1 Ce jham wa jhaung zug: Sholomun: dao: zham" jham: ngaid: . Juyi bo: zo: wa yao: pho" re ngaui bau: nhao: ra". Nhag' magyang" ra" zo: wa yao: myhi" re nhag'2 kaug' nhao: ra". – Madau made; ra" khyo" the' yu: ra" jo, nho" wa nao re pe" so' ha" byid: nae" mangaid: . Dang main" ra" khyo kam" wa ni" kao so' re khyaid' byid:3 nae". – AsAng Mo"so wa dang main: mo, re moe' shab' shid nhao: li" nae" mangaid: . Makhyang: mo, ve, mavin: ra" khyo re4 phyo' qheim" pye' ra". – Noe" shoe: ru wa myaung sho" ru , mau" khao" qam: ke' ru5 wa na: dai: lo: ru boe" nhao nae". – Juyi bo: ra" yaug wa ashi: mhang" au: re jham" yu: to" ra". Gaug yaid yo, re yab: jo; ra" yaug wa qho' phyo' nhao: ra" yaug ngaid: ra".6 Byu gai qe: au: dao mae min qo" khae: yu genae". Makhyang: mashab yaug ta" ra" dao: mae pyam" yhin" ru nyham" to"7 ra". – Byu gai qere myid: beim" ra" au: min byid: ba: ako". Makhyang: mashab mo; mang khyao: wa qeim: byaug: ru ngaid:8 ra". – Shab: ra" mo, wa juyi byid' ra" dao: re gyo" yu: ako". Dao: myo" ra" byu vhang:9 wa seim: lo" nae". – Dang main" ra" gau: khyo mae su" ra" yaug wa khubye nge; li" nae". Khyo kaui su" ra" yaug: ave, re de:10 de: za: myao: li" nae". – Myo, nyag no: xe kaid' yaug wa nhag thao madae boe" ba mung: , lau pau myo" ra" makhang: yaug11 re qug: khai: boe" nhao: ra". – Byu gai qe: dao: kheim: jham wa kao so' qid thug' ngaid: ra". Mashab yaug ta" ra" dao: mae12 pyam" yhin" ru nyham" to" ra". – Nghang" ra" nhag' myid wa gye boe" nhao: ra". Jhid' de; nhag' myid kam" wa qobo re nghoe'13 pye' ba: ra". – Au: naug: sozo: du" ra" yaug wa juyi dao: ba: ta" ra". Nhag' magyang" ra" yaug kam" qam: thaung: dae phau" li"14 nae". – Juyi bo mo, wa ja: khao: ngo" re ba: kho' khaui: xam" ci: ra". Ngaid qere: makhyang: yaug jhau: ke' ru wa qug: khai:15 we' jhao" ra". – Ngaui hhang qo" ra" yaug; jo, nho" wa vomo" ngaid: ra". Myaung mo, sho" jhin: ru wa ai: myaung yaug re16 phyo' pye' ra". – Gai: ra" mau" zaui" ra" aphug' jhaung qhu" wa kao ngaid: ra". Magai: ra" mau" zo" aphug' wa qobo ngaid:17 ra". – Mho" shid' rure tae" gyo: mo, wa kao so' gau: khyo cao" lo" ba: ra". Mho" shid' rure ha: pye' mo, kam" wa khyo nghung:18 nghung" lo" ba: ra". – Pyi qho nae" nhag' myid re zang" am: ci: ra" yaug , su re qho' phyo' ba: ra" yaug , wa makhyang" nhag'19 myid bo yaug ngaid: ra". – Dao: myo: jhau: re qobo boe" ra". Nhaid' kab' gang: yaug20 kam" wa juyi bo yaug ngaid: ra". – Dang main" ra" yaug: sho wa ngaui gyang" we' dau: ra". Mashab: ra" yaug: nhag' myid21 wa pe" phug' made, ngaid: ra". – Dang main" ra" yaug: dao: thoe wa byu myo: sho' re qo" zho: jhaug' ra".Makhyang" ra" mo, kam" wa sozo: madu: yang: shid: li"22 genae". – AsAng Mo"so: min gam jeju wa jo, nho" dai kham boe" ra".Ai: dai kham: yang re: nhag' ngai nhag' kaug' ru ma boe"23 nhao. – Makhyang: mashab: ra" yaug wa qobo kaid' nae" ru o ngaui: ra". Au: naug: sozo: du" ra" yaug kam" wa myid: nghae" qu" ba: ra".24 Dang main: mo, o: rure Mo"so byid' li" nae". Makhyang: mo, kam" wa yao: bam gyaug: thao" ra" ja: the' yu: li"25 genae". – Makhyang: mo, wa la sham" re" ru: lai: lo" byaug: li" genae". Dang main" ra" mo, kam" wa khonhae" re: gug: gug: za:26 qo" na: ako". – Byu noe" shoe re ni" tau: mae" pe" re: dakaid' nhao. Yhid jhin qang: wa ni" zaui re kyam nhao: ru , myi: khug' wa myo, jid' mae yag: ru we' dakhyo: yao:27 ngaid: li" nae". – AsAng Mo"so re gyaug phug' ra" nhag' myid wa nao re kao qhang nhao: li" nae". Mashab makhyang: mo; zin28 wa lang" lo" li" nae". – Dang main" ra" yaug myid: nghae" ru wa ngaui bau: jao: ngaid: ra". Makhyang: yaug myid: nghae"29 to" ru wa byaug: baui" lo" ba: ra". – AsAng Mo"so wa dang main: mo, re gug: gam byid' ra". Mangaid makhung" ra" mo, re30 kam" wa byo, qeim: lo" nhao: ra". – Dang main" ra" mo, wa khonhae" re: gyag maqui: lonae". Mangaid makhung" mo, kam" wa ce: myidkin mae qo" na: dang nae"31 mangaid: . – Dang main: mo; nhaid' mae" juyi dao: thug' li" ba: ra". Mhug' pyag' sho32 wa phyid' pye' ru qhug' li" nae". – Dang main" ra" mo; dao: thoe wa no: gyo: yo nhao: ra". Makhyang: mashab mo, kam" wa apyi ajhe dao: ba: jhau: ako".