1 Moso: ba na ayo, joe" lo: au: mae mo, je: byumyu" qe nao jhao" mae" jo, nho" zai yo jham lhaid' yu mung: ni" myo, dakyug mae2 yao: jho" gae: yu: li" genae". – Yerusalem: vomo" gye li" she nae" tau: byumyu" cao jab re ngo khai: ham nhao nae". Yao: bam wa vomo" li" zin" aung: bin lao" yham zai ug' khug' jham re lhaid' yu mung: myiqe: qe re deim: so: zag kaid' li" genae". Vo byu khyae: lao: be, re sham" lo" mung: dano"3 za: na: dang: gyo" genae" ngaid: . – Alao" Moso wa mang: zin" na ko" ru we' dakhyo: ai: byumyu" jham re zin" ye" lo" nae" ngaid:4 ra". – Ai: ba mae yao" khyid Yerusalem: ba thug' shaid' mae" Zhainlun: bam dao mae ye, mung: Zhainlun: bam wa ba thug' shaid' mae" ba vao shaid' joe" sho' go; dao" lo" mung: lao: khaung: aqi: zang boe" lo" li" nae". Ai: bam wa qid meim shaid' khyo dakhyae: qid bang: khyo dakhyae: qui" lo"5 li" nae". – Ai ru: mung: naonhaung" wa nga" bam agyo: lao: khaung: khyo" phao: lo" li" genae". Ai: bam gyo" lao: khaung: wa Azela' vomo" joe" sho' khaung" gyo" lo" nae". Gaigai: yao: Yuda, jhaung zug: Uzia bang: mae myid lab: mathao mae nao- nhaung" tao" phao ko" ru ru: dam: phao ca" li" genae". Nga" Moso joe" li" mung: shao gyang" mo, yao: we' daga" bo: bo genae" ngaid: .6 Ai: ba mae mug: mabo" myo, mamyao7 nae". Zai jham byaug: pye' nae". – Ngaid qere: Moso ba: ra" mug: bo" yao: ngaid: ava". Na" re: mangaid: myi" re: mangaid: caid'8 sham" zo" re mug: bo" li" nae" ngaid: . – Ai: ba mae Yerusalem: vo mae" kao so' qid yug: thug' li" nae" ngaid: . Dakhyae: wa ba vao shaid' tham: khyo, dakhyae wa ba thug' shaid' mae" tham: khyo ang: lo" zai ngaid: ra". Ai wa laung yo, mae ngaid qere: gyo, yo, mae ngaid qere: ayug: na nae".9 Ai: au: Moso wa myidkin geim" jhaung zug: boe" nae" ngaid: . Ai: ba mae Moso dayaug za: ngaid mung: yao" mang re:10 damang za: boe" nae" ngaid: . – Damang: geim" Geba' bug gaung mae" Yerusa- lem: qid bang: Rimon: vo mo" joe" sho' khyaung" khug: lao: khaung: ru" ru jao: gyug: boe" nae" ngaid: . Vomo" re: Benya- min: kham: dung: mae" ru qhid' phyao" kham: jo, qo vokham" jheim mae" kham: mo" dung: joe" sho' Hananela, gye byu gai: mae" jhaung" zug' sabyi' jhab' xam qo joe" sho' te: gyi axug' jo, qo mae de" na: bam11 genae" ngaid: . – Vobyu qe ai: khug mae khug ngha: na mung: thao phyao: nhang: kheim: phau: lo: nae" mangaid: Yerusalem: vo wa phain dang yaug yo za: na genaeva".12 Yerusalem: re gye li" khaid' zin: mo, alhab' phau: nae" Moso byid: nae" qug: khai: wa gaung sho: bab gau ye; jo; genae" nhaid' khug mae" sho re: bab nae" myo,13 jid' re: bab: daid: lo" genae". – Ai: ba mae Moso jhao" mae" nhag' caid' no: yaug: ru yao: bam jhao" joe" mung: dayaug we' dayaug byin cao" lo, re zaui" ci mung: yao:14 cao: jho" se' genae" ngaid: ra". – Yuda, amyu" qe re: Yerusalem: re gug: gam: ga: gye khaid' genae". Lhang" gam: na ko" ra" labug: byumyu" qe: jo, nho" zai yo, ngaui hhang mai bau: xug' khye' jham myo: sho'15 bam zao: jo; li" nae". – Ai ru: mung: ai: gye mae bobo: ra" myao: loze , ma dae myao: we' gug' nyhug' jham re: ai: ja: ru" qug: khai: bo: phau: genae" ngaid: .16 Yerusalem: vomo" re mang: li" khaid' mo, labug: byumyu" qe mae" dang: ra" mo, wa thain" madaui gyag maqui: Moso ga" ra" jhaung zug: re goe; pa" nae" tau: khug ngha Khin zaung poe mae bobo nae" tau: mae zin qug: do, lo: li" genae"17 ngaid: . – Thain" madaui gyag maqui: Moso jhaung zug: re goe; pa" nae" tau: Yerusalem: vo khyo mado, lo: ra" myidkin mae" byu damyu" na: ngaid: re yao: bam:18 adao mae mug: maqu shao: ga". – Egutu mang: mae" amyu" qe mado, lo ko" mung: yao: bam: adao mae re: mug: qu: zao" nae" mangaid: . Ai za: mangaid: khug ngha poe lum nae" tau: mado, lo: ra" amyu" qe re Moso byid' ra" qug: khai: yao: bam: adao19 mae joe" genae". – Ce: khyo wa khug ngha poe bobo nae" tau: mado, lo ko" Egutu byu qe we' labug: amyu" qe alhab' phau: nae" qobo ngaid: ra".20 Ai: ba wa shao gyang" ra" Moso: ba na ngaid: ga: myao: jhu mae tung" te' li" genae". Moso: yham khug mae jo; ra" ug' jham wa phain: qhid' kheim: mae jo; li" ra" tang keim jham re" ru: shao lho" nae". –21 Ai za: mangaid: Yerusalem: vo we' Yuda, mang: mae jo; keim jham alhab' thain" madaui gyag maqui: Moso: tau: shao lho" ru ngaid nae". Xeim: ngaui" mo, alhab' ye: mung: ai: ug' jham re yu mung yang: sho: jho' zo: genae" ngaid: . Ai: ba mae" mung: thain" madaui gyag maqui: Moso: yham mae Khanain: byu qe bobo lo: gezai mangaid: .