1 Mug: qu yo, re mug: qu: lo nae" tau: mae Moso jhao" jhaung: mho' ge, . Moso wa lhe' caid' vhag' nhao mung: mug: qu nhao yang: yaug nge; tau: yothaung: din"2 mae qhovo: yaug: li" nhao nae". – Tera- phim: sulho jham wa dao: seim jhau ko" ra". Lapa jham wa yab mo, magai: ru myao mung: madang main: khyo" yab mo, ta" kyo: geyang: yao: bam: nhaid' dao: wa aseim akeim za: ngaid: ako". Ai: mathao mae mang:byu qe yao jham ru: khyo dae: dae: mung: yao zaung" yaug mana: ra" mathao mae qug: khai: qhug' ko" ra".3 Yao zaung" mo, re ngo nhag' qu" gyid' mung: caid' be, lo: jham re pyam" yhin" nae". Khoru: ga" re thain" madaui gyag maqui: Moso wa yao" yao phung: ngaid: ra" Yuda amyu" re qu" gam nae" gyo" li" mung: phung bao ve, vin: ra" mang: zin:4 myao: ru" ru boe" nhao: li" nae". – Yao" khug mae" yham jheim jhid' laug pye: , zae jin" , mang: zin: lo, la: , kheim: so' qo" ra"5 byu jham thug' li" lo genae". – Yao: bam wa mang: zin: gye khe' ra" ba mae tham: bab: re zab: nhab' ru re" khyo: yao: bam: gyevo jham re zab: jheim: pye' genae" ngaid: . Moso yao: bam we' daga" ngaid: mathao mae gye qo" khe' mung: myao: jui: sulhe: gyevo qe nga: malho" qho' phau:6 genae" ngaid: ra". – Ngo Yuda, byumyu" re na tang ye, tang nhao nae". Yoseb' amyu" re re: khyaid' yu nae". Yao: bam re nhag' khyag' ru we' na jo, qo byid: nae". Yao: bam khe' thug' pye' maqhug' mo, re" ru: boe" genae". Ngo yao: bam: Moso ngaid mung: yao: bam: dao: thoe re tae" gyo: byid:7 nae". – Ephrim: amyu" qe wa sulhe: ru: boe" mung: sabyi' qang: shaug' gyi" ru" ru ngaid genae". Zo: myid: qe wa ai re myao yang: ngaui bau: mung: Moso mae khug ngha zo" re" nhag' dag genae".8 Ngo nhaid' myhao: si" mung: yao: bam re khai: zhang: nae" , khoru: ga" re yao: bam re khyaid' yu va". Qhid' phyao: na: je" ru we' dakhyo: dam: na: je" lo: li"9 genaeva". – Yao: bam re getau: byumyu" khug mae myug: shi: ru: ngo sin" ke' yang: mug: va" mang: mae" ngo re myid: beim: mung: zo: myid: qe we' daga" dam: zang"10 lo: li" genae" ngaid: . – Ngo yao: bam re Egutu mang: mae" dam: jhui" lo shi: nae". Asuri' mang: mae" khai: yu mung: ham: na nhao nae". Giled' mang: we' Lebanon: mang: khyo dam: jhui" lo yang: yao: bam11 na jo, qo maqo" genae". – Qug: qae" ra" qid tham: mae" qo" gau" loe, mung: qid dae mo" re ngo be; phyid' ru we' Nila: qid gyaung: kin" byaug nae" ngaid: ra". Asuri' ngaid beim" nhag' lam: re nyham: gyo" byaug mung: Egutu, jhaung zug' kheim: so'12 byaug: baui" lo" nae" ngaid: . – Yao: bam re Moso: mang khyao: mae ngo gang: tang nhao mung: yao" mang mae khug ngha: ru we' qo" du: qo" su" qin" genae" ga: Moso ta" ra".