1 Byu dayaug yaug yao" yham sang myhi" shepye' ra" myiqe: myhi" wa getau: byu dayaug: yham sang myhi" ye: boe" mung: sao qhid' re" yham sang pho" wa dam: gai: zam" nae" i"? Ai re" ru: kaid' ra" mang: din" wa anyain: avho: boe" va" mangaid: i"? ga: su ta" na gau mae nao wa zoqae: myhi" myo: sho' we' zam" yang: shaid' nghung: ngaid qere: Ngo jhao" dam: lhang: lo wa,2 ga: Mo"so mho: ra". – Myhao: ra" bug gaung khyo tau: nghao" qu" mung: yaug gai we' mazam" qu" shi" ra" jo, qo dalam: lam: re qho wa, . Ma dae mae" Arab' byu re" ru: khyo yae mae zaung: jo, mung: nao yao: bam re lham: ju" phyo' yang: mashab makhyang" mau" mathao mae mang: din"3 re anyain: avho: boe" nhao va". – Zin mug: maqu mung: la jham: qu yo, joe" sho' mug: maqu qe re: , nao wa yaug zhang: myhi" au: pa de, mung: qho' gyaug re to" pye'4 venhaung . – Ana" ayo, mae" qhid mung: nao wa nga" pho" we" AsAng wa nga" ve, qae" ayo, qu" gam: lo va" ga: Ngo re zag:5 yao veshao: wo". – Mo"so wa khonhae" re: nhag' yo: nhag' gyid' na nae" i"? byu na: ban: thao" sho' qobo re xam" ci: to: nae" i"? ga: ta" na gau mae nao qaid: nho" qobo mau" re kaid' na venhaung i"?6 Jhaung zug: Yoshia' ta mae Mo"so ngo re mho: to" ru wa nhaung thao" phaug' lo" ra" Israel amyu" qe: mau" zo" re Ngo myao va" mangaid: i"? Myhao: ra" bam khao: ngao" mae re: , nyug lao qam" ra" sag' gae qao: khao: ngo" mae yaug zhang: myhi"7 kaid' ava". – Yao: ai: mau" alhab' bin: kaid' thao mae ngo jhao" dam: lhang: lo wa, ein: mho ngaid qere: yao: wa madam: lhang: lo lo: . Ai: mau" re dao: so: mazaung: ra" yao: nhaung: myhi" Yuda the' myao: ra". –8 Nhaung thao" phaug' lo" ra" Israel wa lao lhaid' ru we' shaid' nghung" mau" kaid' ra" mathao Ngo wa yao: re kao" pye' tung" khye' tung" byid: ngaid qere: yao: nhaung: myhi" Yuda re: mazag mavae ye" lo" mung: yaug zhang: myhi" kaid' na: ru re Ngo the'9 myao va". – Ai re" ru: shove, ze: ra" yaug zhang: myhi" mau" zo" yang mang: din" anyain: avho: boe" nhao mung: laug baui we' re: sag' tam" thaung: we' re: shaid'10 nghung: va" ra". – Ai qhi" qobo qo" ngaid qere: , dao: so: mazaung: ra" yao: nhaung: myhi" Yuda wa nhag' myid lam: maug we' madam: lhang: lo lo: . Lo nhohab kaid' mhug' ra" ga: Mo"so mho: ra".11 Mo"so ngo re ceru: dam: mho: ra". Dao: so: mazaung: ra" Yuda wa nhaung thao" phaug' lo" ko" ra" Israel qe tho' mae12 qobo je: qi" ra". – Nao to" ye: wa, mug: am: khyo qhid' kheim: phaug' yang: ceru: ein: zag: hug' yang: ta" hau: wa, naung phaug' lo" ra" Israel we" dam: lhang: lo wa, ga: Mo"so mho: ra". Ngo nao re nhag' mayo: lo: nae". Nhag' khyag' shogu: myid bo: . Malam: lai: lo: nhag' yo" na yaug13 mangaid: ga: Mo"so mho: ra". – Nao wa shaid' nghung: mung: ni" Mo"so: tarha" re lhoe" ru we' nyug lao qam" ra" sag' gae qao: mae labug: byu qe we' zam" na: lhang: qin" mung: