" ra"11 ga: tau" ra".– Ai bam re: ngonhaung" wa myidkin khyi" khao: ngo" su" gam" qin" va". Damyid kin geim" mae yaug yo cae: tae: za: ngaid: ra" ga: Martu' seyo mae ye; jo; ra" mug: logyo: re dam: ta" ra".12 Dam: dalhang Moso: logyo: o" thain" madaui Moso AsAng wa zin lam: nhaid' xe nhag' gyid' ra" Yerusalem: vomo" we' Yuda, vogaung: jham re khomyhao" joe" sho' nhag' makhyag' lo: na nae" i"? ga: myid'13 au: – Moso re: ngo we' jho" jhau: na: mug' logyo: re nau" nhae" ra" kheim: dao: we'14 dam: tau" ra". – Ai ru: mung: ngo we' jho" jhau: na: ra" mug: logyo: wa zag: yao wa, thain" madaui gyag maqui: Moso ceru: ga: ta" ra". Yerusalem: we' Ziun: bam re jhid'15 nhag' magain mung: na: . – Yaug yo ngam" mo" myid' na: bam ko" ra" labug: byu qere ngo nhag' gyid' ra". Khoru: ga" re Ngo Yerusalem: vomo" re dajhid' za: anhag' yo: shi" ru yao: bam se' da: be; khyaid' ceim"16 kaid' ko". – Ai ru: mung: Moso ta" ru wa Ngo agyid aso vin: ra" jeju kaid' nug: ra" nhag' myid we' Yerusalem: khyo dam: lhang: lo va". Ce: vo mae nga" yham kaid' to: genae". Vogaung: re re: taui" yang she:17 ka" genae" ga: Moso mho: ra". – Dam: zag: yao wa, thain" madaui gyag maqui: Moso ceru: ga: ta" ra". Nga" vogaung: jham wa agyid aso we' byang" sheim: lo nae". Moso wa Ziun: bam re nhag' tang" mung: Yeru- salem: vomo" re dam: gaug: yu shi: nae" ga: mho: ra".18 Ngo dalhang dam: tau: qu" ke' re khyug19 byid khyug re the' myao: . – Ngo we' jho" jhau: na: mug: logyo: re ai: khyug jham wa khoru" ru ngaid: i"? ein: myid' re Yuda, mang: , Israel mang: , Yerusalem: vo jham re lhau: pyo: sin" ke' ra" khyug jham ngaid20 ko" ra" ga: ngo re dam: tau" ra". – Moso re: lo, mau" lo, do zaui: mo, byid yaug21 ngo re qhu" ra". – Ai: au: re ngo wa ce bam pe" kaid' nae" tau: joe" li" ko" i"? ein: myid' re mug: logyo: wa ai: khyug jham wa khag' mavae" tau: qu" lo:sho' Yuda, mang: re lhau: phyo' pye' gengaid yang: re: ce: lo, mau" zaui: mo, wa ai: khyug jham re kyaug' phao: ke' mung: labug: byumyu" qe nho: khyug re nag: khyug' pye' zai ngaid: ako" ga: tau" ra".