1
Dalhang dam: Mo"so wa Israel amyu" qe taung bug qe: mo"so re goe; pa" mung: sabyi' khyae re o gengaid yang: re: Mo"so jhid' kao:ru ru: yao: yao" yham sang myhi" yang jhid' de; myid re khae: yu zo" re" yaug zhang: myhi" kaid' na: ra" myiqe: myhi" re jhid' kao shi: wa, ga: ngo re mho:2
ru we' dakhyo: . – Ai: myiqe: myhi" re ngaui daxe: ngo" kye' we' yho" cin dadao"3
datam" yang ye: khyaid' yu mung: . – Nao wa zin na myao" sho' ngo we' zam" na ca"nae". Yaug zhang: myhi" dakaid' lo: . Getau: yaug gai we' magai: zam" lo: nae". Ai ru: ngaid lao" ngo re: nao we' za: zam"4
na nae". – Khoru: ga" re Israel amyu" qe wa zin na myao" sho' jhaung zug: maqo" , zug: maqo" , xeim: ngaui" ru majo, , gyoe lho maqo". Khin jaung bau: qhang maqo". Teraphin: gyoe lho maqo" lo:na: na:li"5
genae". – Ai: thao mae Israel amyu" qe wa dam: lhang: lo mung: yao: bam: Mo"so re re: yao: bam: jhaung zug: Davi re re: qho mung: thao phyao: qhug' khae: yu nae" jeju re nghae: mung: Mo"so jhao" gyaug: nin" ru we' phao: khug: lo: li" genae".