1 Ngo re: Medi' amyu" Dari' jhaung zug: tao" zaung: ru sao qhid' zin mae yao: re qam: pin" byid: mung: zhaug' tang byid:2 va". – Ana" ngo nao re jo main: ra" akhyo re qhu" nae". Persi mang: din" re ug gam nae" jhaung zug: sam yaug thug' li" shi: nae". Byid yaug ein: ra" jhaung zug: wa yao: bam alhab' tho' mae ngaui hhang je: qo" nae". Ai re" ru: qo" zo: qo" shaug' mung: qam: qi" li" ra" mathao Helini mang: re gye tug' she nae" tau: byu alhab' re to" nhao: li" nae".3 Ai: ayo, mae phung bao qam: o: qi" ra" jhaung zug: dayaug re: thug' li" nae". Kheim: so' qi: we' ug mung: yao: o ngaui:4 khyo: kaid' li" nae". – Ai: yaug qam: o: qi" li" ra" au: yao" mang: din" wa byo; qeim: lo" li" nae". Mug: gaung myo, nho byid shaid' mae jho" kho' gae: yu: li" genae". Ngaid qere: ug gam: ra" mo, wa zug: nyaug de, mo, mangaid: . Kheim: so' yang ug: nae" mangaid: . Khoru: ein: re yao" mang: din" naid' lhaui" pye' mung: zug: nyaug mavin mo, ug: li" genae".5 Ai: ayo, mae qid bang: shaid' mae" jhaung zug: wa kheim: so' qam: o: bo: li" nae". Jhaung zug: nau" jham: akhug mae" dayaug wa yao" tho' mae kheim: qi: so' je: qi: mung: ug nae". Yao" ug khang" ru wa6 je: qi" lae nae" ngaid: ra". – Ayo, ata lai: lo" lao" yao: bam wa xo' taui: mung: ba nam kaid' zam" khug genae". Nyang vang" yaug yo nae" tau: qid bang" jhaung zug' zomyi: wa qid meim: jhaung zug: jhao" joe" nae". Ngaid qere: ai: jhaung zug' zomyi" kheim: so' magang" tang. Ai: jhaung zug: we' daga" yao" amyu" nyaug re: gang" tang: nae" mangaid: . Jhaung zug' zomyi: zo: re: , yao: re jhui" dai" mo, re: yao: khau: ke' ra" zo: dau qere: ce: ayo, mae yao: re bao" thaug' ra" mo, re: khe' thug' ke' ru qhug' li" genae".7 Ngaid qere: ai: zomyi" anyaug mae" dayaug wa yao: pho" jo, qo re yu mung: gye mo, thaui: mo" we' qid meim: jhaung zug' vomo" khyo joe" yang: vobyu jham re8 khaid' aung: li" nae". – Yao: bam: mo"so jham , sheim" yu: ra" alho jham , phug' de; ra" hhang keim , ngaui keim jham re Egutu mang: khyo sham" tai: lo" li" nae". Yao: re: qid meim: jhaung zug: re zin na myao"9 myao" gye she: nae" ngaid: ra". – Qid meim: jhaung zug: wa qid bang" jhaung zug' mang: din" qo" vao ngaid qere: yao" mang: khyo dam: phao: lo" li" nae".10 Ai: thao yao: zo: tao ho' wa gye mo, thaui: mo" we' gye to" genae". Ai jham wa mang: re zab: nghoe' gam: pye' mung: yao"11 gye qe, joe" sho' khaid' genae". – Qid bang" jhaung zug: wa nhag' yo: yang: qid meim: jhaung zug: re lham: tug' khaid' li" nae". Qid meim: jhaung zug: gyezo: mo, thaui: khai: zhang" to: ngaid qere: qid bang" zug: wa yao: bam re khaid' aung: li" nae". –12 Ai: ajham ataung: gye mo, thaui: mo" re aung: pye' yang: qam: qo" ru we' ataung atug myo" ra" mo, re aung: pye' ngaid qere: yao" ug khang" kheim: so' wa magang"13 tang ngaid: ra". – Khoru: ga" re qid meim: jhaung zug: wa dalhang dam: li" lo mung: azhao: lhang tho' gye mo, thaui: mo" re khai: zhang" to: mung: ga" go" myao" re gye zai jham we' sin: cao jab we' xo' xo'14 li" lo: li" nae". – Ai: ayo, mae qid bang" jhaung zug: re gye tug' she: mo, myo: laug genae". Ni" amyu" zo: qe ngaid ko" ra" tau: lhain: mo, wa lamyhung" re lhoe" pyang" nhao nae" tau: mae to" mung: byo; qeim:15 baui" lo" li" genae". – Qid meim: jhaung zug: wa li" lo mung: gyab lao: dung: dau: mung: gang: tang: ra" vokham" jo; ra" vo re khaid' lhaid' yu: li" nae". Qid bang" jhaung zug' sin: thu jham khyin: to" ra" mo, wa lham: qo" tam" kyo" nae" qam: