1 Ce: ayo, ata mae ni" amyu" jham re gug: gam nae" AsAng Mikhaela joe" li" nae". Byu ga: na: qhid: ru mae" ana" ne, ba joe" sho' maboe" qu" ra" qug: khai: kyi" khyag' nae" ayo, joe" li" nae". Ai: ayo, ata mae tung" dang: mae mang bo: ra" mo, ni" amyu" alhab' geim" loe; beim: ru qhug'2 genae". – Ai: ayo, mae myid zhai: phaui: lhug mae yab pyo" na: ra" myo: sho' mo, yab so: to" li" genae". Daqhae: wa thain" madaui kao so' qo" nae" khyo , daqhae: wa qho' gyaug: ru , apyaid ato nga: ngai:3 ru qhug' genae". – Juyi bo: ra" mo, re: mug: gaung: bo" bao ru: byu myo: sho' re dang main" ra" tarha" khyo dang khyo jhui" vhao" ra" mo, wa mug: gaung: kyi re" ru:4 malam: lai: bao qhi genae". – Nao Daniel kam" wa ce: mau" zo" gain: bin: ra" ayo, joe" sho' ce: dao: kheim: re zug' to: mung: tung" dang: re so: xam: be; te' to: wa, . Myo: sho' mo, wa cao" qho: yu mung: juyi anyain: laung" ba: li" genae" ga: mho: ra".5 Ai: au: ngo Daniel qu" ke' re getau byu shid' yaug , dayaug qid gyaung: thoete' mae , dayaug wa cete' mae ye; na: jo, ko"6 ru re the' myao: . – Dayaug wa ce: mug' pho: mau" wa khomyhao" myao" re boe" lo zai laug i"? ga: jid: mo" mai bau: ve, mung: qid gyaung: dao mae ye; na: jo, yaug re7 myid' ke' ra". – Jid: mo" mai bau: ve, yaug qid dao mae ye; na: jo; ra" yaug re: , yo, gin dabang: yo, gin shid' bang: yo, gin dakhyae: geim" boe" nae". Shao gyang" ra" amyu" qam: o: re khyoe' mhain" pye' bin lao" ce: mau" jham re: bin: byaug: li" nae" ga: jid: mo" mai ve, yang: qid dao mae ye; na: jo, yaug wa mug: gaung khyo yao" lo, shid' lo, geim" tau: ke' mung: mathain: thoe daui: na: ra" Mo"so: mang lao: mung: jham tang"8 ra" dao: re ngo the' gyo" ke' ra". – Ai: dao: thoe re ngo the' gyo: ngaid qere: maba: gyo" phaid' yu. Ai ru: mung: ngo wa AsAng we" ce: mau" jham khoru: gain: thao" lo"9 nae" laug i"? ein: myid: va". – Alao" ai: yaug wa Daniel we" lo" wa, se, . Ai: dao: wa mau" bin jid: bin: ra" ayo, agin joe" sho' zug' to: mung: so: xam: ce' de; jo; ra". –10 Byu myo: sho' mo, wa shao lho" phyu: yaung" ru khyo joe" mung: lag yu ca: qu" ru re khae: yu genae". Tarha" ma cao" ra" mo, kam" matarha" ru kaid' mung: dayaug lao" ba: gyo: genae" mangaid: . Nyain: juyi11 bo mo, kam" wa ba: gyo" li" genae". – Ne, qug kaid' na: ra" xeim: phaid' ngaui" ru re qab: pye' mung: phyo' qheim" ba: ra" anyain: avho: pho: wa thug' li" mung: ba na dataung: shid' yo: gug xe ba myao" nae". –12 Ba na dataung: sam yo: sam xe: ngo" ba joe" sho' lao" mung: the' myhi: ra" mo, nga:13 ye, genae". – Nao kam" wa ayo, nge, sho' su" ye" lo" wa, . Nao phain dang yaug yo qo" na mung: ayo, agin lo" thao" mae ni" khyao kham khyao khae: mae ye; na: li" nae" ga: yang: mho: ra".