1 Babilon: mang: mae jhaung zug: do, li" ra" Medi' amyu" Ahasuru' yao: zo: Dari'2 tao" zaung sao qhid' zin mae – Ngo Daniel wa jham: dang: jham re phaid' ca: qu" re- Yerusalem: byo; qeim" lo" mung: nhaid' xe zin lai: lo" shao: ga: lapa Yeremia jhao" joe" ra" AsAng Mo"so: mung dao" mathao mae ai: zin na: so: xam: aso: jham re ba: gyo" yu: ra".3 Ai mung: ngo wa zo: shaug' zang: , jid: mo" mai bau: ve; ru we' myiqe, bam mae lhau: zo" mae" Mo"so re jhaung:4 mho' bain: va". – Ai re" ru: qobo re yhin" yu mho' bain: mung: ngo lam khug: ra" AsAng Mo"so jhao" ngo mho' bain" ru wa , nao re jhid' de; mung: khang" dao: tarha" re cao" pyang" ra" mo, dao: so: maphyo' , nhag' myain" ru re zhaug' tang: ra" gyai5 gyaug pho" ra" Mo"so we" – Ngonhaung" wa shaid' nghung: va". Yug: no qobo re kaid' lo va". Matarha" khyo" cao" lo: bam va". Tau: lhain" lo: bam va". Khyo" to" ra" cao" khyao jin kham: khyo dang mae" khyo6 thaung" vao: lai: lo: bam va". – Ngon- haung" jhaung zug: , zug: nau" , kao qi: mo, mae" dadu mang: byu alhab' geim" re ni" kheim: so' khyo" ta" kyo: ko" ni" jeim lapa jham: dao: re ngonhaung" matae" gyo:7 makhae: yu lo: na: bam va". – AsAng we" dang main" ru wa nao we' tin" ra". AsAng re shaid' nghung" ra" yug: no qobo: mathao khe' thug' pye' qhug' mung: jhao" ra" va" ra" mang: khyi" khao: ngo" na: byi: sin" ra" Yuda mang: byu , Yerusalem: vobyu jham we' Israel byu qe alhab' ngaid: ra" ngon- haung" wa ana" ba ngaid: ru we' dakhyo: myo, nho nga: ngai: ru we' tin" na: ra". –8 AsAng we" AsAng re shaid' nghung" ra" mathao ngonhaung" jhaung zug: , zug: nau" , kao qi: mo, mae" dadu ngonhaung" wa myo, nho nga: lao: sham: ru we' za:9 atin" na: bam: . – Ngonhaung" AsAng re tau: lhain: qere: ngonhaung" AsAng wa nhag' myain" khyo qhu" ru qobo re phyid'10 shao nae" akhang" we' tin" ra". – Ngon- haung" AsAng Mo"so wa yao" daui mung mo, lapa qe khyo" yang ngonhaung" tau: to" to" ra" tarha" re qo" cao" sho' yao" dao: thoe re ngonhaung" matae" gyo: makhae:11 yu lo: na: lo: bam va". – Gai gai: Israel amyu" zo: qe alhab' wa ni" myo, myhung" thoe re matae" gyo: makhae: yu lo: sho' khyo nghung: nghung" lo" mung: ni" tarha" re lhoe" pye' veko". Ai ru: mung: Mo"so: daui mung yaug Moshe tarha" tung" dang: mae tung" to" ra" nhang: myain" nhang: thoe we' jham kai: dao: wa ngonhaung" au: dao mae vhe' sheim: venhaung ; . Khoru: ein: re ngonhaung" yao: re zai" shaid' bam12 va". – Ngonhaung" re re: , ngonhaung" tarha" agyi jham re re: , mho" shid' ra" dao: re yao: zhaug' tang: mung: qug: khai: kyi" khyag' mo" ngonhaung" au: dao mae joe" nhao: ava". Khoru: ga" re Yerusalem: mae boe" ru ru: mug: gaung gyid' mae maboe"13 qu" shi: . – Mo"she tung" dang: mae tung" to" ru ru: ce: qug: khai: kyi" khyag' alhab' wa ngonhaung" au: dao mae joe" va". Ngonhaung" yug: no qobo re jao" mung: dang main: tarha" re ba: gyo: genae" tau: ngonhaung" AsAng Mo"so: qhid' kheim: mae mamho' bain: lo: na: lo genhaung14 wo". – Ai ru: mung: AsAng Mo"so wa ce: qug: khai: kyi" khyag' re xam: so" to: mung: ngonhaung" au: dao mae joe" gyo" nhao va". Ngonhaung" AsAng Mo"so wa kaid' ra" mau" alhab' mae dang main" ra". Ngon- haung" yao: yao" dao: thoe re matae" gyo:15 lo: na: bam vegenhaung wo". – Kheim: so' bo: ra" lo, lam" yang AsAng wa yao" byu qe re Egutu mae" she: thug' mung: ana" ne, ba ngaid: ru we' dakhyo: myo, nho nga: lao: ham" hung: qi" ra" ngonhaung" AsAng Mo"so we" ngonhaung" qobo kaid' bam va". Tarha" maci: ra" khyo" cao" lo: bam16 va". – Mo"so we" ni" dang