1 1 Cao jab alhab' tau: yao: yao" ayo, jo; ra". Mug: gaung: o ca" qo: ja: alhab' tau:2 3 mae" ayo, adau jo; ra". – Khau myhung: yo, we' shid: ra" yo, re: jo; . Qho" yhaug' ra" yo, we' qho" to" ja: dam: naid: pye' yo,3 re: jo; ra". – Se' pye' yo, we' dae gai byid' yo, re: jo; . Phyo' pye' yo, we' dam: zhao" to' yo, re: jo; ra".4 Ngug: ra" yo, we' qi: ra" yo, re: jo; . Kaug' qui yo, we' go" jhu" ra" yo, re: jo;5 ra". – Laug baui myhi" sin" ra" yo, we' nyhang" gaug: zhang" ra" yo, re: jo; ra". Jho" po yo, we' mathe' po gao: lin: jo; ayo,6 re: jo; ra". – Qhug' qho: the' yo, we' zai" phyaug' ra" yo, re: jo; . Qaung" to" yo, we'7 lhaui" pye' ca" yo, re: jo; ra". – Lao" caid' ra" yo, we' dam: nyhang" khyab' yo, re: jo; ra". Sae za: na yo, we' dao: jhau nae" yo,8 re: jo; ra". – Jhid' yo, we' gyid' ra" yo, re: jo; ra". Gye se' yo, we' dam: nyang: yo, re: jo; ra".9 Mau" zaui: so" yaug wa yao: zaui" lo:10 lo, mau" mae pe" aphug' bo: ra". – Byu qe myaung: dug genae' tau: Mo"so byid' to"11 qug: khai" mau" re ngo myao va". – Ja: nam jab re yao: yao" ayo, adau we' dau nyang: khyo" so: to" ava". Byu re apyaid ato na: na nae" myid: nghae" nhao: to: qere: Mo"so gin phag' to" mau" re aqao:12 athao jao: qo" gai: ba: ru mangaid: . – Yao: bam pyo: pyo: qo" na nae" we' daui: na shi" abang" au: jeju kaid' nae" mau" tho' je: gai: ra" akhyo yao: bam: tau: majo;13 ru ngo ba: . – Ai: tho' mae yaug khao: ngo" zo: shaug' na mung: yao: yaug yao" mau" zo" akyu" mae qo" pyo" na: ru wa Mo"so: jeju jhaung qhu" yao: ngaid:14 ava". – Mo"so zaui: so" lo: mau" ja: cao jab apyaid ato tang: na: ru re ngo ba: . Ai: mae je yang: pe" re: maqo" zaui" laung: . Pe" re: qo" yeim" pye' byid' ru mangaid: . Sosu byu qe yao" qhid' kheim: gyaug: nin" na nae" khyo: Mo"so: yang kaid' mhai" to:15 va". – Ana" jo; ru wa geco’ ne, boe" va" ru za: ngaid: . Boe" li" nae" jham re: genhae" boe" va" ru za: ngaid: . Lai: byaug va"16 jham re: Mo"so dam: cao" qho: ra". – Ai: tho' mae tarha" tao" myhao atha" tarha" maci: ru , dang main: ra" atha" madang mamain" ru ba: agyid' mae ngaid: na: ru17 ngo the' myao: . – Alao" ngo wa tau" da: khyo alhab' we' mau" zo" alhab' tau: mae" jaung: to: byid' ayo, ngaid: ra" mathao Mo"so: yang dang main" yaug we' tarha" maci yaug re pyam" li" nae" ein: nga" aung khug mae mho: ra".18 Dam: ngo wa byu we' daui nam gug' nyhug' dau: ra" khyo re yao: bam qo" ba sho' Mo"so yao: bam re jham" qu" na: ra" mathao ce ru: ngaid: ako" ein: nga"19 aung khug mae myid: qu" ra". – Byu qe mae boe" doe; ru: gug' nyhug' qe mae re: thaung" qhug' na: ako". Ai shid' lam: dagau: mae za: jho" qhug' mung: dayaug shid: ru: getau dayaug re: shid: ra". Alhab' bam: so' dalam: za: bo: ru mung: byu wa gug' nyhug' tho' mae maze. Alhab' wa20 akeim aseim za: ngaid: ra". – Ja: nam jab wa dagau: damae za: joe" ra". Alhab' myid zhai: phaui: mae" ngaid ko" ru we' myid21 khyo dam: tug' lo" li" genae". – Byu solo wa adao khyo do; ra" i"? Gug' nyhug' solo wa mavo: mug: gyo" lo" i" khag' qo" ca:22 myao: . – Ai: mathao byu wa yao: yao" mau" mae myid pyo: nhag' shid: ra" tho' je: gai: ru majo; khyo ngo qo" the' ba: . Ai wa yao" gae bam ngaid: . Yao: wa thao re boe" nae" jham qo" the' ba sho' yao: re khag' dam: jhui" tug' lhang: lo nae".