1 Xaosu byu we" myid zho: phaid' khao: dakhye' re yu mung: ni" qhid' kheim: mae to: yang: Yerusalem: vogaung: re khyang"2 tung" wa, . – Vogaung: re lhang" tung" mung: qhid' au: mae gye qe, to" to: wa, . Gyab lao: dau: mung: gyezo: jham re to" to: wa, . Lhang" gam: mae vokham" byo;3 ru she: qhu" to: wa, . – Ai mae" getau jo, to' cug' re yu mung: nao we' vo: agyo: mae jo, to' khyae boe" nae" tau: , tau: zhaung: to: wa, . Ai re" ru: lhang" kham" to: yang: dashaid' mae ni" myo, khung: re to: mung: ai re" ru: lhang" kham" to" ru wa vogaung: lhang" kham" ru qhug' nae" ngaid: . Ce ru wa Israel amyu" zo: qe: ve, lho ngaid: li"4 nae". – Ai mae" getau nao wa lo, kaung: shaid' nae zeim: khyo" yab mung: Israel amyu" qobo re ai: nae zeim: mae kai" to: wa, . Ai re" ru: yab: ra" ayo, ba na we' dakhyo: yao: bam: shaid' nghung" qobo re5 vin vo, ca" nae". – Khoru: ga" re yao: bam qobo qhug' kham zo" ra" zin na aso: re ngo ni" tau: ba na jaung: to: mung: ai wa sam yo: gug xe ba ngaid:. Ai: ayo, mae Israel6 amyu" shaid' ru re nao vin ca" – Ai: ayo, ba na nge, lao" dalhang lo, yo shaid' nae zeim: khyo" yab mung: ba na byid xe lam: lam: Yuda' boe: qe: qobo vin vo, shi: wa, . Zin ve; atha" ba na re ngo to" to: va".7 Nao Yerusalem: re tung" lhang" to" ra" mau" wa lo, lam: pyam" zo" re" qam: ke' mung: ai: vogaung: byo, qeim nae" akhyo8 re lapa pa wa, . – Ngo nao re taui" myag: taui" to: mung: ai: vogaung: re lhang" kham" ra" mau" ayo, byang" ra" ayo, joe" sho' dashaid' mae" dashaid' khyo magai:9 lhang: phaug' nae". – Ai mae" getau daja: wa- saungso cin yho" cin shigyao: we' khaung: cin , gaug cin jham re yu mung: ug' dakhye' mae lhag' to: mung: nae zeim: dashaid' khyo" yab: ra" sam yo: gug xe ba lam: lam: ai: lhau: lhag' to" ra" cin re10 cinmain" kaid' mung: zo: ca" nae". – Ai: cinmain" re dane, dane, mae she' kye' shid'xe lhang lag mung: zo: ca" nae". –11 Qid re re: daba ba mae dane, mae dakeim lag yang: shaug' ca" nae".12 Yho" am: pye: re zo" ru re" ru: zo: nae" tau: su: qhid' kheim: byu: poe' yang13 phaid' am: ca" nae". – Ai re" ru: ngo khe' thug' ke' ra" jao: getau: byumyu" qe: na jao: mae Israel amyu" zo: qe wa nyain: vho: ra" cinmain" re zo: genae" ga: Mo"so14 mho: ra". – Ngo re: AsAng Mo"so we" ngo wa nyain: vho" ra" khyo majoe" shi: . Yao: za: yao: shid: ra" mao , zoqhid bin" se' ra" mao , ca' pho" ra" sho: mao sho: re ngai shi" ayo, mae" ana" joe" aung mazo: ein:15 mho: re – Alao" yao: wa qu" wa byu: poe' atha" nung: khyid' re ngo byid: nae". Nung: khyid' yang ni" cinmain" re te' zo:16 phaid' am: zo: ca" nae". – Dam: yao: wa xaosu byu we" Yerusalem: vogaung: mae cinmain" zaung: bao" re ngo tam" kyo" nae". Vobyu qe wa cinmain" re jao mae lag yang: gaung yug: sho: byo, nhag' myid we' zo: genae". Qid re re: lag yang: mug'17 gyaug: ru we' shaug' genae". – Cinman" we' qid myaung: lo" mung: vobyu qe daru: za: myid: mug' byaug ko" mung: yao: yao" qobo: mathao mae ngaung" khyoe" lo" li" genae" ga: mho: ra".