1 Khoru: ga" re Mo"so wa Yaku' amyu" re nhag' myain: mung: Israel amyu" re dalhang dam: khyin: yu yang: yao: bam re yao: bam: co' phyid' mang: khyo dam: lo nhao nae". Gemang: mae" bang" vo qe re: yao: bam we' zam" khug mung: Yaku' amyu" mae khug ngha: na: li" genae". –2 Labug: amyu" qe wa yao: bam re yao: bam: co' phyid' mang: khyo jhui" dai" li" genae". Israel qe wa Mo"so: mang: din" khug mae labug qe re jeim myhi" jeim pho" khyo" nhao zo" li" genae". Qhid' phyao: yao: bam re sham" tai: lo" ra" mo, re dam: sham" pyaung" lo genae". Yao: bam re se' da: be, khyaid' kaid' lai: lo va" re re: ug: li" genae".3 Mo"so wa nao phau" ra" gaung yug sho: byo; ru ngug byid ngug nhe' we' jeim doe; na: ru mae" khyaid' khyi: yu4 mung: yaug yo nhao: au: mae – Nao wa Babilon: jhaung zug: re qang yang: dao: zham" ce ru: ga: ta" nae" ngaid: ra". Ug khang" ra" kheim: bo zug: wa gyoe; seim"5 lo" venhaung wo". – Byu xaosu qe re khang: nhau" ra" zaung: bao" re AsAng wa nag: khyug' pye' mung: ai: vomo"6 wa gyoe; gyo" venhaung wo". – Amang: mang: adin" adin" re nga: kaid' myid we' ug mung: mathang mano: yhin" pyam" na: ra" mashab makhyang: mo; lhae taid' re7 Mo"so nag: khyug' pye' va". – Myid gye, dagye, geim" wa yaug yo ngaui bau: khyo jo, va". Qisam: su: caung: thoe we' hau"8 nhao" veko". – Hhuje; gae we' Lebanon: shaug' gae jham nao wa gyang: lang: thao ngonhaung" re thau: lhang" ra" yaug wa mado, lo lo: nae". Nao re qang mung:9 ngaui bau: genae". – Nao joe" lo: ra" au: o: zhao" mae" mo: vo: mug: wa nao re tug: yu nae" tau: lab: li" ra". Lab bug mae" subyo jham we' myid kin: zug: jham re: ni" mathao mae nhug' peim" ke' nae". Mang: din" khao: ngo" mae" jhaung zug:10 qe re: la kin mae" to" lo nhao: ra". – Ai bam alhab' wa nao re: ngonhaung" re" ru: qam: nang" lo" venhaung i"? ngo we' dau11 venhaung wo". – Ni" kheim: so' phung bao we' ni" tang: she thoe jham re mo: vo: mug: joe" sho' khyo" pye' venhaung i"? Ni" phyao: myhung: wa laug daung: jham , ni" gaung dao mae vo, dai jham ve; ham: ci venhaung i"? ga: nao re tug dao: lham: ta" li" genae".12 O" ne, seim: yao: zo: bo" myhung nao wa mug: le; phyo: mae" byid: gyo" lo venhaung i"? Mang: din" jham re yhin" pyam" yaug nao wa myid gaung: gye, joe" sho' thau: lhang" pye' ru qhug' venhaung13 wo". – Nao yao: re: mug: gaung khyo ngo do, lo" nae" Mo"so: kyi jham: dao mae nga" la kin kaid' nae". Qid meim: thao mae" ngo laung: bam dao mae ngo zaung nae". Myhao: thao" ra" yaug re"14 ru: . – Jham phyu la lhang" tho' khyo ngo do, nae". Myhao: thao" ra" Mo"so re" ru: ngo na nae" ga: nhag' nghae" myid bo15 venhaung . – Ngaid qere: nao wa mo: vo: mug: mang: khung: khyo deim" khyo" ru16 qhug' venhaung . – Nao re the' myao: ra" mo, wa zhaug' qu" mung: ni" akhyo re dam: lhang: myid: qu" yang: mug: myid re lhaui" nhain" mung: mang: din" jham re kyaug' nhin" ru wa ce yaug mangaid: i"? –17 Myid: kin: mang: din" jham re seyo segae: boe" nhao mung: vozo: vozang jham re phyo' pye' ra" yaug kyam: laung" mo, re yao: yao" jo, qo khyo madam: nhao: ke'18 yaug wa ce yaug mangaid: i"? – Byumyu" cao jab: jhaung zug: qe wa yao: yaug yao" yham mae phung bao we' yab: jo, ko"19 ra". – Naonhaung" kam" wa anyain: avho: sag' kaung re" ru: mang: khung: mae" phoe' thug' ru qhug' veko". Shae: yang thug' kyao" se' qhug' mo, mang: khung: mae laug je, jham ru: khyo" to" ra" mo, we' nghoe' to: yang: zab: nhaug' pye' ra" mao20 gaung jham boe" veko". – Nao wa mang: din" re lhau: phyo' mung: mang: byu qe re se' ra" mathao: yang yao: bam we' daga" shaung: nyham" ru qhug' nae" mangaid: . Khoru: ga" re tarha" macao" ra" yao: bam: akaung anyaug wa myo, nho nga: magai:21 lho" lo: ga: ta" li" genae". – Yao: bam: zo: myid: qe wa maqo" to" ye, lo" ru we' mug: myid re maqo" sang . Myid gye, geim" mae gyevo qe maqo" nae" akhyo: wa yao: bam: phug' phyid' qe: qobo: mathao mae se' pye' nae" beim" na ge, .22 Gug: mang: din gam ug Mo"so mho: ru wa Ngo yao: bam re gye khaid' mung: Babilon" mang we' na: dang: ra" mo, re re: zo: myid: qe re re: nai: mhain" pye' nae" ga:23 Mo"so mho: ra". – Dam: dalhang Ngo wa ai: vo re byu jham: na jao: toe' nae". Qid dang: ra" jo, qo poe" pye' nae". Byo; qeim ga" ra" sham: bain" yang sham" pye' nae" ga: gug: mang: din gam ug Mo"so mho: ra".24 Gug: mang: din gam ug Mo"so jham25 tang: mung: mho: ru wa – Nga" mang: din" dao mae Asuri' re khyoe' khyo" mung: Nga" bam mo" dao mae yao: re zab: nhaug' pye' nae" ein: Ngo myid: nghae" ru ru: boe" nae". Ai: ru wa dang: li" nae". Ai: au: su re vin nhao: ra" yao" kyau: qhui" pye' mung: yao: bam: dao kao" mae" qo vin re khyaid'26 khyo" nae" akhang" qo" genae". – Ceru wa myid dagye, geim" adao mae myid: tau" da: to" akhyo ngaid: ra". Byumyu" cao jab:27 dao mae yheim" qang: to" ra" ru wa – Gug: mang: din gam ug Mo"so tau" da: to" ra" ru re khoyaug qo" tam" nae" i"? Yheim" qang: to" ra" lo, re khoyaug qo" she: yu nhao genae"i"?28 Ahaza: jhaung zug: shid: ra" zin mae29 pa: ra" pa dao: wa – Philisti mang: geim" we" nao re be; ra" qam thaung: gyug' ru re dangaui bau: . Ai: lhao maui: amyu" mae" maui bab: thug' li" mung: ai: akaung wa ba:30 dao" ra" myi: maui boe" nae". – Sheve, ze masho: majhin: ra" mo, wa qhug' zo: qhug' shaug' li" genae". Sho: jhin yang: nyung: na mo, wa pyo: pyo: za: qhug' yab genae". Ngo wa ni" agyi: jham re kyaug' vhai" lo" ru: yang se' mung: na: dang: ni" amyu" qe re re: maui bab' yang thoe" se' li" nae". –31 O" kham: mo" dung: kaug' myain" qhu: thoe mung wa, . O" vomo" we" kaug' ngug wa, . Philisti mang: geim" we" nao wa mo; jo; ra". Qid meim shaid' mae" myi: khug' thug' lo: ra". Yao: lai: lo" ru mae khag' re: na: dang: jo, nae" mangaid: .32 Gemang: gedin" mae" joe" lo: ra" logyo: qe re khoru: ein: lham: ta" nae" i"? ga" re Mo"so wa Ziun: vo mae" re de" to: mung: yao" amyu" sho: jhin mo, wa ai: vomo" mae khug ngha: na genae".