Nga" dao: re matae" gyo" ru re yhin" yu wa, ga: Mo"so mho: ra".14 Naung phaug' lo" va" zo: dau qe we" dam: lo ge, ga: Mo"so ta" na: ra". Ngo wa naonhaung" AsAng yao: ngaid va". Ngo wa davo mae" dayaug dakaung mae" shid' yaug re khyin: thug' yu mung: Ziun: vo15 khyo jhui" lo" nae". – Ngo wa Ngo jhid' kao o ngaui: ra" yaug re phung: ug tang: byid: mung: yao: bam wa laba lajhao juyi we' naonhaung" re ug gam: li" genae". –16 Ai: ayo, akhin: mae naonhaung" wa na: myo: na: je" li" mung: mang: din" mae myo" laug: lo ko" au: naonhaung" wa Mo"so: dao: thang" bain" ga: ta" lo: genae" mangaid: . Khag' re: xam: lo: genae" mangaid: , o: do: lo: genae" mangaid: . Ai re dam: kaid' genae" mangaid: ga: Mo"so17 mho: ra". – Ai: ayo, akhin: mae yao: bam wa Yerusalem: re Mo"so: la kin tao" ga: mhang" genae". Amyu" zo: qe alhab' re: Mo"so: mang khyao: mae ngha mung: ai: la kin khyo ham phaung: lo: li" genae". Yao: bam wa thao phyao: yao: yao" au: qao: ra" nhag' khyo" na ye, du: su: lo: genae"18 mangaid: . – Ai: ayo, mae Yuda kaung mae" mo, wa Israel amyu" qe we' daga" na ye, du: su: mung: yao: bam wa mug: am: mang: din" mae" daga" thug' lo yang: naon- haung" phug' pho" qe re Ngo byid' ra" dai kham mug: myid khyo joe" lo: li" genae".19 Ngo wa nao re zo: myid: qe re khoru: na ye, nhao nae" i"? Na gai gaug qo" ra" mug: myid getau: mang: din" tho' kheim: so' qi" ra" mug: myid re khoru: mung: byid: nae" i"? ein: myid: lao" nao wa Ngo re pho" ga: mho: li" nae". Ngo jhao" mae" nghung: mung: magai: du: su: na ye, nae"20 ein: Ngo dam: ta" va". – Israel amyu" we" yham sang myhi" wa yham sang pho" dao mae dao: so: mazaung: ru re" ru: gai gai: yao: nao wa Ngo mae dao: so: re phyo' pye'21 ava" ga: Mo"so mho: ra". – Israel amyu" zo: qe wa myhao: ra" bug gaung jham mae kaug' ngug yang: mho' bain: ko" thoe re Ngo the' gyo: va". Khoru: ga" re yao: bam wa khyo nghung: nghung" lo" mung: yao: bam: Mo"so re to" myhid' pye' veko" ra". –22 Lae" vhang" qin" ra" zoshao qe we" dam: lo geri: . Naonhaung" lae" lo" ru re Ngo gai yo nhao nae". Ngonhaung" wa AsAng jhao" dam: lo va". AsAng wa ngonhaung"23 Mo"so boe" va". – Gai gai: yao: bam jham we' bug gaung jham wa akeim aseim za: ngaid: ra". Gai gai: yao: ngonhaung" AsAng Mo"so wa Israel amyu" re khyaid' khyi: yu:24 khyo yao: ngaid: ra". – Gyaug qho' pho" ra" ru wa ngonhaung" ve, qae" ayo, mae" mung: phug' pho" qe: jo, nho" dai kham ga" ra" yao: bam: yao kyaung" , nung: kyaung" we' zo: dau jham re phyo' qheim" mhain"25 gain: pye' veko" ra". – Ngonhaung" wa qho' gyaug zo" re" yab: bam va". Khang: yam" ru mae nab: bam va". Khoru: ga" re ngonhaung" ngai shi" ayo, mae" mung: ana" ne, joe" sho' phug' pho" qe we' daga" ngonhaung" Mo"so: dao: re matae" gyo: , ngonhaung" Mo"so re zai" shaid' nghung" lo: bam va" ga: ta" veko" ra".