main" nhag' myid re cao" mung: ni" nhag' gyid' ru we' nhag' lam: laung: ru re shao gyang" bam ga" ra" Yerusalem: vo mae" qab: yu: pye' wa, ein: ngo mho' bain" ra". Khoru: ga" re ngonhaung" qobo we' phug' pho" qe shaid' nghung" ra" yug: no qobo: mathao Yerusa- lem: we' ni" amyu" zo: qe wa su pe" gaui17 mho jung" khyoe' jao: boe" byaug va". – Ai ru: mung: ngonhaung" AsAng Mo"so we" ni" jeim pho" jhaung: mho' ru we' bain" ru re tae" gyo: byid: la, . AsAng: jeju qao: mae cae: jhug tag ngaid: na: ra" ni" shao gyang" jo, qo: adao mae ni" myo, nho bao18 qhi nhao wa, . – Nga" AsAng Mo"so we" ni" no: khye' lhang: lo mung: tae" gyo: byid: la, . Ni" myo, phung" ci mung: cae: jhug tag ngaid: na: ru re re: , ni" mang lao" ra" vo re re: qu" ke' qu" wa, . Ngonhaung" wa yao: yao: dang main" ru re cao" yang: mho' bain" ru mangaid: . Ni" jeju nhag' myid re ngha mung: she, mho' bain" ru19 angaid: . – AsAng we" gyo: byid: la, . AsAng we" qobo re khyaid' byid: la, wo". AsAng we" tae" gyo: mung: zai" poe" byid: la, wo". Nga" AsAng Mo"so we" ni" jeju qao: mae da-aug' o: . Khoru: ga" re ni" vogaung: re: ni" amyu" zo: qere: ni" mang mang: na ko" ra" ein: ngo jhaung: mho' ra" wo".20 Ai re" ru: ngo jhaung: mho' zo" re" nga" qobo re re: nga" amyu" Israel amyu" qobo re re: yhin" yu mung: ngo lam khug: ra" Mo"so: shao lho" ra" bam qhid' mae" nga" AsAng Mo"so: qhid' kheim: mae jhaung:21 mho' na: au: – Ai ru: ngo jhaung: mho' na: au: qhid' phyao" lamyhung" mae li" na: qhu" ra" Gabrela wa phyaid ga: dao" gyo" li" mung: myi" thao: caung da" ayo,22 mae ngo re li" tin: mung: – Daniel we" Ngo wa nao mae juyi nyain: bolaung" ba:23 lo nhao nae" tau: joe" li" ru ngaid: . – Nao jhaung: mho' qhid: ra" ayo, pyang: to" ra" dao: thug' li" mung: nao re ta" kyo: nae" tau: ngo joe" li" va". Nao wa gyai jhid' de; gai: ra" yaug ngaid: ra". Lamyhung" myid: phaid' nghae" qu" mung: ba: gyo: nae"24 akhang" qo" ra". – Zai" shaid' lhoe" ra" mau" re zai" pin" nae" we' yug: no qobo zai" kain" nae" tau: mae re: , zai" shaid' nghung" ra" qobo: tau: caung da" ngaui" mung: apyaid ato dang main" ru re vhao" yu nae" tau: re: , lamyhung" we' lapa dao: re so: xam: be; te' mung: shao lho" thao" ra" jo, qo re xau gyain: veshao: ein: re: ni" amyu" we' ni" yaung" lho" vogaung" dao ba na yo, gin nhaid' xe dug no: nyhang"25 to: va" ra". – Ai ru: mung: Yerusalem: re dalhang dam: tau: yhe' nhao nae" ru amyin" gyo" ra" ba mae" qhid: mung: Khristu AsAng: ayo, akhin: joe" sho' nhaid' dug no: we' dug no: khyaug' xe: shid' dug no: myao" zai ngaid: ein: ba: gyo" xam" to: wa, . Tam" kyo" kaung: kag' phau" ra" ayo, akhin: mae vogaung: re dalhang dam: de" caung: yu ca" ga: dao: phyid' to" ru jo;26 ra". – Ai: khyaug' xe: shid' dug no: lai: lo" thao mae Khristu wa akhang" maqo" ru se' ru qhug' li" nae". Ai: thao mae joe" lo ko" ra" AsAng: byu qe wa vomo" re re: , shao gyang" jo, qo re re: , phyo' pye' li" genae". Qid je" nghoe' ru: yang byo; qeim: khyo joe" genae". Lo" thao" joe" sho' gye kaid' ru , byo; qeim khyo we' tin" dao: phyid'27 ru jo; li" nae". – Yao: wa ba na dadug: no: mae byu myo: sho' we' dang: ra" dao: so: to: mung: ai: dadug no" agaung" ba mae xeim: nyhang" ru gaug zo xeim: caung da" ru re tam" kyo" li" nae". Lhau: phyo' lhau: qheim" ra" yaug dayaug qu" ca' sho' ra" daung vho' mae dao" li" mung: ayo, joe" lao" nyhang" seim" to" ra" qug: khai: we' nhag' gyid' ru wa lhau: phyo' lhau: qheim" ra" yaug: adao mae vhe' sheim: byid' li" nae" ga: mung: ngo re mho: ra".