1 Yuda jhaung zug: Yehoiakim: tao" zaung sam zin mae Babilon: jhaung zug: Nebukhaneza: wa Yerusalem: khyo gye mo, thaui: we' li" mung: li" lhang" kham"2 to: ko" ra". – Mo"so wa Yuda jhaung zug: Yehoiakim: mae" ru pa" jhaung: yham: ug' khug' zai yo daqhae: re sham" ci: lo" mung: Shina: mang: mae jo; ra" yao" mo"so: yham khyo yu: lo" mung: hhang bain" mae lo" shaung: to" ra".3 Ai: au: byu shain: qe re ug: ra" agyi ngaid: ra" Ashpena re khai: yu mung: –4 Pe" no malo: gai: ra" ave, de; ru we' gaung khyao yaung" lho" ru we' byang" jab: mung: au: naug: sozo: du" ra" mo, re jhaung zug' mau" vin nae" main: qi" ra" zolau: zoqae re Israel amyu" zug: ade, nau" jham: khug mae" khyin: thug' yu mung: Khalade" tung" ce' we' myain" mho" byid:5 nae" amyin" khyo" ke' ra". – Jhaung zug: pho" wa yao" zo bo" mae" zo: pho: we' sabyi' qang: yao: bam re ne, khao: ngo" gae byid: mung: sam zin bin: khau: lao" mau"6 vin vo, nae" amyin" khyo" ke' ra". – Ai bam mae Yuda boe: mae" Daniel , Hanani ,7 Mishela' , Azari bobo ko" ra". – Byu shain: myiqe: qu" gam yaug wa ai bam re mang lhai" mhang" byid' ra". Daniel re Belt- eshaza: , Hanania Shadared' , Mishela' re Meshed' , Azari re Abedanego" ga: mang sag' re mhang" byid' ra".8 Daniel kam" wa jhaung zug: byid' ra" zo we' shaug' nae" sabyi' re mazo: mashaug' anyain: avho: re jao" nae" myid: phyid' to" ra". Ai ru: mung: anyain: avho: maqhug' nae" tau: mae myiqe: ug zug:9 pho" re akhang" mho' ra". – Daniel myiqe: ug zug' qhid' kheim: mae myo, nho nga: lao: lu veshao: ga: Mo"so nyhang" yaung:10 ru ngaid: ra". – Ngaid qere: myiqe: ug qe: agyi pho" wa naonhaung" tau: mae zo: pho: shaug' pho: nyhang" byid' ra" ngon- haung" asang jhaung zug: re ngo gyaug: ra". Naonhaung" myo, khung: wa daga" na: zolau: qe: myo, khung: qhi" mayaung" ru yao: the' myao lao" naonhaung" mathao mae nga" kao seim" zai ngaid: ra" mangaid:11 i"? ga: Daniel re mho: ra". – Alao" Daniel , Hanani , Mishela' , Azari re qu" gam nae" tau: myiqe: ug agyi pho" lam: to" ra" zo qe,12 mae au: she yaug re Daniel wa – Ngon- haung" re ao: pho' myiqui: we' qid re byid: zho: byid: jhaug' mung: daxe ba kho lag13 yu: qu" wa, . – Ai: thao ngonhaung" myo, khung: we' jhaung zug' zo: shaug' ra" zolau: qe re nao yao: qu" tau" yu shao: . Ni" myo; yang myao: ru we' ni" jeim jham re kaid' la, ga: yang: ta" ko" ra".14 Zo: shaug' qe, qu" gam yaug wa khae: yu mung: daxe ba lag yu ca: qu" ra". –15 Daxe ba loe" au: yao: bam: myo, khung: wa jhaung zug' zo: shaug' re zo" ra" mo, shaug' ra" mo, tho' mae ave, yaung" lho" ru16 we' xau lam: lateim" ngaid ko" ra". – Alao" zo: shaug' qe, qu" gam yaug wa yao: bam: zo: pho: re re: yao: bam shaug' nae" sabyi' re re: qab: pye' mung: ao: pho' myiqui: we' za: zho: yang: khau: to" ra".17 Mo"so wa ai: zolau: byid yaug gekai: lai ba jhao nae" ada" zo, juyi jham re ba genae" tau: mae myao: kyao" nyain: re byid' ra". Daniel wa lamyhung" we' yab mo, re qo" ba: pheim nae" nyain: laba lajhao re byid'18 ra". – Jhaung zug' yham khyo jhui" vhao" nae" ayo, akhin: joe" lao" myiqe: ug yaug wa zolau: zoqae jham re khai: yu mung: jhaung zug' yham khyo vhao" ke' ra". –19 Jhaung zug: wa yao: bam we' jho" jhau: na: ra". Alhab' bam: tho' mae Daniel , Hanani , Mishela' , Azari bam we' dau: ru dayaug re: mabo ko" ngaid: ra". Ai ru: mung: yao: bam wa jhaung zug' qhid' kheim: mae qo"20 ye, ko" ra". – Jhaung zug: myid' ra" juyi laba lajhao jham re zoqae qe wa mang: din" mae na: ra" Maku' juyi ba mo, boe, phyid' mo, qe: tho' daxe nho" je: ru re the'21 myao: ra". – Daniel wa Kuru' jhaung zug: tao" zaung: ra" sao qhid' zin joe" sho' na: na shi" ra".