1 asang Moshe re dalhang: dam: mho: ru wa- nao Israel amyu" zo: qe re ta" kyo: nae"2 ru wa – Israel amyu" zo: ngaid ngaid , Israel zo: qe mae li" bo: na: getau: amyu" ngaid ngaid yao: yao" zo: dau re Mo:led' mo"so re qhaug' byid' ra" yaug wa dang dang shid: ru qhug' nae". Mang: byu qe laug baui: yang3 ceim" pye' ru phau: nae". – Nga" shao gyang" jo, qo re nyain: vho" ru we' Nga" shao lho" mang khyao: khyoe' pye' mung: yao: zo: re Mo:led' mo"so re qhaug' byid'4 ra" yaug re jao khae qab: pye' nae". – Yao: zo: re Mo:led' mo"so re qhaug' ngaui" ra" yaug re mang: byu qe maqu" mageim: na5 ko" re , – Ai re" ru: na: ra" yaug we' yao" yham byu ma" ho' re Ngo qu" zhaug' to: mung: ai bam re re: yao: we' daga" Mo:led' mo"so mae cao: shaid' nghung: yaug re re: yao: bam: byumyu" mae" jao khae qab: pye' nae".6 Yui lapa qe we' geim phain" phain" mo, gau: khyo cao" mung: shaid' nghung" ra" yaug re Ngo qu" zhaug' to: mung: yao"7 amyu" mae" qab: lhaui" pye' nae". – Nao- nhaung" asang Mo"so Ngo shao lho" ra" mathao naonhaung" gaung re shao kyang"8 pye' yang: shao lho" na ge, . – Nga" pin dao: re cao" pyang" na ge, Ngo wa naon- haung" re shao gyang" nhao: ra" asang9 ngaid: . – Yao" myhi" pho" re nhang: myain" nhang: thoe mung: ra" yaug wa dang dang yao: se' pye' ru qhug' nae". Myhi" pho" re nhang" ra" mathao shid nae" main: qi" ra" qobo qo" ra".10 Su: myi: shaid' ra" yaug wa shaid' nghung" myiqe: we' daga" se' pye' ru dang11 dang qhug' nae". – Yao: pho" yham sang myhi" we' zam" ra" yaug wa yao: pho" we' tin" ra" myiqe: re shaid' mathao ai: myiqe: we' daga" se' pye' ru dang dang qhug' nae". Ai wa shid nae" main: qi" ra" qobo ngaid:12 ra". – Yaug gai wa yao: dau mo" we' zam" na: ngaid: re yao: shid' zo: wa nyain: vho" lhau: lhag' ru re kaid' ko" mathao se' pye' ru dang dang qhug' genae". Shid main: qi" ra"13 qobo ngaid: ra". – Myiqe: we' gaung sho: zam" ru re" ru yaug gai yao: cao: zam" ko" re , ai shid' yaug wa nyain: vho: mau" kaid' ko" mathao se' pye' ru dang dang qhug'14 genae". Shid main: qi" qobo ngaid: . – Yaug gai wa yao: myhi" we' yao: zo: re yham sang myhi" kaid' re tarha" mavao: mau" ngaid: ra". Naonhaung" matarha" mau" mathug' shao: ai bam sam yaug: geim" re15 myi: mae ngha" pye' ca" nae". – Yaug gai wa gug' nyhug' we' zam" re se' ru dang dang qhug' nae". Ai: gug' nyhug' re re: se'16 pye' ca" nae". – Myiqe: re: gug' nyhug' yang zam" re khae: yu: re ai: myiqe: we' gug' nyhug' wa se' pye' ru dang dang qhug' nae". Shid main: qi" qobo ngaid: ra".17 Yaug gai dayaug yaug wa yao: pho" yao: zo: myiqe: nau", mangaid: lao" myhi" aung gyo" myiqe: nau" ngaid: ra" yao: nhae: mo" we' gaung sho: zam" ngaid: re ai wa qho' caid' gyaug caid' ngaid: ra" mathao yao: maung nhae wa yao: bam: amyu" qhid' kheim: mae" jao khae qab: pye' ru qhug'18 genae" ngaid: ra". – Yaug gai dayaug wa mai ci: ra" myiqe: we' zam" na: ngaid: re ai: tao myid qhug' yang: sa: sheim: ru re qhu" myhao" ko" ra" mathao yao: shid' zo: wa yao: bam: amyu" mae" jao khae qab: pye'19 ru qhug' genae". – Yao: pho" nhae: mo", yao: myhi" yao: nhaung: we' magai: zam" nae". Ai re" ru: sang: tin: we' zam" na: ra" mo, wa yao: yaug yao" qobo dae phau: ca" nae". Ai re" ru: sang: tin: we' zam" na: ra" mo, wa yao: yaug yao" qobo dae phau:20 ca" nae". – Yao: pho" mao: nhaung: qe: yham sang myhi" we' zam" ko" re yao: pho" mao: nhaung: we' za: tin" ra" mau" re shaid' nghung" ra" mathao ai: yaug wa yao" qobo phau: mung: zo: makhau myhung lo: dapyaid daqae: na: na: li" nae" ngaid: . –21 Yao: mao: yao: nhaung: qe: myhi" zang we' na: zam" re ; nyain: vho" ra" mau" ngaid: ra". Mao: nhaung: we' za: tin" ra" ru zai" shaid' ra" qobo mathao: zo: dau mamy- hung lo: na nae" ngaid: ra".22 Ai re" ru: Ngo naonhaung" re jhui" lo mung: sang nhao nae" mang: din" wa naonhaung" re maphoe" pye' vegeshao: . Nga" khang" dao: we' tarha" alhab' re cao"23 zaui: so" pyang" genae" ngaid: ra". – Nao- nhaung" qhid' kheim: mae" Ngo khe' thug' pye' ra" byumyu" qe: gau: khyo li re dacao" ge, yao: bam wa airu" ra" li re cao" gemung: Ngo yao: bam re qu" ca' pye' nae".24 Yao: bam sang: ra" mang: nung: nug' we' byo: yhid yug: ra" mug: myid re naon- haung: wa Ma khae: yu nae" tau: Ngo sang nhao nae" ein: ta" to: va". Ngo wa getau: byumyu" we' kho' khaui" to" ra"25 naonhaung" Mo"so asang ngaid: . – Ai: gug' nyhug' , shao lho" ra" ngho' jhid' ngho' zo: mashao malho" ra" daung de; ngho' jham re kho' khaui: ca" nae". Ngo kho' khaui" to" ru we' dakhyo: mashao: ra" gug' nyhug' ngho', myid mae yoe" qin" ra" gug' nyhug' daja: ja" yang yao: yao" gaung re gai: nyain: vho: nhao nae" mangaid: . –26 Ngo asang shao lho" ru mung: naon- haung" re Ngo o ngaui yang: getau: amyu" we' kho' to" ra" mathao Nga" tau: mae" shao lho" ru boe" ge, .27 Yaug gai ngaid ngaid ; myiqe: ngaid ngaid yui vao: jaung" yaug mangaid: lao" geim phain" phain" yaug wa se' pye' ru dang dang qhug' nae". Airu" ra" yaug re laug baui: yang pye' se' ru qhug' nae". Ai: yaug mae shid main: qi" ra" qobo bo: ga: mho: ra".