1 Ngo dam: tau: qu" ke' re ka" nae" taui: ci mung: byu dayaug re myao mung: . –2 Ai: yaug re khai: khyo ye: nae ein: myid' re Yerusalem: vo khoqhi" khoqhang" ngaid: laug ye: ka" qu" nae" tau: ye: nae" ga: ngo3 re tau" ra". – Ngo we' jho" jhau: na: ra" mug: logyo: thug' ye" lo" mung: getau:4 mug: logyo: wa lham: tug: ru we' – Nao cao" tao" ye: mung: ai: zolau: zo: re ceru: ein: ye: ta" wa, Yerusalem: vo mae byu we' gug' nyhug' jham ham: na gemung: vomo" wa vozo: ru" ru vo kham" majo; ru ham:5 na: ako" ein: yao: re ta" wa, . – Khoru: ein: re ngo wa ai: vomo" lhang" gam: mae myi: vokham" boe" mung: agaung: mae" phung bao boe" na nae" ga: Moso mho: ra".6 He" mo, byu jham qid meim shaid' mae" phao: lo ge, ga: Moso ta" ra". Mug: zhaung mug: pyi khyo ngo naonhaung" re byo: sin" lo" nhao va" ga: Moso ta" ra". –7 Babilon: zomyi: we' ham: na: ra" Ziun:8 zomyi: we" phao: thug' lo wa, . – Thain" madaui gyag maqui: Moso ta" ru wa naon- haung" re the' zao" tin" ra" yaug wa yao" voxao zo: re thug' zao" mung: naonhaung" agaung: mae phaung bao re to" to: thao naonhaung" re phyo' qheim" mo, jhao"9 yao: ngo re nhao: ke' ra". – Khoru: ein: re qu" wa, ngo nao-nhaung" adao mae nga" lo, qang: ke' re yao: bam: jeim jham wa phyo' sin" pye' ru qhug' li" genae" ga: thain" madaui gyag maqui: Moso wa ngo re nhao: ke' nhaung ga" ru naonhaung" ba genae". –10 Ziun: zomyi: zo: we" caung: thoe we' yaug yo gai" na wa, ngo li" mung: ni" agaung: mae ngo na nae" ga: thain" madaui Moso11 ta" ra". – Ai: ba mae labug: byu myo: sho' wa Moso we' xo' taui" lo mung: nga" byu boe" genae". Yao: bam: agaung: mae ngo na mung: thain" madaui Moso nao jhao" ngo re nhao: ke' nhaung ga" ru nao ba nae". –12 Thain" madaui gyag maqui: Moso wa shao gyang" ra" mang: mae yao" tau: Yuda, re Ma khae: yu nhao mung: Yerusalem: re13 khyin: yu: li" nae". – Daui mae" daui wa Moso: qhid' kheim: mae myain yo za: na ge, khoru: ga" re yao: wa yaung" lho" ra" jo, qo mae" to" lo" va".