1 Qu" ge, din: main" ra" khyo" ug nae" jhaung zug: dayaug na: thug' li" nae". Zug: agyi khaung: mhao: qe wa din: main"2 tarha" khyo" dao: phyid' li" genae". – Ai: zug: agyi khaung: mhao: qe wa mug: qu la qam" lo: re khug qo ru: , gaoso yo mae yug: ra" qid gyaung: ru: , ba gyai lhe' ra" jo, qo mae laung: mo" baui: ba sham ru:3 boe" genae". – Myo, myao mo, wa de: de: za: myao genae". No: bung" mo, wa tae"4 gyo" li" genae". – Maba: lha" ra" mo; myid: nghae" qu" yang: juyi bo: li" genae". Nhaid' jid mo; sho wa dao: thoe boe" boe" za: ba:5 jhau: li" genae". – Kopyaid' re nhag' bo ein: re: , byag cag' re re: byid: zho: byid: jhaug' yaug ein: thao phyao: magai: mhang"6 nae". – Khoru: ein: re Kopyaid' wa magai: ra" shaid' khyo" Mo"so re dao: thoe: yang shaid' nghung: nae" khyo" re: , vae: moe; qid shab' na mo, re maqhug' zo: maqhug' shaug' nae" ga: ta" mung: magai: ra" juyi7 khyug' li" shi: nae". – Byag cag' ci: ra" kya" si: re: mashao ngaid: ra". Myaung sho: mo, din: main" ra" mau" re kaid' gengaid yang: re: madang main" ra" khyo" ta" phyo' mung: magai: ra" juyi za: ba: khyug' ko"8 ra". – Nhag' ba: myain: yaug kam" wa gai yo: ra" juyi ba: byid' ra". Nhag' myain: ba: ra" ru mae gang: tang: na: li" nae".9 Yaug yo cae: tae: za: na: ra" myiqe: qe we" to" ge,. Ngam" mo" myid' na: zo myi: qe we" Nga" dao: thoe re tae" gyo: ge10 wo". – Ngam" mo" myid' taung" na ko" ra" myiqe: qe we" dazin lai mung: thao: zin mae naonhaung" gaung yug sho: byo, genae". Khoru: ga" re sabyi' shi: phyo' yo, majo, lo: nae". Qho: vo: jham: nae" ayo,11 akhin: majo, lo: nae". – Ngam" mo" myid' na: ra" myiqe: jham we" gyaug: din ge, . Malha" na mo, we" gaung yug sho: byo, ge, . Mai bau: khyaid' shao: pye' mung: jid:12 mo" mai lao" yang" ci ge, . – Yao: bam wa ngaui bau: yaug yo: ra" taung yo yothaung: jham we' ashi: gyai zaui" ra" sabyi' naui: mathao mae qao gao be, mung: nhag'13 kaug' ru qhug' li" genae". – Nga" amyu" qe: mang: din" dao mae re: ngaui bau: ngaui lho" ra" vogaung: jham: dao mae re: mhin: zo: laung la we' zau: gae jham: yang14 ug: pye' li" nae". – Jhaung zug: qe: yham gai jham to" pye' qhug' mung: ai: vo jham wa cae: jhug tag boe" nae". O" Phela' bug gaung mae" gye byu gai" wa byo; gyo" lo" mung: myao: jham: na jao: yao jham gyo,15 zo: jao: boe" byaug: li" nae". – Tho' zhao" mae" solo wa ngonhaung" dao mae vhe' sheim: mung: seyo wa qhovo: qhoshi: byang" ra" yothaung: boe" mung: qhovo: qhoshi: byang" ra" yothaung: din" wa seyo re" ru: boe" nae" ayo, majoe" shi: re ai ru: boe" zai ngaid: ra".16 Ai: ayo, ba na mae tarha" din: main" ru tang: jo, mung: qhovo: qhoshi: byang" ra" yo thaung: mae din: main" ru malam:17 lai: gang: tang: jo; li" nae". – Din: main" ra" tarha" wa yaug yo: ru boe" nhao: li" nae". Yaug yo: ra" jo, qo wa gyag maqui: thain" madaui yaug yo: ru we' gug' ru ngaid:18 ra". – Nga" amyu" jham re: yaug yo: ra" jo, qo , gug' ra" vogaung: mae gug: gug: za: yaug yo: ru we' qhug' na: li" genae". –19 Ngaid qere: lag qu khyo" yang: ai: yo qao" gyug' gyoe; lo" mung: vogaung: jham re: myid mae pye: byin yao: phyo' pye'20 li" genae". – Qid yae cao" yang: qhovo: qhoshi: sin: mung: myao: we' nung: jaung jham re nhao: lhae" ke' ko" ra" naonhaung" wa Nga: lho" ru qhug' genae".