o: mabo lo: ko" mung: malham: qo" khaid' tam" ko"16 ngaid: ra". – Gye khaid' li" ra" mo, yao: yao: o ngaui: khyo: kaid' mung: yao" qhid' kheim: mae khoyaug re: maqo" ye, lo: yaug yo: ra" mang: mae ye, mung: yao" lo, mae17 byo, qeim: ru zaui" ci: ra". – Yao: wa yao" mang: din" qam: o: alhab' we' daga" qo" vao: sang nae" qam: ke' ra". Ai: mang: re qo" lhau: phyo' nae" tau: yao: zo: zomyi: re qid bang" jhaung zug: re byid' li" nae". Ngaid qere: yao" tau" da ma-aung myaug ngaid: ra". Yao" tau: pe" so' ha" maqo"18 ngaid: ra". – Ai mung: yao: wa gegyo: kao" khyo myo, khung: lhang mung: gegyo: kao" myo: sho' re khaid' aung: yu: ra". Ngaid qere: sin: thu dayaug wa yao: mae" thug' ra" nga: khyoe' ra" khyo zai" thao" pye' byid: nae" ngaid: ra". Ngaid qere: nga: khyoe' ra" ru wa yao" gaung mae khyaid'19 lham" yu nhao: li" nae". – Ai: thao jhaung zug: wa yao" jo, qo khyo joe" lo" re tha" lang: mung: yao: re mathe' myao: byaug lo: nae".20 Ai: thao ham" hung: qi" ra" mang: mae khang: khyui nae" su" lhang: qin" ra" yaug nhao: ke' ra" jhaung zug: dayaug yao: pho" khu mae tao" zaung: ra". Ngaid yang: re: khomyhao" mamyao" re nhag' gyid' ra" khyo" re: mangaid: gye khaid' ra" khyo" re: mangaid' ru seim: gyoe; gyo" lo" li"21 nae". – Ai: jhaung zug' jo, qo mae jhaung zug: kaid' nae" mamain: qi" ra" mashab makhyang" yaug thug' li" nae". Ai: yaug wa se' da: be, khyaid' makaid' , shang" jhu" ra" khyo" yang mang: din" re qo" yu: li" nae". –22 Nghoe' gam: ra" sin: jham wa yao" qhid' kheim: mae seim" nab: lo" li" nae". Gai gai: dao: so: to" ra" zug: pho" lhau: mhain" pye'23 ru qhug' nae". – Khoru: ga" re yao: we' zam" khug: ra" zug: wa dao: so: byo, yang: do, lo mung: byu dajhid' zo: za: ngaid qere:24 kheim: so' qi: nae". – Yao: wa ai: mang: din" re deim: so: zag makaid' lo: myid jin" bo: ra" jo, qo mae joe" mung: phug' pho" qe makaid' qu" ra" mau" re kaid' li" nae". Qo" yu: ra" zai gyo" jham gae: sin: mung: gang: tang: ra" vo jham re qo" yu nae" tau: gye she nae" khyo dayo, dataung myid: nghae"25 na: li" nae". – Yao: wa gye zo: mo, thaui: mo" qid bang" jhaung zug: re khe' khaid' nae" tau: yao" qam: o: we' vae" ra" myid re qam: o: pin" nae" ngaid: ra". Qid bang" jhaung zug: re: gyai myo: laug: ra" gyezo: ajham ataung we' lham: khaid' ngaid qere: yao: aung myaug nae" mangaid: . Khoru: ga" re jhui" mhai" phyo" ra" khyo" yao: re26 kaid' genae". – Gai gai: yao" zo: shaug' re zo: shaug' na: ra" mo, lao" re: yao: re lhau: mhain" mung: yao" gye mo, thaui: mo" nab: lo" mung: myo: sho' mo, lang" gyoe; gyo" ru we' se' pye' ru qhug' li" genae". –27 Ai: jhaung zug: shid' yaug wa nhag' lam: kaui: ra" khyo: myid: to: mung: zo bo" dalam: mae za: mhug' vhain" dao: ta" ko" mung: ai: khyo: gai: boe" nae" mangaid: . Khoru: ein: re tu" ka" tau" da: to" ayo, mae lo" thao" ngaid: li" nae".28 Qid meim: jhaung zug: jo, nho" zai yo myo: sho' we' yao" mang: khyo lo" na: au: mae shao lho" dao: thang" tarha" re manug nhung: ra" nhag' myid bo: ru we' daru: za: kaid' mung: yao" mang: din" khyo phao: lo" li" nae".29 Tu" ka" to" ra" ayo, mae re: qid bang: shaid' khyo dalhang dam: li" shi: nae". Ngaid qere: qhid' phyao: mae" we' dau30 nae" mangaid: . – Khoru: ga" re Khitim: lha jham yao: re tam" kyo" genae". Ai mung: nhag' lam: yaug mayo mung: dam: tug' lo" mung: shao lho" dao: so: tarha" re nhag' yo" ru we' dakhyo: kaid' mung: dam: su" lo" na: au: shao lho" ra" dao: thang" dao: so: re