1 Lhau: phyo' lhau: qheim" ru maqhug' yang: re: lhau: phyo' ba: ra" yaug su phyo' qheim" ru maqhug' shi: re phyo' qheim" ba: ra" yaug we" nao wa byuxa: voqoe, nae". Nao lhau: phyo' lhau: qheim" makaid' lo: na: au: lhau: phyo' ru qhug' nae". Phyo' qheim" qhug' yang: myaung: dug: na: ra" au: nao wa byo, qeim: lo" li" nae".2 Mo"so we" ngonhaung" re nhag' khyag' la, ngonhaung" nao re myid: nghae" lao" na: bam: . Ne, seim khao: ngo" ngon- haung" re qam: pin" byid' na la, qug: khai: thaung" qhug' ra" au: ngonhaung"3 re khyaid' khyi: yu la, . – Mo, thaui: mo" yhai thoe: mathao mae byu myu" jham phao: lo" byaug ko" ra". Nao to" ye; li" lao" byumyu" jham wa byo: sin" lo" ko" ra". –4 Naonhaung" jo, nho" re mo, je byu qe: yang khyag' phaung" jham sham" yu: ru ru: sham" tai: lo" li" genae". Khyag' phaung" jham tao" qin" re" ru: naonhaung" jo, nho"5 dao su" qin" genae". – Mo"so wa kheim: so' bo: ra". Tho' zhao" myhao mae na: na: ra". Ziun: bam re tarha" khyo" dao: phyid' ru din: main: taung" za: dao: phyid' ru we'6 byang" nhao: ra". – Ta" lo ma-aung lo" ra" khyaid' yu: khyo, juyi we' ba jhao se" ra" khyo wa ni" su na: bang: mae gang" tang: jo; li" nae". Mo"so re gyaug phug' ra" ru wa ni" jo, nho" dai kham boe" nae".7 Yao: bam: sulhe: qe wa taung gaung mae zag: hug' na ko" ra". Nyang nyhang" dao: jhau logyo: qe zag: gyi: ngug ko" ra". –8 Hau" mo" khyo jham cae: jhug tag khyo mae su" lai: lhau mo, mana gyevo jham wa dao: so: macao" lo: ko" vo mo" jham re9 re: pe" shui manho lo: ko". – Mang: din" wa nhag' ngai mung: qam: o: yeim: lo" ra". Lebanon: yo qao" wa qho' gyaug yang: kyaug' lo" ra". Sharon: wa thao" jam" re" ru: boe" ra". Bashain: we' Khamula; bam wa laui" nhain" na: ra".10 Mo"so ta" ru wa ana" ngo to" ye, naeva". Ana" ngo caung: khin" ru qhug' nae". Ngo yao: re ngo yao: nga: yu nae". –11 Naonhaung" wa vo, phaui: we' gaung la: mung: boe, said re khau: li" genae". Naon- haung" nhag' myid wa myi: boe" mung: naonhaung" yao: re nga" pye' li" nae". –12 Getau: byumyu" qe wa laug main baui re phaid' ru re" ru: zau: jam" re zin: mung: ngha" ru re" ru: boe" genae".13 Mug: va" mang: mae" mo, we" Ngo kaid' ra" mau" re xam: ge, . Jhao" mo, re: nga" kheim: so' phung bao re yhin" yu14 ge, . – Qobo qo" ra" Ziun: byu qe gyaug: na ko" ra". Tarha" macao" mo, gyaug: din ko" ra". Ngonhaung" mae" khoyaug wa nga" na: ra" myi: khyeim" mae qo" na nae" i"? Mashid lo" ra" myi: mai: khyeim" mae khoyaug qo" zang: qhao" na nae"15 i"? – Din: main" ra" khyo re cao" yaug din" ra" dao: jhau yaug ngaui hhang re ca' yang: khug vag: re ha: pye' yaug byu se' mau" re manug yaug , magai: ra" mau" re manug: qu" yaug wa myhao: ra" jo, qo mae16 qo" na: li" nae". – Yao: wa gang: tang: ra" laug kham" vo mae khug ngha: na nae". Zao: kho abang mabyid nae" shaug' qid re: abang mabyid nae".17 Ni" myo, wa jhaung zug: re yao" phung bao we' daga" the' myao mung: mug: va"18 mang: re re: the' myao: li" nae". – Nao gyaug pho: re myid: nghae" beim" ke' au: japhin: yu yaug wa khai: mae na: khang: gaug yaug wa khai: mae na: i" ? Gye byu gai" re nghe' qug yaug wa khai:19 na: i"? myid' li" nae". – Makhyaid' nho: byumyu" , No: gyo: mayo: ra" vai: sham" dao: , matho' ba: gyo: lo: sho' qug' ra" myain" jhau mo, re nao the' myao: lo: nae"20 mangaid: . – Ngonhaung" poe lhaung" kaid' jao: Ziun: re qu" qu" wa, khaung zang dazang re: maqui: taui: dakhe' re: mabyid: ra" qhui" pye' maqhug' ra" seim zaung ga" ra" Yerusalem: vo mo" re nao gai gai: yao:21 the' myao: li" nae". – Ai: vo mae kheim: so' phung bao qi" ra" Mo"so ngonhaung" we' daga" ngaid mung: lae: ra" qid zab: jao: boe" nhao: li" nae". Nyhe' cae" yang gau" ra" lha qo" vao nae" mangaid: qam: qi" ra" lha mo" jham qo" lai: lhau lo: nae"22 mangaid: . – Khoru: ga" re Mo"so wa ngonhaung" tarha" agyi ngaid: ra". Mo"so wa ngonhaung" khang" dao: tarha" AsAng ngaid: ra". Mo"so wa ngonhaung" jhaung zug: ngaid mung: ngonhaung" re khyaid'23 khyi: yu: li" nae". – Ni" lha taui: beim: lo" byaug va". Pin: cug' khao: zang qo" myag: tang lo: nae" mangaid: . Pin: lung: re: magai: phyid lhung: lo: . Ai ru: mung: zai gyo" myo: sho' qo" gai: myho" genae". Khyid qeim yaug lao" re: zai gyo" re lhaid'24 yu: li" nae". – Ai: vo mae khug: na yaug re: ngo no: na ga: ta" nae" mangaid: . Ai: vo mae na: bam ko" ra" amyu" qe wa qobo khyaid' shao: pye' byid' ru qhug' genae".