1 Byumyu" qe we" tae" gyo: nae" tau: qui" zhain: lo ge, . Labug qe we" tae" gyo: ge, myid gaung we' myid gaung mae bo: ra" ja:2 alhab' gyo" yu ge, . – Mo"so wa byu myu" cao jab re nhag' gyid' mung: yao: bam: mo, thaui: mo" re nhag' lam: qu" laung: ra" yao: bam re nai: mhain" mung: se' genae" tau:3 qhaug' ke' ava". – Yao: bam mae" se' qhug' ra" mo, re taung gaung khyo shepye' mung: yao: bam: mao gaung bab: nae: li" nae". Yao: bam: sa" yang bam jham wa aqang:4 boe" byaug: li" nae". – Mug: gaung mae jo; ra" ja: nam jab alhab' wa byo; gyo" mung: mug: gaung wa tung" dang: re" ru: dang" lham" lo" nae". Sabyi' naui mae" avho' shu: ru re" ru: pho' ham" gae mae" ashi: gyo"5 ru re" ru: shu: gyo" lo" li" genae". – Khoru: ga" re Nga" shae wa Mug: gaung mae nhag' dag: bin mung: Edom: adao mae re: ngo nhang" ra" mo; adao mae re: qug: khai: dae6 byid: nae" tau: joe" li" nae". – Mo"so: shae wa yao nau" we' caid' be, sa: , yao lo: xau kug' we' sa: gyi: mung: xau myho: gyo" na: ra". Mo"so wa Bozra' vo mae xeim: ngaui" mung: Edom: mang: mae su se' poe re re:7 kaid' ra". – Dam: bug: we' nung: jaung lo: jham gyang: gyo" mung: yao: bam: mug: mae" myid gaung wa sa: yid mung: phaui: lhug jham re: xau ru: ngaid nae".8 Mo"so loge, xe' nae" ba na, Ziun: vo re qu" gam mung: qobo dae byid: nae" zin9 na joe" va". – Ai: mang: mae" qid gyaung: jham wa hhuje; xau: phaui: lhug re: fang boe" mung: mang: geim" wa myi: nga" ra"10 hhuje; xau boe" byaug nae". – Myi" na" myi: shid lo: nae" mangaid: . Myi: khug' re: mathang mano: thug' na: li" nae". Ai: mang: byu aqae: qae: cae: jhug' tag boe" mung: apyaid ato khag' re: masu" lai: lhau11 lo: genae". – Ngho' khyag' ngho' fai: we' pyu jham wa ai: mang: re sang mung: gin go; we' kuno, jham re: ai mae khug: na genae". Mo"so wa ai: mang" dao mae pyaid' laid sede: ga" taui: lao" khao: mung: gyao: lao vin" ga" ra" Ka" laug baui re nhao: ke'12 li" nae". – Zug' jo, qo mae na nae" agyi khaung: mhao: dayaug re: mana lo: . Zug:13 bug: thao" nae". – Zho: cang yham we' gye byu gai" jham mae phyo pe' yo boe" nae". Zag ne jham: khug jo, qo ngho' nang: jham14 na jao: boe" nae" ngaid: . – Ai: jo, qo mae myang: kha: zoqhid jham wa zag ne jham we' jho" qhug' genae". Yo: jham wa yao: cao: jho" khai: zhang: genae". Myi" zeim15 jham re: khug: no" na: li" genae". – Labyu: au: taui: lhao maui jham re: ai: jo, qo mae said' said' mung: au" khyo" nae". Au" phaug' lao" maui nau" jham re gug: gam genae". Zeim ao jham re: ai: jo, qo mae zang" ham mung: apho" amyhi" zam" na genae".16 Mo"so: jham: mung dao: re ca: phaid' qu" ge, . Gug' nyhug' dadau: re: mathug' lo: mamung nae". Byin cao: maqo" lo: dadau: re: na nae" mangaid: Mo"so: nhaid' dao: thoe jo; ra" solo wa ai jham re zhang" nha:17 li" nae". – Mo"so wa yao: bam: taui: pha" khyo" mung: yao" lo; yang ka" taui" yang she: ka" mung: ai: mang: re malam: lai: sang yang: pyaid da du na: ye" lo" li" genae".