1 Ngo Nebukhaneza: wa myid gye, mae khug ngha: na ko" ra" mo, we' myain" thoe aja: ja: jhau ko" ra" mo, re pyang: ke' nug: ru wa- naonhaung" mae yaug yo ngaui2 bau" ru jo; na veshao: wo". – Myhao: thao" Mo"so wa ngonhaung" mae kaid' qhu" ra" ve, lho mug' pho" mau" re kaid'3 qhu" nae" tau: ngo o ngaui: ra". – Yao" ve, lho khoqhi" qi" ru , yao" mug' pho" mau" , phung bao qam: o: byang" vin" ra". Mo"so: mang: din" wa thain" madaui gyag maqui: mang: din" ngaid: ra". Yao" qam: o: kheim: so' wa mug: myid mae apyaid ato gang" tang: ra".4 Ngo Nebukhaneza: wa nga" vang khug5 mae yaug yo za: dug no" na: au: – Gyaug: din pho" ra" yab mo, myao mung: yab jaung: dao mae myid: nghae" qu" ru we' ngo myao: ra" lamyhung" wa ngo re myid:6 qug: myid: khai: nhao: ra". – Amung: yab mo, lamyhung" re ngo re ta" pheim: kyo: genae" tau: Babilon: juyi bo mo, alhab' re ngo jhao" vhao" lo ge, ein: ngo amyin"7 khyo" ke' ru we' dakhyo: – Maku juyi bo mo, geim phain" ba: phain" mo, boe, phyid' mo, joe" lo nae" ayo, re ba: tag mo, joe" li" ko" lao" ngo the' myao: ra" yab mo, re yao: bam re ta" kyo: qere: yao: bam wa lase"8 maba: pheim: kyo: ko". – Ai: thao mae nga" mo"so: mang khyao: khyo" Beltas- haza: ga: mang: ra" shao gyang" ra" Mo"so: Solo we' byang" vin" ra" Daniel vao lo9 lao" – Maku juyi bo mo, re ug: ra" Beltas- haza: nao wa shao gyang" Mo"so: Solo we' byang" vin" ru re: , nghoe' nyham" to" ra" ja: nam jab re re: qo" ba: pheim: ru re ngo ba: ra". Amung: ngo myao: ra"10 yab mo; lase" re pheim: kyo: la, . – Ngo yab pyo" na: au: myao: ra" yab mo, wa- ngo zhaug' qu" na: re myid gye, agaung: mae gyai myhao: ra" sag' gae dagae yaug:11 jo; ra". – Ai: sag' gae qi" li" mung: qam: bo: li" ru we' myhao phyao: mug: gaung myhi: mung: mug: myid gye, geim" re12 nghoe' gam: ra". – Afo' gyai yaung" mung: gug' nyhug' gug' du: jham qo" zo" gyi: nae" nho" ashi: zaui" ra". Myid gye; gug' nyhug' jham ai: qab mae khug: na ko" ra". Akaung ako' jham mae mug: le; phyo: mae" ngho'13 jham no" na: bam ko" ra". – Dalhang dam: myao: ru wa sag' gae zaung" lhaug' yaug ga" ra" shao lho" byu dayaug wa mug:14 gaung mae" gyo" li" mung: – Sag' gae re thau: lhang" ke' wa, . Akaung ako' jham shao: pye' wa, . Avho' ashi: jham re shain" khyo" pye' wa, . Gug' nyhug' gug' du: jham sag' gae qao: mae" phao mung: ngho' jhid' ngho' zo: jham re: akaung ako' khug15 mae" thug' lo" geshao: . – Ngaid qere: myid mae cin" ra" agyi: jham we' angaid re tang" to: mung: jo, to' taui: gyid: taui" yang taui" to" ru re" ru: mhin: nau" khug mae jo, veshao: . Nhaid' zin lam: lam: mug: qu: jhug' phau: mung: gug' nyhug' jham we'16 daga" mhin: re zo: nhao wa, . – Byu: nhag' myid byaug mung: gug' nyhug' nhag' myid17 we' byang" vin" nhao wa, . – Khoru: ga" re myhao: thao" ra" Mo"so wa myid kin: mang: din" re ug: ru re re: , byid: nug: ra" mo, re byid' ru re re: , makhyang: mashab: ra" mo, re tau: to' mung: mang: din" re qhaug'byid' ru re: , byu alhab' ba: gyo" ra" akho: akhang" re re: , sag' gae zaung" lhaug' mo, wa ce re" ru: kaid' veko". Shao gyang" ra" mo, wa amyin" byid: veko" ra"18 ein: hau" nhao" ke' ko" ra". – Ai re" ru: ngo Nebukhaneza: wa yab mo, myao va". Ana" nao Beltashaza: ngo myao: ra" yab mo, re ta" pheim: kyo: la, . Nga" mang: din" mae juyi bo mo, alhab' maqo" pheim: ru re nao wa shao gyang" ra" Mo"so: Solo we' byang" vin" mung: qo" ta" pheim: nae" ein: ngo myao: ra" yab mo, re Daniel re dam: ta" kyo" ra".19 Alao" Beltashaza: ga: mang qo" ra" Daniel wa myid: mug' aug' o" na: ra". Jhaung zug: wa Beltashaza: we" yab mo; lase" mathao gaung yug aug' o" myid dabo ga: mho: ra". Beltashaza: re: asang re manug: ra" gyevo jham: adao mae yab20 mo; lase" joe" veshao: wo". – Yab mo, mae qi" li" mung: qam: bo: li" ra" , mug: gaung myhi mung: myid gye, geim" gam:21 sho' nghoe' gam: li" ra" , – Avho' yaung" mung: gug' nyhug' gug' du: jham qo" zo: nae" tau: ashi: myo: laug: ra", gug' nyhug' jham wa agae qao: mae na yang: ngho' jham wa akaung ako' jham mae khug: na: ra" sag' gae wa asang jhaung zug: yao:22 ngaid: ava". – AsAng wa qi" qhang: li" mung: kheim: so' qam: o: we' byang" jab: ra". Phung bao ham" hung: myhao mung: mug: gaung khyo myhi: ra". Kheim: so' re: mug: myid gye, gam: sho' joe" ug: ra". –23 Zaung" lhaug' yaug ga" ra" shao lho" ru dayaug mug: gaung khyo" gyo" li" mung: yao: wa ai: sag' gae thau: khyang: lhang" ke' wa, . Ngaid qere: myid mae cin" ra" agyi: we' angaid re tang" to: mung: jo, to' taui: gyid: taui" yang taui" ru ru: mhin: nau" ra" mae na shao: . Nhaid' zin lam: lam: nghin jhug' ru phau: mung: gug' nyhug' jham we' zam" khug shao: ga: mho: ru wa –24 Myhao: thao" ra" Mo"so wa asang jhaung zug: re pyam" ru ngaid: ra". Lase" wa –25 AsAng jhaung zug: re byu phaung mae" khe' thug' mung: gug' nyhug' jham we' daga" na nhao nae". Myhao: thao" Mo"so wa myid kin ug: gam mung: byid: nug: ra" yaug re byid' ra" ru re nao mabeim: maso" ru nhaid' zin lam: lam: nung: jaung re" ru: mhin: zo: mung: nghin: coe: yo mae na26 nae". – Sag' gyi: , sag' ngaid re tang" to: nhao: ra" ru wa mug: gaung wa ug: ra" akhyo re asang nao beim: so" li" thao mae mang: din" wa ni" lo, mae dam: joe" mung:27 gang" tang: jo, nae" akhyo ngaid: ra". – Ai ru: mung: jhaung zug: we" nga" dao: re gyo" yu wa, . Tarha" dang main" ru re kaid' wa, . Sho: jhin: byu qe re nhag' myain" ra" khyo" yang yug: no qobo re jao" pye' wa, . Ai ru: kaid' ngaid: re nao na gai: ru qo" re qo" shi: nae" ga: Daniel mho: ra".28 Ce: akhyo jham alhab' wa jhaung zug: Nebukhaneza" adao mae joe" nae" ngaid:29 ra". – Lho" mo" daxe: shid' khye' lai lao" yao: wa Babilon: jhaung zug' yham mae su"30 lhang: qin" zo" – Ce: vogaung: wa ngo de" ra" nga" phung bao ham" hung: re nga: yhe' nae" tau: nga" qam: o: kheim: so' khyo" ngo de" to" ra" Babilon: vomo" ngaid: ra"31 mangaid: i"? ga: mung: mho: ra". – Ai re" ru: ta" na: au: yao: mug: gaung mae" joe" li" ra" thoe wa Nebukhaneza: jhaung zug: we" tae" gyo: wa, . Mang: din" wa ni" lo, mae"32 qui" lo" va". – Nao re byu: phaung mae" khe' thug' mung: nao re gug' nyhug' jham we' daga" na nhao nae". Myhao: thao" Mo"so wa mug: myid: mang: din" re ug mung: byid: nug: yaug re byid' ru re jhaung zug: mabeim: maso: shi" ayo, akhin: nhaid' zin lam: lam: nung: jaung re" ru: mhin: zo:33 yang: na nae" ga" thoe ngaid: ra". – Ai: dao: thoe we' dakhyo: Nebukhaneza: wa alao" jao" yao: boe" mung: byu: phaung mae" khe' thug' ko" re yao: wa nung: jaung re" ru: mhin: re zo: mung: nghin coe: yo mae yao" gaung mug' wa zeim daung mug' re" ru: yao" khyid sang: lo, sang: wa ngho' khyid sin: re" ru: boe" byaug: ra".34 Ayo, ata lo" byang" ra" au: ngo Nebukhaneza: wa mug: gaung khyo tau: nghao" qu" mung: dam: beim" li" re myhao: thao" Mo"so re nga: yhe' mung: qam: mo" bo: ra" Mo"so re caung: khin" caung: nghaui" ra". Mo"so re caung: khin" caung: nghaui" ra". Mo"so: mang: din" wa mug: myid aqae: qae: mae gang" tang: ra". –35 Mug: myid: sosu byu alhab' wa yao" qhid' kheim: mae pe" lao" mangaid: ngaid: ra". Mug: gaung: ajham ataung mae re: , myid gye, mae khug ngha: na mo, mae re: yao: kaid' nug: ra" we' dakhyo: kaid' mung: yao" lo, re tam" kyo" ru khag' mana. Nao pe" nam kaid' na: i"? ga: AsAng re ta" nae" byu36 khag' mana ngaid: ra". – Ai: ayo, ata mae nga" nhag' myid wa azhao: mae" ru: dam: boe" mung: nga" mang: din" ham" hung" tau: mae nga" mang: din" mae ngo qo" zhaug' tang mung: kheim: so' qam: o: ngo37 re paug' byid' ra". – Ana" ngo Nebukhane- za: wa mug: gaung mae" jhaung zug: re nga: yhe' caung: khin" ru we' phug' myao" na nae". Yao: kaid' to" ra" alhab' geim" wa dang main: mung: yao" akhyo wa dang main" ra". Yao: wa ngaid beim" ra" mo, re nyham: khyo" ra" ein: khyi" khao: ngo" khyo lau pyo: ke' ra".