1 Moso: mungdao: wa Hadrag' we' Damaskus vo mae zo; qaug: lo va". Moso wa byu Sosu qe we' Israel byumyu" kaung2 re zhaug' qu" na: ra". – Ai: mang: we' jhao" ra" Hamaid' mang: mae re: Turu vo wa juyi bo gemung: ai: vo we' Sidon: mae qug:3 khai" ru joe" nae". – Turu' vomo" wa yao" tau: zho: cang yham kaid' mung: ngaui re phaui: lhug re" ru: hhang agyang" re khyo dang mae" tham: bab: re" ru: bam: zao: jo,4 ngaid qere: . – Thain" madaui gyag maqui: Moso wa yao: re su pe" lo, khug khyo qhaug' mung: yao" qam: o: khyug' mung: qid dae mo" mae pye' zaui mung: myi"5 yang ngha" jheim" pye' ra". – Ashkelon: ai: mau" re myao yang: gyaug: na: li" nae". Gaza: re: myao yang: gyaug: nin" nae". Ejhung: re: yao: tau" da: to" ra" atha" qho' phau" ru qhug' nae". Gaza: jhaung zug: shid: ru qhug' mung: Ashkelon: vo mae byu mana lo: cae: jhug tag boe" nae". –6 Ashdod vo mae gemang: gedin" byu jham li" na genae". Philisti amyu" qao: ra" nhag'7 lam re gyug: nhao: pye' nae". – Yao: shaug' ra" sa: yao" nhaid' mae" yao: zo" ra". Maca' majhaid' sho: re yao" zaui jhe' mae" ngo phoe' pye' mung: yao: yao: ngonhaung" Moso: tau: dang shi" ra" ru boe" mung: Ejhung: wa Yebuti byu ru: boe" genae".8 Khoru" gye vo re: mavao mathug' lo: sho' nga" yham lhang" gam: mae gye qe, to" to: nae". Thao phyao: se' da: be, khyaid' kaid' ra" mo, yao: bam: mang: din" mae qo" lai: phyid' gezai mangaid:, khoru: ga" re ngo yao: qo" qu" myao va".9 Ziun: zomyi: zo: we" ngaui bau: yaug yo: na se, . Yerusalem: zomyi: zo: we" zag: hug' na se, qu" wa, ni" jhaung zug: wa nao jhao" joe" li" nae" ngaid: ra". Yao: wa dang main" na mung: khyaid' yu: khyo re nyhang" va". Yao: wa nau" nhae" myid we' Loze myao: nau" jui: mung: nao na: khyo10 joe" li" ru re qu" wa, . – Ngo wa Ephrim: mae" gye lhin" we' Yerusalem: mae" myao: jham re zai" tam" pye' naeva". Gye ci: la: jham re nag: khyug' pye' nae". Yao: wa labug: byumyu" jham re ngaui bau: dao: ta" kyo: mung: qid dae mae" qid dae khyo joe" sho' Uphared' qid lao mae" re myidkin geim" re ug nae" ngaid: ra".11 Nao mae" yug: thug' ra" dao: thang" sa: mathao mae kyam: laung" mo, re qid mobo: ra" myid sao: dung: mae" phoe'12 lhoe' ke' nae". – Kyam: laung" mung: myid: nghae" na mo, we" zho: cang yham (gye qe,) khyo dam: tug' lo ge, ngo wa so' ha" jeju shid' zhao" byid: nae" ngaid: ana"13 ba jao" yao: ngo ta" to: va". – Yuda, re lo, la: thaung nhao mung: Ephrim: wa myo: ngaid: ra". Ziun: we" ni" zolau: qe Helita' byu jham re gye khe' nae" tau: jhain: mung: nao re sulhe" shae boe" nhao nae"14 ngaid: . – Moso wa yao: bam: adao mae thug' ye; qhu" mung: yao" myo: wa lhe' caid' ru" ru thug' li" nae". AsAng Moso labo" maid mung: qid bang" la sham" we' li" lo15 nae" ngaid: . – Thain" madaui gyag maqui: Moso wa yao: bam re gug: gam mung yang: yao: bam vo: zo: mung: lo, lhaui: laug je, re pag' lhoe" pye' genae". Sabyi' qang: shaug' yid mung: mang: zin: mo, re" ru: zag: hug' genae". Yao: bam wa keim we' phain jheim16 jham ru: sa: we' byang" genae". – Ai: ba mae yao: bam: Moso wa yao" byumyu" qe re yao kyaung" ru: bao qhi genae" ngaid:17 ra". – Khoru: ein: re yao" jeju khoqhi" qi" ra" i"? Yao" ham" hung: khoqhi" bao: jo; ra" i"? gaug zo maui: lam: wa zolau: qe re re: , sabyi' qang: wa zomyi: zo: qe re myo: laug qi: qhang: lo genae".