1 Thao dalhang Mo"so: mung dao: wa2 ngo jhao" joe" li" mung: – Xaosu byu we" Mo"so wa Israel mang: byu qe re qang yang: mho: ru wa mang: din" byid jheim: geim"3 thao" lo" nae" khyo joe" nae". – Nao wa thao" va" ra". Ni" adao khyo nga" nhag' yo" ru nhao: ke' nae". Ni" ave, angau: re cao" yang: pyam" nae". Nao kaid' ra" anyain: avho: we' daru: za: yhin" pyam" nae". –4 Ngo wa nao re pe" o: mado nhag' myain: nhag' khyag' myid mabo lo: qobo dae byid: nae". Nao kaid' shaid' lo: ra" anyain: avho" ru wa ni" au: dao mae jo, shao: . Ngo Mo"so ngaid: ru re nao ba: lo: li" nae". –5 AsAng Mo"so mho: ru wa qug: khai: wa6 daja" thao mae daja: joe" nae". – Thao" nae" qug: khai: joe" nae". Seim" thao" nae" qug: khai: joe" nae". Nao re lao" zo" joe"7 li" nae". – Mang: din" byu we' naonhaung" phau: nae" qug: khai: joe" li" va". Ayo, jhao" va". Ngaui bau: zhao: yao: ru majo, lo: , se' da: be, khyaid' kaid' nae" ayo, jhao" va". –8 Ngo wa mataung" myao" re nga" nhag' yo" gyid' ru vhe' khyo" ke' nae". Nao mae nga" nhag' lam: yaug yo nhao nae". Ni" ave, angau: we' dakhyo: ngo pyam" nae". Nao kaid' lo: ra" anyain: avho: mau" we' daru:9 za: qobo dae byid: nae". – Nao re pe" o: mado nhag' mamyain: lo: ni" ave, angau: we' dakhyo: qobo dae byid: nae". Nao kaid' shaid' lo: ra" ru wa ni" au: dao mae ngaid shao: . Ngo Mo"so qobo dae byid' ga" ru re10 ba: li" genae". – Ai: ba wa joe" va". Gai gai: yao: joe" va". Nao phau: nae" qug: khai: wa tau" phyid' ru byang" joe" va" ra". Vo: se: abu" bu" ava". Ngaid beim" ru wa je: qi"11 li" ra". – Se' da: be, khyaid' ru wa makhy- ang: yaug: lhae daung: boe" va". Ngaid qere: yao: bam phaung we' yao: bam: volo ajham ataung mae dayaug re: dang nae"12 mangaid: . – Yao: bam: tau: kaug' myain" qhu: thoe magai: mung nae". Ayo, byang" byaug va". Ba na jhao" va". Aung: yaug re: dangaui bau: , vai yaug re: nhag' dangai , khoru: ga" re alhab' mo, geim" adao nhag'13 yo" gyid' ru zaug: jo, ava". – Aung" ra" yaug wa kao loe, ngaid qere: aung" ra" mug: myid khyo madam: gai: lo lo: nae". Ai: mo, zhain mo, phaung we' tin" lamy- hung" wa mabyang" loe" lo: magai: ngaid nae". Matarha" khyo" cao" ra" mo, khag'14 magang" tang: na genae". – Gye zin: to" nae" tau: labo" maid ngaid qere: khag' re: gye mato" li" ko". Khoru: ga" re nga" nhag' gyid' ru wa ai: mo, phaung jham:15 dao mae zaug: jo; ra". – Taung gaung mae shae gye jo; ra". Akhug mae wa no qam" , vae: moe; qid shab' ru jo; ra". Jao: gyu" mae na: ra" yaug wa shae lhae: yang shid nae". Vo khug mae na: ra" mo, wa no qam" we' vae: moe; qid shab' ru: yang shid: gain16 genae". – Ngaid qere: loe; lo" mo, loe, ko" qe re: yao: bam: qobo: mathao yaug nge, wa kaug' myain" qhu: thoe mung zo" re" lao: khaung: mae" phaung" kyug' ru: bam17 dao mae na: na genae". – Yao: bam alhab' wa lo, qam: pyain" byaug mung: paid' laug jham re: aqang: boe" byaug genae".18 Yao: bam re: jid: mo" mai lao" yang" yang: qi: sho' gyaug: din: ru we' yao: bam: gaung tau: ve; ci zo" re" dayaug re: madang myo, qho' bo mung: xae qaug:19 pye' genae". – Yao: bam ngaui re khyo dang mae shepye' mung: hhang re anyain: avho: ru: jho: pye' li" genae". Mo"so nhag' yo" gyid' ra" ayo, akhin: mae yao: bam: ngaui hhang wa yao: bam re khyaid' yu nae" tau: magai: boe". Yao: bam o: khyo: maqo" phyid byid: ko" ngaid: ra". Gyi: sho' maqo" zho: jhaug' ko" ngaid: ra". Khoru: ga" re ai: ngaui hhang jham wa yao: bam re tha" thu: lang: mung: shaid' nghung"20 ra" akhyo ngaid: ra". – Yao: bam shaung yhaung" nae" ve, nam xau nam mae yao: bam nga: yu ngaid beim: mung: yao: bam: mashao malho" ra" gyoe lho we' anyain: avho" zai yo jham re ai: yang kaid' ko" mathao mae ngo yao: bam: ngaui hhang re21 anyain: avho" zai yo poe" pye' nae". – Byu bang" qe wa ai re lhaid' yu phyo' qheim" vegeshao: . Yao: bam: lo, mae ngo qhaug' yang: yao: bam wa anyain: avho: kaid'22 genae". – Ngo re: nga" myo, khung: lhang: phaug' lo" mung: yao: bam: wa nga" shao gyang" jo, qo re anyain: avho' kaid' genae". Cang tau: qe vao mung: anyain: avho: kaid' pye' li" genae".23 Jo, to' taui: kaid' wa, . Mang: din" wa byu se' ru we' byang" jo; ra". Vo jham re:24 yhin" pyam" ru byang" ra". – Ai ru: mung: makhyang" thao" ra" amyu" re ngo jhui" vhao" mung: yao: bam wa yham jham re lhaid' sang: yu: li" genae". Qam: bo: ra" mo, nhag' lam: qi" myao ko" ru re ngo nyham: khyo" pye' nae". Yao: bam: shao gyang" ra" jo, qo re anyain: avho" ru jo, nae" ngaid:25 ra". – Byo, qeim: ru joe" lo: ava". Yao: bam ngaui bau: yaug yo: khyo re qho ko" qe26 re: mamyao ko" ngaid: ra" . – Qug: khai" ru daja" thao daja: , lau dao: wa daja" thao daja: thug' lo: li" nae". Lapa jhao" lamy- hung" re qho ko" yang: re: maqo" ko". Khin jaung qe tarha" dao: ta" nae" , kao qi: mo, juyi byid: nae" akhang" maqo" lo: na: bam27 genae". – Jhaung zug: wa kaug' myain" qhu: thoe mung nae". Jhaung zug: nau" qe myid: nghae" mug' ra" ve, mai bau: re ve; li" genae". Mang: din" byu jham: lo, nin" genae". Yao: bam: ave, we' daru: ngo dam: tug' byid: nae". Yao: bam dao: phyid' ko" ru ru: ngo dao: dam: phyid' nae". Ngo AsAng Mo"so ngaid: ru re ba genae" ga: mho: ra".