1 Nga" zo: we" nao wa byin cao: ba nam qe: tau: bokham: byid: ngaid qere:, mo, je2 qe we' dao: so: to: ngaid qere:. – Nao yao" dao: thoe: yang myi" va" i"?.Nao yao" dao:3 so: mae laung" va" ra". – Ana" wa nga" zo: we" nao ceru: kaid' wa, nao byin cao: ba nam qe: lo, mae bobo: lo" re yao: jhao" ye: mung: yin yo za: yao: re shang" mung:4 loe, khyo qho wa, . – Dayab pyo" jo, . myo,5 cam" ci yang: yab nghoe" da nghoe". – Sho: kung" yaug: lo, mae" xe' we' ngho' ru: lha"6 mae" loe; phao: thug' lo wa, . – Byunoe" dam: we" phyoqug jham jhao" ye: mung: yao: bam: ave, re qu" yang: juyi bo wa, .7 Phyoqug jham wa jhui" au: su mana , Mho" pho" re: maqo" ko" , jhaung zug:8 maqo" ko" ngaid qere: , – Zin vao kheim: we' xaung: gaung: ayo, mae yao: bam: zo: shaug' re qho: zhang: qaung" to: ba:9 ako". – O" byu noe" shoe nao khomyhao" joe" sho' yab qo mae yab: na nae"?. Kho-10 nhae" she, yab so: to" li" nae" laug?. – Ngo dazab lhau" yab: yu shi: nae" , lo, pyid' thag' pye' mung: dazab lhau" no" yu shi: nae"11 ga: ta" na: ra" au: , – Myaung sho" ru wa gyaung: su: bang" ru: , jo, nho" zai" kain" ru12 wa mug khyu ru: joe" li" nae". – Pe" khyag' mathaid' ra" byu gao: qe wa mhug' pyag'13 dao: ta" mung: lae" lhang: qin" ako". – Yao: bam wa nao re ju" phyo' nae" ga: myo, nyag: ru , lo, tu" tu" ru kaid' ako".14 Nhag' lam: akaui bo mung: magai: ra" juyi khyug' ko" ru we' yao: cao: myo, byo, qho byid' ra" yaug lam maga" ru we' qobo kaid' yaug ngaid: ra".15 Airu: mung: yao: wa nyag tin" labaug qug: khai: thaung" qhug' mung: dam: tug' yu magai byo, qeim: lo" li" nae".16 AsAng Mo"so gyid' ru khyaug' ja: tho' mago", qu" ca' ru nhaid' ja: jham wa-17 Bau" nghao" ra" myo, nho daja: , mhug' ra" sho dakhye' ,qobo maqo" yaug18 re se' ra" lo, daja: . – Magai: ra" khyo: yaung: ra" kheim daja: , qobo kaid' khyo phyaid phyaid ye" lo" ba: ra" khyid da19 ja:, – Madang main" ra" sagso: dao: daja: , zam" yao: cao: myo, byo, qho byid: ba: ra"20 su jham ngaid: . – Nga" zo: we" nga" juyi21 dao re tae" gyo" xam" ci wa, . – Ni" myhi" mho" thoe re khonhae" re: tae" gyo" xam" to: mung: aung khug nhag' lam: mae ke'22 to: wa, . – Nao gyaung: su" lo" re ni" gau: khyo ceim" shid' li" nae". Yab; myid' jo; re nao re lhaug' zaung" byid: mung: yab; to"23 li" re lham: au" li" nae". – Pe" mung: ein: re khang" dao: wa myi: dam ngaid: . Tarha" wa bo" bao ngaid: ra". Mho" kyang" ra" dao: kheim: wa kao so' gau: khyo ngaid:24 ra". – Ai wa magai: ra" myiqe: mae" re: nhaid' ta" yaung" mung: mashaogyang" ra" myiqe: mae" re: qo" jao" nhao mung: gug:25 gam byid' li" nae". – Airu" myiqe: qe wa qu" yaung" lamyhung re daqu" ngaui yao: bam: langa: kaid' ra" myo, jid' yang khae: ra" taui: mae damyi" nhao.26 Myaung sho" ra" yauggai dayaug wa cinmain" dayho' byid: yang: yaug zhang: re gai: ngho" yu: ra". Ngaid qere: su: myi: lao lhaid' yaug wa yao" kao lang" pye' nhao: ra".27 Byu wa mai bau: manga" lo: sho' myi:28 re qao gao mae qo" kai" ci nae" i"?. – Khyid maphaid' khyaid' lo: za: myi: gyoe: dao mae29 qo" zab nae" i"?. – Su: myi: we' yab yaug re: ai we' da khyo: ngaid: ra". Su: myi: shaid' yaug khag' ngaid qere: yug: khyug' ca" ru30 phau" li" nae". – Moe, shab' yang: khug' zo" ra" khug' hab' re: qobo mae" maqo"31 loe, . – Ngaid qere: yao: re qhug' taung: lao" nhaid' bun dam: khyug' ca" nae".Yao: qo"32 ra" jo, nho" alhab' byid' pye' ca" nae". – Su: myi: shaid' ra" yaug wa nhag' magyang: yaug ngaid: ra". Airu: kaid' ra" yaug wa yao" kao re phyo' qheim" pye' ba: ra".33 Yao: wa qho' phyo' qhug' mung: ceim" be; ru qhug' li" nae". Myo, nho sham: ru we' qho' gyaug: ru tho' thao"34 nae" mangaid: . – Yauggai wa yao" yham sang myhi" re malam" makho mung: ru wa nhag' jam: yo" li" nhao ba: ra". Qobo byid' au: nhag' myain" ru majo, lo: ngaid:35 ra". – Khonho" yang yug: khyug' qere: yao: lham: khae: yu nae" mangaid: . Yao: nhag' jam: yo" ru wa jhaung qhu" myo: sho' byid: ngaid qere: nhag' shid nae" mangaid: .