1 Belshaza: tao" zaung sam zin ein: zin mae ngo Daniel wa azhao: re" lamyhung" myao thao dalhang lamyhung" re myao: ra"2 akhyo wa ceru: ngaid: ra". – Elam: mang: Shushain: vo mae Ule" qid yae mae ngo na:3 na: au: lamyhung" myao: ru wa – Ngo tau: nghao" qu" ke' re qhang: ra" khyug shid' khyug yaug: ra" yao dadau: re: qid thoe te' mae ye; na: jo; ra". Ai: khyug shid' khyug mavang" ngaid: ra". Dakhyug je: qhang: ra". Ai: je: qhang: ra" khyug wa thao yaug: ra"4 khyug ngaid: ra". – Ai: yao lo: wa ba vao , qid bang: qid meim sam shaid' re cao" khe' thaung" ru pe" ja" gug' nyhug' re: maqo" lham: khaid' ko" ngaid: ra". Yao" lo, mae re: khoyaug maqo" khyaid' lhoe' ko" mung: yao: o: khyo: kaid' mung: yao" gaung yao: ngaid beim" ra".5 Ai: akhyo re ngo myid: phaid' nghae" na: au: myo, jid' shid' jid' agyo: mae gekai: lai: ru khyug yaug: ra" caid' be, dadau: wa ba vao shaid' khyo" lo mung: myid gaung re mazab lo: mug: myid dagye; geim" re lai:6 phyid' ra". – Ai: khyug shid' khyug: yang qid thoete' mae na: na: yao lo: re nhag' kyid7 kyid yo" ru we' tao" ye: mung: – Anhae khyo joe" lao" nhag' yo" gyid' yang: yao lo: re thaung: mung: yao khyug re thaung" khyug' pye' ra". Ai: yao wa maqo" qhao" lo: mung: caid' be, wa yao re myid mae thaung" lhang" to: mung: zab: jab: pye' ra". Yao lo: re yao" lo, mae" khag' maqo"8 khyaid' lhoe' ko" ngaid: ra". – Amung: caid' be, wa qi" qhang: lo mung: qam: bo: lo: ra" au: khyug gyug' pye' ra". Ai: khyug: jo, qo mae khyug byid khyug yaug: thug' li" mung: mug: gaung: myo, nho byid shaid' khyo myo, khung: qang: ra".9 Ai: khyug byid khyug: khug mae" dakhyug mae khyug ko' dakhyug thug' li" mung: qid bang: shaid' ba thug' myo, nho khyo re: yaug yo: ra" mang: khyo re: myo, khung: qang mung: gyai qi" qhang: ra" khyo10 joe" ra". – Mug: gaung: ajham ataung re myhi sho' qi" li" mung: mug: gaung: ajham ataung daqhae: we' kyi daqhae: jham re myid gaung khyo khyo" ke' mung: zab:11 nhaug' jab: pye' ra". – Ai za: maka". Mug: gaung: AsAng joe" sho' ngaid beim" nghao" ru re kaid' mung: ne, qug kaid' ra" xeim: caung da" mau" re qab: lhaui" pye' mung:12 shao gyang" jo, qo re khyoe' ra". – Ai re" ru: tarha" lhoe" ra" akhyo: mathao ai: mug: gaung: ajham ataung we' ne, qug xeim: phaid' ngaui" ru re yao: mae qhaug' pye' mung: ai: khyug wa dang main" tarha" re myid gaung khyo khyo" ke' ra". Ai ru: kaid'13 yang: aung doe; ra". – Ai: au: shao lho" ru dayaug: thoe re ngo the' gyo" ke' . Dam: shao lho" ra" getau dayaug dao: jhau: ra". Ai: shao lho" ra" yaug khai mung: ai: shao gyang" ra" jo, qo we' mug: gaung: ajham ataung re zab: nhaug' jab: pye' ru joe" sho' ne, qug caung da" mau" we' phyo' qheim" ba: ra" tarha" lhoe" ra" akhyo wa khomy- hao" joe" sho' ngaid