1 Nebukhaneza: jhaung zug: wa myhao phyao: khyaug' xe daung" , qi: phyao: khyaug' daung" bo: ra" hhang sulho dalam: re Babilon: mang: Dura' jao: gyu" mae kaid'2 tau: yhe' to: mung: – Mang: zug: vozug: sin: thu , tarha" agyi , khang: gaug zug: , byin qham khaung: mhao: , tung" su , mang: din" zug: aya: qo" mo, alhab' zang" joe" li" mung: jhaung zug: kaid' yhe' to" ra" sulho re tug: yu: nae" tau: mang: zug: jham , zug: jham , sin: thu jham , tarha" agyi qe , mang: dau ug zug: , byin qham nhag' bo qe alhab' mo, khai: phaung nhao:3 ra". – Mang: zug: , vozug: , sin: thu , tarha" agyi , khang: gaug zug: , byin qham khaung: mhao: , tung" su , mang: din" zug: aya: qo" mo, wa joe" zang" li" mung: tau: yhe' to" ra" alho: qhid' kheim: ye; na: bam4 ko" ra". – Ai: au: dao: hau" kyo: ru dayaug wa byu yaug nge, myain" thoe aja: ja: jhau:5 ra" byumyu" cao jab jham we" – Labo" , deim ba: , tang: , khulhao: pag' , tang: she tang: , zang be, mao" thaung: thoe gyo: lao" Nebukhaneza: kaid' tau: yhe' to" ra" hhang6 sulho re goe; gam" pa" ca". – Magoe; gam" pa" lo: na: ra" yaug re myi: de; na: ra" myi: khyeim" mo" khyo ajao" yao: khyo" ke' ge,7 ga: amyin" jo; ra" ga: hau" ke' ra". – Ai mung: byumyu" cao jab alhab' wa labo" deim ba: , tang: , khulhao: , zang be, mao" thaung: thoe ga" ra" she maid be, thoe the' gyo: lao" yaug nge, myain" thoe aja: ja: jhau: ra" byumyu" alhab' geim" wa goe; gam" mung: Nebukhaneza: kaid' tau: yhe' to" ra" hhang sulho re goe; pa" ko" ra".8 Ai: au: Khalade" byu daqhae: wa9 Nebukhaneza: jhao" ye: mung: – AsAng jhaung zug: kao qhang myo, myi:10 veshao: . – Labo" deim ba: , tang: , khu- lhao: , zang , mao" , jhe' cang" ga" ra" she maid be; ja: be; myhang" thaung" myhang" thoe the' gyo" ra" mo, alhab' wa hhang11 sulho re goe; pa" ca" nae". – Magoe; gam" mapa" lo: na: ra" byu re myi: zu" na: myi: khyeim" mo" khung: khyo khyo" ke' ge, ga"12 amyin" jo; ra". – AsAng jhaung zug: Babi- lon: mang: mae zug: aya: byid' to" ra" Yuda byu Shadared' , Meshed' , Abedanego" ga: mang: ra" yao: bam wa kheim: so' re pe" shui manho ko". AsAng: mo"so re magoe; pa" ko". Kaid' tau: yhe' to" ra" hhang sulho re re: magoe; pa" ko" ga: Yuda byu qe re qobo vhin mung: ta" kyo: ko" ra".13 Ai mung: Nebukhaneza: wa nhag' kyid kyid yo: mung: Shadared' , Meshed' , Abedanego" re khai: jhui" lo ge, ga: mho: ru we' dakhyo: yao: bam re jhaung zug:14 jhao" jhui" joe" ko" re – He , Shadared' , Meshed' , Abedanego" bam we" naon- haung" nga" mo"so re magoe; pa" ko" i"? Ngo kaid' to" ra" hhang sulho re magoe; pa"15 ko" i"? – Ana" naonhaung" wa labo" deim ba: , tang: , khulhao: , zang , mao" , jhe' cang" jham ngaid: ra" she maid be, jham she: thoe myang thoe the' gyo: lao" ngo kaid' tau: yhe' to" ra" hhang sulho re gam" goe; pa" nae" tau: jin" jin" seim" na ge, . Ai ru: mangaid re myi: de; na: ra" myi: khyeim" mo" khug khyo ajao" yao: khyo" ngha" ke' nae". Nga" lo, mae" qo" khyaid' lhoe' nae"16 Mo"so khag' na: i"? ga: mho: ra". – Alao" Shadared' , Meshed' , Abedanego" bam re: asang jhaung