1 Mo"so: mung dao: ngo jhao" dam: joe"2 mung: – Xaosu byu we" nao Israel bam mug: khyo myo, khung: qang mung: ai:3 akhyo re lapa pa wa, . – Israel bam jham we" AsAng Mo"so: mung dao: re tae" gyo: ge, . Mo"so wa bam zo: bam zang bug gaung lao: khaung: qid gyaung: jham re ce ru: ga: mho: ra". Ngo yao: naonhaung" au: dao mae shae re joe" nhao mung: myhao:4 ra" jo, qo jham re phyo' pye' nae". – Naon- haung" xeim: ngaui" phain jham wa cae: jhug tag ngaid nae". Ba gyoe lho jham re: gyug' gyang: gyoe; gyo" nae". Sulho alho jham: qhid' kheim: mae naonhaung" sulhe:5 jham khyang: khyo" pye' nae". – Sulho , gyoe lho jham: qhid' kheim: mae Israel amyu" zo: qe: shid mao re to" to: mung: xeim: ngaui" phain lhang" gam: yao: bam: sho: qug: jham re lhau: sin" to: nae".6 Naonhaung" jo, qo khyi" khao: ngo" mae vogaung: jham byo; lo" mung: myhao: ra" bug gaung mae" xeim: ngaui" phain jham sham" lhaui" pye' ru we' sulho gyoe lho jham re: thau: lhang" khyo" ru qhug' mung: naonhaung" kaid' ra" mau" zo"7 thao" gain: byaug: li" nae". – Naonhaung" phaung: gaung: mae sulhe: jham lang" gyoe; shid: li" genae". Ngo Mo"so AsAng ngaid: ru re ba: li" genae".8 Ngaid qere: naonhaung" mang: khao: ngo" khyo byo: sin" na: lo" au: byumyu" aja: ja: shae gye mae" loe; ra" byu daqhae: dang9 nae" tau: ngo na: dang nhao nae". – Ngo re shepye' mung: shaid' nghung" ra" nhag' myid re re: sulho , gyoe lho jham we' shaid' nghung: nug yang: cao" qu" qin" ra" myo, jid' re re: ngo sham" lhaui" khyo" pye' ra" au: loe, mo, wa yao: bam re pyaung" nha: to" ra" mang: mae ngo re myid: beim:so" li" genae". Yao: bam kaid' shaid' ra" ca' pho: mau" mathao mae yao" gaung re yao: myid:10 qho' myid: gyaug genae". – Ai ru" ru qobo dae re ngo byid: nae" ga: Mo"so mho: ru wa aseim akeim mangaid: nhaung ga" ru11 re ba: yu: li" genae". – Mo"so ce ru: ga: mho: ra". Israel amyu" qe zai" shaid' qhug' ra" anyain: avho" mau" mathao mae byuxa: voqoe, geshao: wo" ga: mho zo" re" lo, pyo' pyo' ge, . Khu thao thang" ge, . Khoru: ga" re yao: bam shae lhae gye, bao" khug' gye , no qam" gye jham mae lang" gyoe; shid:12 li" genae". – Mug: va: mae" mo, wa no qam" gye: yang shid mung: ajhao" mae" mo, wa shae lhae gye mae shid genae". Ai: gye mae" loe, mung: dang: ra" mo, re: bao" khug' gye mae shid mung: yao: bam mae nga" nhag' yo" gyid' ru byang" loe"13 nae" ngaid: . – Gyoe lho jham re sheim nae pyo: nam caung da" ngaui" jo, qo , xeim: phain lhang" gam: myhao: ra" bug gaung , bam nyaug alhab' dao mae nyug lao qam" ra" sag' gae , ba sham qam" ra" shi qae gae alhab' aqao: mae sulho gyoe lho jham mae sulhe: qe lang" gyoe; shid gelao" ngo wa Mo"so ngaid: ru re yao: bam ba:14 li" genae". – Ngo yao: bam: adao mae lo, yheim" qang: ke' mung: Diblad' vo we' tin" ra" gaoso yo tho' mae yao: bam na: ra" jo, qo khyi" khao: ngo" mae je mung: cae: jhug tag mug' pho" ru boe" nhao: ra" au: she, Ngo wa Mo"so ngaid: ru re ba: li" genae" ga: Mo"so mho: ra".