1 Juyi laba lajhao wa yao" yham re kaid' mung: zang baung: nhaid' zang zhaug' to"2 ava". – Yao: wa gug' nyhug' dadau: re se' mung: sabyi' qang: re mocid' we' lhag' yang: zo:shaug' poe kaid' nae" tau: zo3 bo" mae seim" jaung: to: va" ra". – Yao" daui mung: zomyi: zo: qere byu cao" khai nae" vogaung: mae" myhao: thao" ra" jo,4 qo khyo nhao: ke' mung: – Au: naug: sozo: madu" ra" mo, ce: jo, qo khyo vao li" geshao: . O" laba lajhao mabo: ra" mo,5 li" lo ge, . – Li" geri: ngo nyhang" to" ra" zo: pho: we' phaung: to" ra" sabyi' qang:6 re li" shaug' ge, . – Byu nghang: qere jao" pye' to: co' mung: kao daui ge, .Laba lajhao: khyo re cao" ye: ge, ga: mho: ra".7 Maphug' makhyaid' kaid' ba: ra" mo, re nao yemho" shid' re qho' phau" li" nae". Byuvhang: re khyo yeshid' yaug wa jung"8 ru za: qhug' li" nae". – Ngaid so" yaug re damho" shid'. Nao re nghang" li" nae". Juyi ba yaug shaid' nghung" rure ceim" shid'9 wa, ai lao" nao re jhid' li" nae". – Juyi bo yaug re mho" shid' re yao: wa juyi je: laung" li" nae". Dang main: va" yaug re mho" kyo" re yao: laba lajhao je: ba: laung"10 li" nae". – AsAng Mo"so re gyaug phug' ru wa juyi: aqao: apain ngaid: ra". Shao- gyang" ra" Mo"so re ba se" ru wa nyain:11 ngaid: . – Khoru: ga" re ngo re ngha yang:12 ni" kao re qhang nhao: li" nae". – Nao juyi bo: re nao yao" so' ha" qhug' khae: yu: li" nae". Maphug' makhyaid' ngaid so" ru kaid' re kam" wa nao yao: qobo the' phau" li" nae".13 Makhyang" ra" myiqe: wa thoe thaid' mung: juyi nang: yang: maba: qho' ngaid:14 ra". – Yao: wa yao" kham: dung: mae mangaid: lao" vokhug mae" myhao: thao"15 ra" jo, qo mae zaung: jo, mung: , – Hau" mo" mae su" lai: lo" ra" mo, re khai: yu16 mung: , – Sozo: madu" ra" mo, we" vao17 li" geri: . – Nhag' magyang: , sozo: madu" ra" mo, we", khug' yu: ra" qid wa je: cug: ra". Nyham: zo" ra" zo: nam re: je: myho'18 ra" ga: ta" ra". – Ai: myiqe: myhi" bang" vo qe wa yao" yham ye: mung: lab bug: zo: dau qe no; thao: ra" movo: mug: joe" na: bam va" rure yao: bam mabeim: maso: ko" ngaid: ra".