zug: Nebukhaneza: we" ce: mau" we' tin: yang: ngonhaung" pe" ta"17 nae" khyo mabo. – Ngonhaung" lam khug goe; pa" na: ra" Mo"so wa myi: zu" de; na: ra" myi: khyeim" mo" khug mae" ngon- haung" re qo" khyaid' yu: li" nae". AsAng jhaung zug' lo, mae" re: khyaid' lhoe' ke' li"18 nae". – Ai re" ru: makhyaid' yu ngaid yang: re: asang jhaung zug' mo"so re ngonhaung" magoe; pa" nae". Tau: yhe' to" ra" hhang sulho re re: magoe; pa" ga: tau: ko" ra".19 Amung: Nebukhaneza: wa nhag' kyid kyid yo: yang: Shadared' , Meshed' , Abedanego" bam re zhaug' qu" mung: myi: khyeim" mo" re nhaid' bun kho je: ngha" laung nhao nae" amyin" khyo" ke'20 ra". – Shadared' , Meshed' , Abedanego" bam re myag: jab mung: de; zu" jo; ra" myi: khyeim" mo" khyo" ke' nae" tau: mae qam: bo: ra" gyezo: qe re amyin" byid'21 ke' ru we' dakhyo: – Ai bam sam yaug re mai bau: , bau: qhang jham we' daga" myag: jab mung: myi: nga" na: ra" myi: khyeim" mo" khyo deim" khyo" ke' ko"22 au: – Jhaung zug' amyin" saung" thin: ru we' myi: khyeim" mo" wa saung" laung: ra" mathao ai: myi: she wa Shadared' , Meshed' , Abedanego" bam re she: deim"23 khyo" ke' ra" mo, lao" shid ko" ra". – Ai bam sam yaug kam" wa myag: jab gau gyai nga" laung: ra" myi: khyeim" mo" khug khyo gyo" vao lo" ko" ra".24 Ai: au: Nebukhaneza: mug' byaug: ru we' xoe" za: to" ye; li" mung: byu sam yaug re myag: jab: khyo" ke' ru ngaid: mangaid: i"? ga: byin qham khaung: mhao: qe re myid' ra". Khaung: mhao: qere: dang: ra"25 jhaung zug: we" ga: tau: ko" ra". – Jhaung zug: wa byu byid yaug mamyag mataui" ru we' pe" dae made; ru myi: khyeim" mo" khug mae su: du" qin" ko" ru ngo myao: ra". Byid yaug ein: yaug wa Mo"so: yao: zo"26 ave, de; ra" ga: mho: ra". – Nebukhaneza: wa myi: khyeim" mo" khyo qui" te' ye: mung: myhao: thao" Mo"so: daui mung su Shadared' , Meshed' , Abedanego" bam we" thug' lo ge, ga: mho: ra". Ai mung: yao: bam wa myi: khyeim" mo" mae" thug'27 lo ko" ra". – Amung: mang: zug: , vozug: , sin: thu , khaung: mhao: jham wa myi: maqo" nga" ra" ai bam re ceim" qu" ko" ra". Yao: bam: xae dakhe' re: manga". Ve, mai bau: jham re: malai: . Myi: yhang sheim re: manae: ru the' myao ko" ra".28 Nebukhaneza: re: Shadared', Meshed' , Abedanego" bam: Mo"so wa nga: lho" shao: wo". Yao: bam: Mo"so mae" jain" yang: getau: mo"so re goe; pa" caung" ru mae" loe, nae" akhyo Mo"so re lam khug lam" jang" mung: jhaung zug' amyin" re tug' shai" mung: yao: yao" gaung re qhaug'ko" ra" jeim qe na: ra" khyo Mo"so wa mug: logyo: re nhao: ke' mung: khyaid'29 yu va" ra". – Ai ru: mung: byumyu" cao jab we' myain" thoe aja: ja: jhau: ra" amyu" jham mae dayaug daqo: wa Shadared' , Meshed' , Abedanego" bam: Mo"so re shaid' nghung" ra" dao: jhau ko" re ai: yaug re adau atam" je; mhain" pye' ge, . Yao: bam wa nung: khyid' bam boe" shao: ga: amyin" khyo" ke' ra". Ai qhi" ra" khyaid' khyi: yu: ru re ai: Mo"so mae" getau qo" khyi: yu:30 ra" Mo"so mana ga: mho mung: – Babi- lon: mang: din" mae Shadared' , Meshed' , Abedanego" bam re caung: khin" mung: nga: yhe' ra".