1 Byu: cao" khyao re khae: yu: ra" yaug wa juyi re kao bau: ra". Mho" shid' ru re ha: ngag: ra" yaug wa gug' nyhug' we'2 dau: ra". – Byu gai wa AsAng Mo"so: qhid' kheim: mae myo, nho nga: lao: qo" ra". Magai: ra" nhag' myid bo: ra" yaug kam" wa pyam" ru qhug' li" nae".3 Byu wa magai mashab: ra" mau" yang gang" tang: ru maqhug'. Dang main" ra" yaug: na qao: wa gang: tang nae".4 Ve, vin: myiqe: wa yham sang pho" lhugmaug ngaid: ra". Qho' za: ba: phyo' ra" myiqe: kam" wa yham sang pho" sho: qug:5 sho: qae re qeim" lo" nhao: ra". – Dang main: yaug myid: yaung: ru wa dang: ra". Makhyang: yaug: juyi byid' ru kam" wa6 mhug' ru ngaid: ra". – Makhyang" ra" mo; dao: kheim: wa byu se' khyo ngaid: ra". Dang main: mo; dao: wa su re qo" khyaid' yu: ra".7 Tarha" macao" ra" mo; yham gyoe; qeim: pye' mung: dang main" mo; yham8 kam" wa gang" tang: jo, nae". – Byu wa au: naug: sozo: du" ru we' dakhyo: caung" ru qhug' ra". Nhag' lam: madin" ra" mo,9 kam" wa gaui qu" ru qhug' ra". – Yao: zo: nae" lao" maqo" ru phug: nghao" ra" yaug tho' yao" lo, mau" zo" yang vae: dug: khau:10 ra" yaug wa je: gai: ra". – Byu gai qe wa yao: yao" gug' nyhug' jham re nyang" za: ba: gam caung: ako". Makhyang: mo, kam" wa yao: yao" gug' nyhug' jham re se' da:11 be, khyaid' kaid' ba: ako". – Taung yo yothaung: mau" phin" khao" yaug wa zo: pho: shaug' pho: magain: mago" qo" ra". Nhag' magyang: yaug kam" wa pe" maso' ha" ra" mau" mae ayo, zai" kain" pye'12 ra". – Makhyang: mo, wa byu vhang: qe ci: ra" taui: kheim" re o: ako". Dang main: mo; gyi: dai kam" wa ashi: myo: sho' zaui"13 ra". – Dao: gin ze mo, wa yao: yao" dao: thoe mae myi" ba: ra".Nhag' lam: zaung" mo, kam" wa qug: khai: mae" qo" loe; phao:14 thug' lo: ako". – Nao ta" ra" dao: we' nao kaid' ra" mau" mae cao" yang: aphug' qo" yu: li" nae". Yao: yao" lo, qaug mau" yang15 so' ha" nae". – Nhag' magyang" ra" byu qe wa yao: bam kaid' ru jo: ga: khonhae" re: myid: ako". Juyi bo mo, wa juyi byid' ra"16 dao: re tae" gyo" yu: ako". – Makhyang" ra" yaug nhag' yo" ru wa ayao: jao" sure ba nhao: pye' ra". Athai: atho' ba: myid: qu" ra" mo, wa aqho' aqhid: mau" zo" re zug'17 to: ba: ako". – Jo: ra" dao: re ta" ra" yaug wa dang main" ra" tarha" re qhu", majo: ru sagso: re kham yaug kam" wa mhug' ra"18 tarha" re qhu" ra". – Mamyid: qu" lo: ta" ke' ra" dao: wa shae ceim" yang thug' re" ru: boe" mung: juyi bo mo; sho wa no re19 lao" qo" gai byid' ra". – Mhug' ta" ra" dao: wa mamyao" re baui" lo" byaug: ra". Dao: so: dang yaug: dao: kam" wa khonhae" re: dang: jo; ra".20 Mangaid makhung" ra" mau" kaid' nae" yaung: to: mo, wa nyag tin" labaug qug: khai: qhug' li" genae". Agai re qam: ba: byid' ra" mo, kam" wa ngaui bau:21 ngaui lho" ru qhug' genae". – Byu gai qe mae pe" qug: khai: majoe". Makhyang: mashab mo, kam" wa qug: khai: thaung"22 qhug' genae". – AsAng Mo"so wa mhug' ra" nhaid' qid re ca' ra". Dao: so: zaung:23 ra" mo, re kam" wa qu" ngaui: ra". – Juyi bo yaug wa yao: ba: to" rure zug' ci: ra". Nhag' magyang: yaug kam" wa yao" ave, re24 de: de: za: ba: ci: qhu" ba: ra". – Manoe" mashoe mau" mae qam: ke' ra" yaug wa qo" gam: sang: li" nae". Noe" shoe yaug25 kam" wa jeim kaid' ca" nae". – Kaug' qhui: ru wa nhag' ngai nhao: ra". Nhag' tang" ra" gai: dao: kam" wa ngaui bau:26 nhao: li" nae". – Dang main" ra" yaug wa yao" yham kyo: cao: re khyo ba: shid' ra". Mashab yaug su" ra" khyo kam" wa ba nam27 qere khyo jhui" nghung" ra". – Noe" shoe yaug wa cao" qho: ra" ja: pe" re: qo" nae" mangaid: qam: ke' mau" khao" ra" yaug: jo,28 nho" wa phug' de; ra". – Dang main" ru wa kao daui khyo ngaid: ra". Ai: gau: khyo mae shid no ga" ru majo, .