1 Mo"so ngo re mho: ru wa Moshe we' Samuela nga" qhid' kheim: mae ye; jo, gengaid yang: re: ce: byumyu" re manhag' khyag' ngo mae" thug' lo" geshao: keim"2 thug' ke' wa, . – Ngonhaung" wa khokhyo thug' ye" lo" zai i"? ga: myid: ko" re nao re Mo"so ceru: ga: mho: ra". Shid main: qi" ra" khyo , se' pye' qhug' ang: ra" mo, se' pye' ra" khyo , vae: moe; phau: nae" mo, vae: moe; qid shab' ra" khyo , sham" tai: lo" ang: ra" mo, wa sham" pyaung" lo" ra" khyo , thug' lo" ge, ga: yao: bam re ta" kyo:3 wa, . – Yao: bam re se' nae" shae , bin" she zo: nae" lakha: , thoe" caid' zo: nae" mug: le; phyo: mae" ngho' we' zoqhid ga" ra" gyevo byid ja: re yao: bam: tau: Ngo to"4 to: va". – Yuda jhaung zug: Hezekia' yao: zo: Manashe: Yerusalem: vo mae kaid' ra" mau" zo" mathao ai bam re myid gaung dao mae" mang: khao: ngo" mae qug: khai: kyin" nhaung" re phau: nhao nae".5 Yerusalem: vo we" nao re khoyaug nhag' khyag' genae" i"? Ni" tau: khoyaug bokaug' ngug genae" i"? Nao qao" zin" na:6 i"? ga: li" myid' lhau genae" i"? – Mo"so ceru: ga: mho: ra". Nao wa Ngo re shepye' mung: qui" lo" byaug va". Ai mung: Ngo lo, qang: yheim" ke' yang: nao re nai: mhain" pye' nae". Ngo nao re nhag' myain" ngau"7 va". – Mang: din" kham: mo" dung: mae Ngo yao: bam re bo" lang" yang lham: pyao: nae". Yao: bam: zo: dau qe re seim: lo" nhao nae". Nga" byumyu" qe wa yao: yao" gau: khyo mae" madam: lhang: tug' lo lo: ko" mathao mae yao: bam re phyo' sin"8 pye' nae". – Yao: bam: cug' mo" jham wa Nga" qhid' kheim: mae bang: lae mo" ma coe bam tho' myo: genae". Na" gaung tau: ra" ayo, mae yao: myhi" re gye she nae" zolau: qe nhao: vhao" ke' nae". Nhag' kaug' myo, yug: ru we' gyaug pho: wa yao" dao: nyag tin" labaug' joe" li" nae".9 Zoshao nhaid' yaug re khau: ke' ra" myhi" zang wa gaung khyao pyaung" pyain" mung: so' thao" lo" ra". Myi" thao majoe" shi: re yao: ba vao: byaug va". Dang: na shi" ra" gu: re re: gyevo: lo, mae shae mae Ngo qhaug' pye' va" ga: Mo"so mho: ra".10 Myhi" we" mang: din" geim" we' gye she yaug jho" ngag: yhai nae" yaug boe" nae" tau: ngo re khau: ke' ra" mathao ngo byu xa: vo: qoe, va". Ngo wa gau pai: pai: yaug re: mangaid: . Jhin de, yaug re: mangaid' ru byu alhab' wa ngo re ceim" nhang: ko" ra".11 Mo"so mho: ru wa gai gai: yao: Ngo nao re na gai gaug qo" nhao nae". Pyam" yhin" qug: khai: kyi" khyag' qhug' ra" ayo, akhin: mae Ngo wa ni" qhid' kheim: mae gyevo12 re ye: mho' bain: nhao nae". – Jo, to' re khoyaug qo" myhag' khyug' nae" i" ? Mug: am: shaid' mae" jo, to' we' gyid: re lao" re:13 qo" myhag' khyug' genae" i"? – Ni" mang: din" geim" mae nao kaid' shaid' ra" qobo: mathao mae ni" jo, nho" we' ug' khug' zai yo jham re pe" o: mado lo: zab' khyoe' pye'14 nae". – Nao maba: ra" mang: khyo gyevo we' daga" nhao: ke' nae". Naonhaung" re Nga" ra" myi: wa Ngo nhag' lam: lang" ru we' ngha" ke' na nae" ngaid: .15 Mo"so we" Nao ba: na gau , ngo re myid: beim: la, . Ngo re li" du" kam" qu" mung: ngo re pyam" yhin" ra" mo, re tarha" khyo" dae co' phaug' wa, . Yao: bam re zang: qhao" mung: ngo re wa daqab: yu shi: la, ngo wa AsAng: tau: mae jung" khyoe' ru phau" lo va" ru re beim: so: byid: la, . –16 Mung dao: re the' myao yang: ngo khae: yu va". Ai: mung dao: wa nga" tau: mae ngaui bau: zhao: yao: nae" akhyo ngaid: ra". –17 Ngo wa poe kaid' mo; phaung mae maye: zaung , ngaui re: mangaui bau: . Ni" lo, kai: byid' ra" mathao ngo dayaug za: zaung: na: jo; . Ngo mae nhag' gyid' ru byang"18 sheim: lo" byaug va". – Ngo pe" mung: ce qhi" no phyo: qug: khai: kyi" khyag' phau" na: laug i"? Nga" no dae magai: ru wa pe" mung yang: ngaid: i"? Gai gai: yao: AsAng gai nhao ba mung: kin" lo" ra" qid re" ru: mhug' na: i"?19 Ai ru: mung: Mo"so ceru: ga: mho: ra". Nao dam: lhang: tug' lo: ngaid: re Ngo nao re jhui" lo mung: nao Nga" qhid' kheim: mae qo" ye, nae". Phug' de; ra" ja: we' phug' made; ra" ja: jham re ba: kho' khaui" to" ngaid: re Nga" nhaid' re" ru: boe" nae". Yao: bam wa nao jhao" zang" lo: li" genae".20 Nao yao: bam jhao" maye: ca". – Ngo wa nao re ce: amyu" zo: qe: qhid' kheim: mae gang" tang: gyid: vokham" boe" nhao nae". Yao: bam nao re qo" khaid' aung genae" mangaid: . Ngo she: yu mung: ni" shaid'21 mae bona nae". – Makhyang: mo; lo, nao she: yu mung: gyaug pho" ra" yao: bam: lo, mae" khyaid' khyi: yu nae" ga: Mo"so mho: ra".