1 Babilon: jhaung zug: Belshaza: tao" zaung: ru sao qhid' zin mae Daniel yab mo, myao mung: yab: myhid' na zo" re" nhag' lam: khug mae myid: nghae" qu" yang: myao: ra" yab mo, re tung" to" ru2 wa – Daniel wa myi" mae lamyhung" myao mung: mug: gaung khyo" la byid ja: wa qid dae mo" adao mae hug' lhaui" na:3 ra". – Gaung khyao majho" dau: ra" gug' nyhug' zoqhid wa qid dae mo" khug mae"4 thug' li" ko" ra". – Sao qhid' re" zoqhid wa lo:tin: we' dau: ra". Zeim baung: daung re: de; ra". Ngo zhaug' qu" na: au: yao" daung mug' re phain" pye' ko" ra". Myid gaung mae" lao" to' yu mung: byu re" ru: khyid: yang ye, mung: byu: nhag' myid re ai: yaug5 re ke' byid: ko" ra". – Shid' dau: ein: ra" dau: wa vae we' dau: ra". Gaung dakhyae: tau: ci mung: nae cae: qug: sam cae: yao" nhaid' mae bin" zag ci: ra". Yao: bam wa to" wa, . Sho: myo: sho' zo: wa, ga: ai:6 zoqhid re mho ko" ra". – Ngo dam: zhaug' qu" na: re lo: tung" we' dau: ra" zoqhid dadau: thug' li" ra". Dao kao" mae ngho' daung ru" ru byid lam: de; ra". Au: byid au: ngaid: ra". Ug: gam nae" akho: akhang"7 qo" ra". – Ai: thao: myi mae" lamyhung" re ngo myao: ru wa qu" gyaug sho' ra"qam: bo: ru we' qam: o: bo: ra" byid dau: ein: ra" zoqhid thug' li" lo: ra". Ai: zoqhid wa jo, to' zaui aqi: yaug: ra". Yao: bin" khyoe' pye' mung: dang: jo, shi" ra" gu: re khyid: yang zab: jab: pye' ra". Yao: wa sao qhid' mae" zoqhid jham gekai: lai ngaid: ra"8 khyug daxe khyug re: yaug: ra". – Ai: khyug jham re ngo zhaug' qu" na: au: ai: khyug jham: agaung: mae khyug anau" zo: dalam: yaug: thug' li" ra". Ai: khyug nau" qhid' kheim: mae sao qhid' re" sam khyug re apain we' daga" naid: pye' ko" ra". Ai: khyug nau" zo: wa byu: myo, jid' ru" ru re: , thoe thaid' sho' ba: jhau: ra" nhaid' ru" ru re: de; ra".9 Ai: khyug jham re ngo zhaug' qu" na: re la kin jham re seim" to: mung: geco' ne, mae" kao qi" ra" ru dayaug zaung: jo; ra". Yao" mai bau: wa gyu: re" ru phyu mung: yao" xae wa phyu: ra" yao mug' we' dau: ra". La kin wa myi: shae ngaid mung: la kin gyid' mae myi: jag lhin" ce' jo; ra". –10 Yao" myo, khung: mae" myi: bao: thug' lo: ra". Mho lo matho' lo" ra" mo, yao" mau" vin vo, mung: akyid akug: mo, yao" qhid' kheim: mae na: bam ko" ra". Tarha" pyam" nae" seim" nyhang" mung: tung" dang: re11 re: phung" to: ko" ra". – Ana" ai: khyug nau" jhau: ra" thoe mo" mathao ngo qu" na: re ai: zoqhid re se' pye' yang: yao" gaung khyao re myi: ngha" jheim" pye' ru joe"12 sho' ngo qu" na: . – Getau: zoqhid jham kam" wa ug: gam nae" akhyo maqo" lo: ngaid yang: re: tu" ka" to" ayo, geim" daui: na ko" ra".13 Ai: myi ngo myao: ra" lamyhung" wa Byu: yao: zo: we' dau: ra" ru jham thaui: jui: mung: geco' ne, mae" kao qi: yaug jhao" joe" li" ra". Ai: yaug re yao: jhao" jhui"14 vhao" ke' ko" ra". – Byumyu" khao: ngo" we' myain" thoe aja: ja: jhau: ra" byumyu" cao jab jham re ug gam nae" tau: ai: yaug re mang: din" we' daga" phung bao kheim: so' re: qo" ra" mug: khothao" myid khothao" yao" mang: din" wa mabyo, mabaui lo: zai ngaid: ra".15 Ngo Daniel wa gaung nin" mung: ai: lamyhung" mathao nhag' lam: aug' o"16 kyi: . – Anhae mae ye; jo; ra" yaug jhao" qui" ye: mung: ana" the' myao: ra" gu: alhab' wa pe" re ta" nug: ra" i"? ein: myid'17 re – Ai: yaug wa ce: zoqhid byid dau: wa myid gye; dao mae jo; thug' lo nae"18 mang: din" byid mang: ngaid: ra". – Ngaid qere: myhao: thao" Mo"so: shao lho" ra" mo, wa ai: mang: din" re sham" qab: yu mung: mug: myid aqae: qae: ata ta ug: li"19 genae" ga: lase" re ta" kyo: ko" ra". – Ai: thao getau: zoqhid jham we' shai" mung: gyaug pho" ru ngaid mung: zaui wa jo, to' , lo, sang: wa gyid: ngaid mung: yao: bin" khyoe' mhain" pye' ru we' dang shi" ra" gu: re khyid shid' khyid: yang zab: jab: pye' ra"20 byid dau: ein: dau: akhyo re re: – Yao" au: mae yaug: ra" khyug daxe khyug re re: thao mae yaug: thug' li" mung: sao qhid' mae" khyug sam khyug re yu: khyo" pye' ru we' byu: myo, jid' de, mung: thoe mo" ba: ke' ra" nhaid' de; ru we' getau tho' qu" gyaug sho' ngaid: ra" khyug nau" akhyo re re: ngo21 ba nug: ra". – Ngo qu" na: au: geco' ne,22 mae" kao qi: yaug joe" li" mung: – Myhao" ra" Mo"so: shao lho" mo, tarha" qo" pyam" nae" akhang" byid: mung: ai: yaug wa mang: din" qab: sang: yu: ra" ayo, akhin: joe" sho' ai: khyug wa shao lho" mo, re mang: zin: mung: aung nae" ngaid: ra".23 Ai: yaug wa byid dau: ein: ra" zoqhid wa gekai: lai: ra" byid mang: din" ngaid: ra". Ai: mang: din" wa mug: myid mae jo, mae: jo, re bin" khyoe' zab: jab: khyo" pye'24 li" nae". – Ce: khyug daxe khyug wa ai: mang: din" jham mae thug' li" nae" jhaung zug: daxe yaug ngaid: ra". Yao: bam: thao mae getau jhaung zug: thug' li" shi: nae"25 ngaid: ra". – Ai: yaug wa myhao: thao" yaug re khyoe' mung: myhao: thao" yaug: shao lho" mo, re pyam" yhin" li" nae". Yao: wa ayo, akhin: we' khang" dao: tarha" re tha" pye' nae" seim" yang: yo, dau dabang:, shid' bang: abang: dakhyae: yao" lo, mae26 ngaid: li genae". – Ai: thao mae tarha" pyam" ru boe" nae". Ai: au: kheim: so' qam: o: re qab: pye' mung: gain sho' phyo'27 qheim" mhain" ru qhug' li" nae". – Mug: gaung gyid' mae mang: din" we' daga" phung bao qam: o: kheim: so' alhab' wa myhao: thao" Mo"so: shao lho" ra" amyu" zo: qe qo" genae". Ai: Mo"so: mang: din" wa mathain: thoe: mang: ngaid nae". Ug: gam nae" akhang" qo" ra" mo, alhab' geim" wa yao: re caung da" mung: tae" gyo" na:28 li" genae" ga: sho' kyo" ra". – Dao: kheim: aqao: ta" nae" ngo Daniel wa myid: aug' o: mung: myo, nho sham: na: ngaid qere: ngo wa ce: akhyo re nga" nhag' myid khug mae xam" to".