1 asang Moshe re dalhang dam: mho: ru wa , Arun" yao: zo: khin jaung qe re ceru: ein: ta" kyo: wa,- naonhaung" mae khag' ngaid qere: amyu" zo: qe shid: ru mae2 magai: bonyain: vho: nae" . – Ngaid qere: sang: tin: ngaid: ra" myhi" pho" zo: dau qe ,3 yao: mao: yao: nhaung: we' – yham maqo" shi" ra" zomyi: qere wa bogai: nyain: vho:4 nae" akhang" qo" ra". – Yao" amyu" zug' tau: mae yao: yao" gaung re phung yug nhao nae" anyain: avho: gai: khae: yu nae"5 mangaid: . – Khin jaung wa xae magai: qaug (au: magai: ko') bo: qae mug' re magai: qaug yao: yao" gaung mae lhai" caid' ru gai:6 kaid' nae" mangaid:. – Yao: bam wa yao: bam: Mo"so: tau: shao lho" ca". Yao: yao" asang: mang khyao: magai: khyoe', Mo"so re myi" yang caung da" xeim , . yao" Mo"so: zo: shaug' pho: re caung da" ra" mathao7 mae shao lho" ru ngaid ca". – Yao: bam wa Mo"so: tau: mae shao lho" na ca" ra" ru mung: yaug zhang: myhi" ave, magai: ra" myiqe: , yham sang pho" we' gao: va" myiqe: ru" mo, we' ug' khug' magai: vai". –8 Ni" Mo"so: zo: shaug' pho: re caung da" ra" mathao yao: re shao kyang" byid: mung: nao wa nao yao" tau: shao lho" ca". Naon- haung" re shao lho" nhao: ra" Ngo asang9 shao lho" ru ngaid . – Khin jaung pho" yao: zo: zomyi: wa yaug zhang: myhi" kaid' mung: yao" gaung re nyain: vho" re wa yao" yao: pho" re nga: khyoe' ru boe" ra". Ai:10 yaug re myi: ngha" pye' ca". – Yao" mao: nhaung: qe mae khin jaung agyi ga: yang: xau gyain: mung: khin jaung mai bau: ve, nae" tau: aya: tang: khae: yu va" yaug wa xae magai: phyid: lhu , mai bau: re: magai:11 lao" caid' nae". – Pe" ja" ashid mao re re: magai: the' zao" tin: , yao" myhi" pho" tau: mae lao" re: nyain: vho: gai: khae: yu zai12 mangaid: . – Shao gyang" ra" yham khug mae" magai: thug' nae". Yao: yao" Mo"so: shao gyang" ra" yham re magai: khyoe' nae". Khoru: ga" re yao" Mo"so: aya: tang" ra" xau wa yao" au: mae ngaid: ra". Ngo wa13 asang ngaid: . – Khin jaung pho" wa tang: shain" zomyi: gyang" re za: agai: yu nae"14 ngaid: ra". – Cug' mo" myhi" , yaug gai we' gao: va" myiqe: , ave, made; ra" myiqe: , yaug zhang: myhi" jham re magai: yu nae". Yao" amyu" khug mae tang: shain" zomyi:15 agyang" za: agai: yu nae" ngaid: ra". – Yao" yao: zo: re yao" amyu" jham: akhug mae nga: magai: khyoe' nae". Ngo wa asang ngaid: , khin jaung agyi re Ngo shao kyang" to: va".16 Dam: dalhang asang Moshe re dam: mho: ru wa Arun: we' yao: zo: qe re ceru:17 ein: ta" kyo: wa, . – Ni" amyu" mae zo" qae: myid' xag' joe" sho' gaung khyao mae no lo" ra" yaug yao" Mo"so re zo: pho: caung da" nae" gai: qui" te' ye: nae" mangaid: . –18 Myo, jid yaug , khyid qeim yaug , nho byin19 yaug , gaung khyao jain" yaug , – lo, gyug: yaug , khyid gyug: yaug , dao gug' yaug , –20 byu lang" baid myo, no yaug , ug' je: de, yaug , ai: myaug yaug , ajid' qeim mo, wa21 magai: qui" jhin" te' ye: nae". – Khin jaung Arun" amyu" mae gaung khyao no lo" ra" mo, khag' re: asang re myi" yang caung da" nae" tau: magai: qui" te' ye: gaung khyao mae no lo" ra" mathao mae yao" Mo"so re cinmain" qhaug' ngaui" nae" tau: magai:22 qui" te' ye: . – Shao lho" ra" cinmain" ngaid ngaid gyai shao gyang" ra" cinmain" ngaid ngaid Mo"so: cinmain" re yao: gai: zo: nae"23 ngaid: ra". – Gaung khyao no lo: mung: Nga" shao gyang" ra" jo, qo re anyain: avho: boe" nae" gaung yug mung: pin: cug' go: to" ra" akhug khyo magai: vao nae". Phain khyo magai: te' ye: . Ngo asang wa ai: jo, qo jham re shao kyang" byid' na: Ngo asang ngaid: ga: mho: ra".24 Moshe wa Arun: we' yao: zo: qe Israel amyu" alhab' bam: re ta" kyo" ra".