shelhaui" to: co' ko" ra" mo, ba31 nam kaid' li" nae". – Yao" gye phung: mo, thaui: lhaug' zaung" na mung: vokham" kyae" ra" shao gyang" ra" yham re anyain: avho: kaid' pye' ko" ru we' ne, qug caung da" ra" xeim: phaid' ngaui" ru re tam" kyo" mung: lhau: phyo' lhau: qheim" ra" maca' majhaid' ve, lho jham re zhaung: to: ko"32 ra". – Ai: dao: thang" re matarha" khyo" kaid' ra" mo, wa yao: ju" phyo' ra" dao: re cao" lo" mung: khyo nghung: nghung: genae". Yao: yao" Mo"so re ba: beim: so" ra" mo, kam" wa qam: bo: li" mung: mau" zo" jid: zo" qo" zaui: so: genae" ngaid: . –33 Amyu" zo: qe mae anyain: bo: ra" mo, byu myo: sho' re qo" mho" shid' genae" ngaid: ra". Ngaid qere: yao: bam wa ba na myao" myao" joe" sho' shae lhae , myi: ngha" ru , kyam: laung" ru we' lhaid' khyaid' ru phau:34 genae". – Yao: bam lang" gyoe, lo" au: dajhid' dathao bao" thaug' ru qhug' genae". Byu myo: sho' wa jhui" ju" phyo' ra" khyo35 cao: de; lo" li" genae". – Mau" zo" athao" ayo, ba na joe" sho' juyi bo mo, daqhae: re: lag yu: ru qhug' mung: shao gyang" phyo lho" ra" khyo mae" lang" gyoe; gyo" genae". Ai: mau" wa tu" ka" to" ra" ba na ayo, joe" sho' boe" na nae" ngaid: ra".36 Jhaung zug: dayaug wa yao: myid: o: ra" khyo: kaid' mung: mo"so alhab' mo; tho' mae yao" gaung re zai" myhao mung: mo"so jham: Mo"so re nhaung thao" phaug' mung: mug' pho: dao: jhau: li" nae". Nhag' gyid' ru byang" ra" ayo, joe" sho' aung myaug nae" ngaid: ra". Khoru: ga" re tau" phyid' tu" ka" to" ra" ayo, ata wa joe" lo: li"37 nae". – Ai: jhaung zug: wa phug' pho" qe lam khug: ra" Mo"so re re: , myiqe: jham goe; pa" nug: ra" mo"so we' pe" ja" mo"so re re: , pe" shui manho. Yao: yao: zai"38 myhao: yu li" nae". – Ai: mo"so jham: atha" yao: gye qe, jham: mo"so re phug' myao" li" nae". Yao" phug' pho" jham maba: ra" mo"so re re: yao: phug' myao: mung: hhang we' ngaui , laug nyug ne we' xaui" no: to'39 caung da" li" nae". – Yao: wa getau: mo"so jham re caung da" mung: ai: mo"so jham bao" thaug' ko" mathao mae je: gang" tang: ra" gye khug zho: cang yham re qo" khaid' aung: yu nae" ngaid: ra". Yao: we' xo' taui" yaug khag' re re: byu myo: sho' mo; dao mae ug nae" akhang" we' khug vag: mathao mae mang: din" go; sin" lo" li" nae".40 Ana" ai: ayo, abang: gain: lo" na: au: qid bang" jhaung zug: wa yao: re mang: zin" lo: li" nae". Qid meim: jhaung zug: re: , lhin" jham myao: jui: sulhe: jham , lha jham we' daga" la sham" re" ru: ai: mang: re vao mung: nao" nhaug' lai: lo"41 li" genae". – Yao: wa phung bao kheim: so' we' ham" hung: qi" ra" mang: re re: vao mung: mang: din" myo: sho' re tau: mhaug' pye' li" nae". Ngaid qere: yao" lo, mae" loe, nae" mo, wa Edom: mang: byu , Mo"ba' mang: byu , Ammon: mang: byu myo: phyao: yao" lo, mae" loe, genae". –42 Ai: jhaung zug: wa amang: mang: adin" din" re qo" aung: li" nae". Egutu mang: re:43 qo" loe, nae" mangaid: . – Ai: mang: mae jo; ra" hhang , ngaui , phug' de; ra" ja: jo, nho" jham re sham" sang: yu: nae" ngaid: ra". Libu we' Khusha" byu qe wa yao" thao44 cao" lo" li" genae". – Ngaid qere: ba thug' we' qid meim shaid' mae" thug' lo: ra" lau dao" mathao yao: myid magyo" pyo: mung: byu myo: sho' re se' mhain" khyo" nae" tau:45 nhag' gyid' ru we' thug' lo" li" nae". – Yao: wa qid dae mo" we' kheim: so' qi" ra" shao lho" bam: agyo: mae seim zaung kaid' to" li" nae". Ngaid qere: yao: re bao" thaug' nae" khag' mabo: ru: yang ai mae yao: thao" lo" byaug nae" ngaid: ra".