nae" i"? ein: myid' re –14 Azhao jhau: ra" yaug wa ba na shid' taung: sam yo joe" gang" tang: jo; li" nae". Ai: thao shao gyang" ra" jo, qo re dalhang cid' shao: kyang" genae" ga: mung: mho: ra".15 Ngo Daniel wa ai: dao: no, lase" re myid: qho: na: au: byu: khyao vin: ra" yaug dayaug wa nga" qhid' au: mae ye; na: jo;16 ra". – Getau dayaug wa Gabrela we" ai: yaug ana" myao: ra" lamyhung" re ba: gyo: nhao nae" tau: lase" re dam: ta" kyo: wa, ga: Ule" qid yae nhae mae byu: thoe ru: hug' yang: jho" jhau: thoe re ngo the' gyo"17 ra". – Ai: yaug wa ngo ye; jo; na: ra" anhae khyo li" mung: ngo wa gyaug: din mung: goe; gam" na: . Ai: yaug wa Sosu byu we" ba: gyo: wa, . Ce: lamyhung" wa mau" bin jid: bin: ra" ayo, akhin: we' tin" ra" ga: ngo18 re mho: ra". – Yao: ai ru: ga: ngo re ta" na: au: ngo wa myid mae goe; gam" mung: myid: aug' o" na: . Yao: wa ngo re lo; yang li" tin: mung: azhao: jo, qo mae din: din:19 ye; na nhao mung: – Qu" wa, . Nhag' gyid' ra" lo" thao" mae boe" lo nae" akhyo re ngo nao re ba nhao nae". Ai wa tu" ka" to" ra" ayo, we' tin" lo" thao" ba na ayo, we' tin"20 ra". – Khyug shid' khyug thug' li" ra" yao lo: wa Medi' jhaung zug: we' Persi jhaung21 zug: ngaid ko" ra". – Sho: mug' kyaung: ra" caid' be, wa Helita' jhaung zug: ngaid: ra". Myo, jid' shid' jid' agyo: mae yaug: jo; ra" khyug qi: wa sao qhid' re" jhaung zug:22 ngaid: ra". – Ai: khyug gyug' main" lo" mung: yao" jo, qo mae khyug byid khyug yaug: thug' li" ru wa azhao: mang: din" mae mang: byid mang: boe" lo" li" nae". Azhao: mang: din" phung bao ham" hung:23 re mamyhi genae". – Ai: mang: din" jham: lo" thao" ayo, akhin: mae tarha" lhoe" ra" mo; qobo byang" lo: ra" au: vae" ra" myo, nho bo mung: ju" phyo' mhug' pyag' ra" akhyo cao" ra" jhaung zug: dayaug bo:24 thug' li" nae". – Ai: jhaung zug: wa gaung phung bao mabo: ru phung qi" li" nae". Yao: wa gekai: lai phyo' qheim" mung: qi" je: aung myaug nae". Qam: o: kheim: so' bo: ra" mo, zhain , shao lho" byu mo, zhain re lao" phyo' qheim" li" nae".25 Yao: wa nau" nhae" ra" juyi khyo" kaid' yang: mhug' ru: yang: aung myaug nae". Ngaid beim: nghao" ru we' daga" zam" khug: ra" khyo" yang byu jham re phyo' kain" pye' mung: asang qe: asang re tau: lhain" li" nae". Ngaid qere: byu: lo; yang dae mate' ru gyug' gyoe; gyo" lo" li"26 nae". – Myi" thao we' ne, seim re qhu" ra" lamyhung" dao: dang: ru ngaid mung: ai: dao: kheim: re so: xam: ce' be; te' to: wa, . Zin ve, myao" myao" joe" sho' gang" tang:27 jo; li" nae". – Ngo Daniel wa myaung: dug mung: dayo, dataung no phyo: qhug' va". No dam: gai mung: jhaung zug' mau" re dam: zaui: so: vin vo, va". Myao: ra" lamy- hung" re ngo mug' na qere: ai: mau" re khag' re: maba mabeim: ko" ngaid: ra".