1 Amo" yao: zo: Esaia wa Babilon: vomo"2 re qang yang: pa: ra" pa dao: wa – Bam pyaid' laid dao mae khyi zang tau: yhe' ge, . Thoe mo" we' zag: hug' ge, , lo, vha ge, . Yao: bam wa zug: qe: jo, qo kham: dung:3 khyo vao geshao: . – Ngo shao kyang" nhao: ra" mo, re Ngo pin: to: va". Ngo byid' ra" phung bao: mathao mae ngaui bau" ra" yaug Ngo nhag' jo, yo nae" tau: Nga" sulhe:4 qe re Ngo khai: to: va". – Byu mo, mo" thaui: yhai: na ko" ru ru: bam dao mae yhai genhaung i"? Zang" ham: lo: mang: din" byu qe: yhai thoe re" ru: gug: mang: din gam Mo"so wa mang: zin: nae" tau: mo,5 thaui: mo" re lhaung: yu va" ra". – Mang: din" geim" re phyo' qheim" pye' nae" tau: Mo"so we' daga" nhag' gyid' ra" gye sin: jham wa mug: va" mang: we' mug: kin athao" mae" li" ako".6 Mo"so: ba na ayo, jhao" li" na va" ru mung: kaug' myain" qhu: thoe mung: na ge, . Matho' mho lo" ra" kheim: so' qam: o: AsAng byid' ra" qug: khai: kyi" khyag' ru7 joe" lo: li" nae". – Ai ru: mung: lo, jham wa lo, gyi: pyaung" lo" li" genae". Byu Xaosu alhab' wa nhag' lam: thao" mung: gyaug:8 din: ra" khyo joe" genae". – Qam" aja: ja: gyo" lo: li" nae". Zo: khau no no: ra" myiqe: ru: phau: zo" re" yao: cao: jho" zhaug' qu" na: li" genae". Yao: bam: myo, nho wa9 myi: shae ru: ne genae". – Ai: mang: din" re phyo' pye' mung: qobo qo" ra" mang: byu qe re sham" lhaui" pye' nae" tau: qug: qe" ra" Mo"so: nhag' gyid' ru wa joe" lo:10 li" nae". – Mug: gaung mae" kyi jham mabao lo: nae". Ba thug' li" ngaid yang: re: mug: caid' ru we' lho" re: abao mabao lo:11 jo; li" nae". – Myid kin: mang: din" qobo re re: , tarha" maci mo, shaid' nghung" ra" jham re Ngo ca nae". Nhag' lam: qi: mung: phug: nghao" mo, re yhin" mung: makhy- ang" thao" ra" mo, re Ngo deim" nyham:12 khyo" pye' nae". – Byu wa hhang agyang" tho' phug' de, nae" khyo: sho: jhin mo, wa Ophira' hhang tho' phug' nae" khyo: Ngo13 kaid' nae". – Ai ru: mung: gug: mang: din gam ug Mo"so: nhag' kyid kyid yo" ra" ba na mae mug: gaung re lhaui" nhain" nae". Myid kin re: yao" jo, qo mae" qui"14 lo" nae". – Mang: byu qe wa gyaug mung: tao" phao: ra" cid phaug' zang we' zaung" su mabo: ra" yao jham ru: boe" mung: yao" sang: tin: qe khyo qhid' kheim: phaug' yang: yao: bam: mang: din" khyo tao" phao:15 lo" genae". – The' myao: ra" mo, alhab' re lhae taid' yang thug' ze; kyao" pye' mung: qhug' myhag' yu mo, alhab' wa shae: yang16 shid genae". – Yao: bam: zo: dau qe re yao: bam: myo, hao: tae mae yao: be; nhaug' se' li" genae". Yham jham re phyo' sin" pye' mung: yham sang myhi" jham re zhaug' lhang" to: mung: khang: nhau: be, khyaid' kaid' li" genae".17 Qu" ge, . Ngaui re pe" shui manho . Hhang re ma-o: ra" Medi byu qe Ngo18 nhao: ke' nae". – Yao: bam wa zolau: qe re la: cae" yang be, genae". Zoshao qe re nhag' makhyag' . Yao: bam: myo, jid' wa zoshao qe re pe" o: mado ko" ngaid:19 ra". – Mang: din" jham: ajhaung Khalade" byumyu" qe: myo, nho nga: lao: ngaid: ra" Babilon: vomo" wa Mo"so byo; qeim nhao: pye' ra" Sodom: we' Gomora' ru:20 boe" byaug nae". – Ai: vomo" mae byu na aqae: qae: apyaid ato khag' re: mana lo: genae". Arab' byu qe zaung khyae: re lao" magai: kaid' lo: nae". Yao zam: mo, re: yao khyae re lao" magai: kaid' lo:21 nae". – Myang kha: , zoqhid jham wa ai: vomo" mae khug: na: li" genae". Yham jham mae wa ba: myang: ra" gug' nyhug' jham byang" sheim sho' na: na: li" genae". Nang: ngho' jham re: ai mae khug mung: yo: jham re: ai mae jhi: na: li" genae". –22 Kha: sain" jham re: yham khain mae qe; na mung: zag ne jham wa phug' de; yham gai jham mae re: myang: na ngug: na: li" genae". Ai: ayo, akhin: jhao" va". Yao" ayo, wa maqhang lo: ngaid: ra".