1 Lebanon: we" ni" shaug' gae jham nga" jeim: nae" tau: ni" kham: mo" dung: phung"2 sin" to: wa, – Hhu je; gae we' shaug' gae gyug' gyang: lo" mathao mae kaug' qhui: na wa, . Phug' de; ra" sag' gae jham byo; qeim: byaug veko". Ba: shain: Lashe' gae we" , yo qao" no, qaid jham thau: khyaid' khyo" pye' ko" mathao mae kaug' myain"3 qhu: thoe mung: na ge, . – Yao zam: mo, wa yao: bam: ham" hung: sham: lo" ra" mathao mae kaug' myain" qhu: thoe mung: na ko". Yodain: gyaung: ham" hung: sham: lo" mung: lo: tin" nau" myang thoe qhug' gyo" ra".4 Nga" thain" madaui gyag maqui: Moso ceru: ga" ra" , Se' nae" seim" to" ra" ce:5 yao zhain re lhaug' zaung" wa, . – Yao sang wa yao jham re se' pye' ngaid qere: qobo mamyao ko". Aung: zo: mo, re: ngo jo, nho" qo" zai ngaid mung: Moso wa Nga: ye, veshao: ga: ko" ra". Yao" amyu" yao zaung" mo, yao: lao" nhag' makhyag'6 ko" ngaid: ra". – Ai ru: mung: thao phyao: ce: mang: mae" byu qe nhag' khyag' nae" mangaid: , pe" o: mado lo: byu yaug khao: ngo" re yham kyo: qe: lo, khyo re: jhaung zug' lo, khyo re: ngo byid' pye' nae". Yao: bam wa damang" geim" mae se' da: be, khyaid' kaid' li" genae". Yao: bam: lo, khug mae" ngo makhyaid' khyi: yu lo: na: na nae" ga: Moso mho: ra".7 Ai ru: mung: se' nae" ga: seim" nyhang" to" ra" masho: majhin: yao jham re lhaug' zaung" na nae". Yao zaung" jang vai" shid' lam: re yu mung: dalam: re jeju ein: re: dang: qhain: ein: re: mhang" mung: ngo wa ai: yao jham re zaung" lhaug' na nae". –8 Lho" dakhye' gyo: mae yao zaung" sam yaug re ngo mhain" khyo" nae". Yao: bam: mathao mae ngo nhag' jo, mayo mung:9 ra". Yao: bam re: ngo re ca" ako". – Thao dalhang yao: bam re ngo mazaung" lhaug' lo: nae". Shid: dau: re: shid shao: , se' qhug' dau: re: qhug' veshao: , dang shi" ra" gu: re: dadau: re dadau" yang caid' zo: veshao:10 ga: mho: ra". – Byu myu" cao jab we' qhid' phyao: to" to" ra" dao: thang" re phyo' pye' nae" tau: jeju ga: mang: ra" nga" jang vai"11 re yu mung: nag: khyug' pye' va". – Ai: ba mae dao: thang" wa byo; byaug mung: ngo re khug ngha: na ko" ra" masho: majhin: yao jham wa Moso: mungdao: re ba: gyo:12 ko" ra". – Alao" ngo wa ngo qo" ang: ra" o: kaung phug' byid: nug: re byid: gela, mabyid: nug gelao" re: ngaid shao: ein: mho lao" yao: bam wa ngo re byid: nae"13 tau: ngaui sam xe lag: ako". – Thain" madaui Moso re: ai: ngaui re ug' kaid' yaug: qhid' kheim: mae pye' to: wa, ga: ngo re ta" ra" mathao mae ai: ngaui samxe re Moso: pa" jhaung: yham: ug' sheim: yaug: qhid'14 kheim: mae ye: shepye' to: va". – Ai: thao Yuda, we' Israel mao: nhaung: yao: cao: zam" khug: ru re phyid' kao" pye' nae" tau: dang: qhain: ga: mang: ra" jangvai" re ngo15 nag: khyug' va". – Dam: dalhang Moso wa makhyang" ra" yao zaung" yaug: zai jham16 re sham" yu wa, . – Khoru: ein: re: ce: mang: mae yao zaung" dayaug re bo: thug' li" nhao nae". Yao: wa se' qhug' mo, re maqu" , khyo dae: dae: mo, re maqho , no mo, re no mapho , ye; jo, mo, re re: mabao"17 xau: ra" mo, re zo" pye' li" nae". – Yao jham shepye' ra" mavin tang" yao zaung" wa byu xa: vo: qoe, shao: yao" lo, pau" we' lo, yo myo, jid' mae shae gye qhug' veshao: yao" lo, sin kyaug' byaug shao: lo, yo myo, jid: byaug veshao: ga: mho: ra".