1 Ngo dam: tau: nghao" qu" ke' re dao" lhang: qin" ra" tung" khye' dang: re2 myao: . – Mug: logyo: re: nao pe" nam re the' myao: ga: myid' ra" au: dao" lhang: qin" ra" tung" khye' dang: re myao: , qhang phyao: shid' xe , lu phyao: daxe daung"3 ngaid: ra" ein: dam: tau". – Ai: tung" khye' dang: wa damang: geim" mae byo: sin" jo; ra" nhang: kheim: Jham tang" to" akhyo ngaid: ra" , Khoru: ga" re khug' mo; alhab' wa ai: tung" khye' myo, nho dashaid' mae bo: ru we' dakhyo: byo; gain: pye' qhug' genae". Jham vae" tang: mo, re: ai: tung" khye' myo, nho mae bo: ru dao: kheim: we' dakhyo: byaug: gain: pye' ru qhug'4 genae". – Ngo ai: tung" khye' dang: re pyo: ke' mung: khug' mo' yham mae re: nga" mang lao: jham tang: yaug: yham mae re: vao mung: yao" yham khug mae na: na yang: ai: yham dao vo: jham laugbaui jham we' yham re nai: mhain" pye' nae" ga: thain" madaui gyag maqui: Moso ta" ra".5 Dam: dalhang ngo we' jho" jhau: ra" mug: logyo: thug' ye, mung: ana" thug' li"6 ra" zai re qu" wa, ga: ngo re ta" ra". – Alao" ngo wa ai pe" ngaid: ra" ein: myid' re ana" thug' li" ra" zai wa ne: bain" ngaid: ra" ga: mho: ra". Dam:, yao: wa ai: ru wa damang: geim" mae yao: bam myid: nghae" to" akhyo ngaid: ra" ga: dam: paug' ta" ra". –7 Xa pye: anghoe' re phung" ke' re bain" khug mae myi qe: myhi" dayaug zaung: na: jo; ru8 ngo the' myao: . – Ai: au: mug: logyo: wa ceru yug: no qobo ngaid: ra" ga: bain" khug khyo deim" jheim: zaui: ke' mung: anhaid'9 mae xa pye" yang nghoe' to" ra". – Ngo dalhang dam: tau: nghao" qu" ke' re la no, thaui: ru" daung de; ra" myi qe: shid' yaug thug' li" mung: yao: shid' zo: wa myilag bai: je; daung ru" de; ru yang bain" re mug: gaung we' myid gaung: agyo: mug: le;10 phyo: khyo ci: do, lo" ko" ra". – Ai: bain" re khai: khyo yu: lo" nae" ga: ko" laug i" ? ein: ngo we' jho" jhau: ra" mug: logyo:11 re myid' re – Shina; mang: mae bain" tau: mae yham kaid' nae" vo; lo" ko" ru ngaid: ra". Ai re bin: kaid' lao" bain" re ai: jo, qo mae zhaung: to: genae" ga: ngo re dam: tau" ra".