1 Davi yao: zo: Israel jhaung zug: Sholo- mun: dao: zham" jham ce: jham: wa vai:2 sham" khyo" ta" to" ra" juyi dao: we' – aung khug: laba lajhao: khyo re ba: gyo: nae" tau: mae" tung" to" ra" dao: zham" jham:3 ngaid: ra". – Dao: zham" ce jham: yang nao dang main: ve, vin taung" ba: na: ye: nae" tau: qo" mho" shid' byid: nae" ru4 ngaid: ra". – Byuna bain: qao" va" nhag' bo qere je: nhag' gyang: sho' ngai shi" zoshao qere ba jhao se" sho' mho" shid' byid: nae"5 ngaid: ra". – Juyi bo yaug wa tae" gyo" ru:6 yang juyi je: laug: li" nae". – Yao: bam wa juyi ba mo, tung" to" ra" dao: zham" khug mae" vai: sham" dao: jham: re qo" ba: gyo" yu: li" genae".7 AsAng Mo"so re gyaug phug' ru wa juyi: aqao: apain ngaid: ra". Byu vhang: zi" qe wa juyi re pe" shui manho mung: manug: mho" xeim: yu ko" ngaid: ra".8 Nga" zo: we" pho" ra" mho" myain" thoe re aung vin wa,. Myhi" mho" dao:9 re: daha: pye' lhe". – Mo" mho" thoe wa yaung" ra" au: thab' re" ru: ni" lang zang: mae ve; ci: ra" vag shaid' we' dakhyo:10 yaung" gyang" nhao: li" nae". – Nga" zo: we" byu vhang: zi" qe ju"phyo' ra" khyo11 dacao". – Yao: bam wa byu ye:se' gelang: . qobo maqo" lo: ana mo, re pyi ye: qho gelang: .12 Mang: khung: khyo gyo" lo" mo, re" ru: gaung geim" bobo mung: kao daui: na zo" ai bam re Movo: mang: myug: ru:13 myug: pye' gelang: . – Phug' de; ra" zai yo aja: ja: jham re the' myao lao" lhaid' yu mung: nyhao: nhaung" yham mae byang"14 sho' xao" qaung" to: gelang: . – Ngon- haung" jhao" cao" la, qo" lhaid' yu: ra" zai yo jham re damyo" myo" jho" gae gelang:15 ga: lhaung gengaid yang: re: – nga" zo: we" ai bam jhao" dacao ai bam: mau" zo"16 re jao" pye' wa, – Khoru: ga" re yao: bam wa magai kaid' nae" khyo ye: mung: byu17 se' nae" gyai kao bau: ako". – Gaigai: ga" re ngho' jham: qhid' au: mae myho khao" to"18 re pe" so' ha" nae". – Ai bam wa yao: yao: sa: thug' nae" rure pe" shui manho ko". Yao: zhaug' zau: mae yao: zau: nae" mo,19 we' dau: ako". – Tarha" mavao: ra" khyo" jo, nho" dai kham qho mo, wa ai: aphug' the' yu: li" genae". Yao" asang re lao" ai: jo, nho" dai kham: mathao mae se' nae" myid: thug' li" ako".20 Tae" gyo: ge, juyi wa hau" mo" mae we' mo, thaui" jao: mae hug' yang: yao:21 na: ra". – Byu zang: jao: mae re: vomo" kham: mae re: vogaung: tau mae hug'22 yao: na: dao: thoe wa – Nhag' magyang: mo, we" khomyhao" joe" sho' nhag' caid' no: yaug na: na genae" i"?. Laba lajhao re khomyhao" joe" sho' khyoe' na genae"?naonhaung" wa khonhae" re:23 mazhao: yu lo: genae" i"?. – Nga" mho" myain" re tae" gyo: mung: tha" lhag' lo ge, . Ailao" nga" Solo naonhaung" dao mae vhe' sheim: byid: lao" nga" mho" thoe lase"24 re ba: gyo: nhao nae". – Naonhaung" re khai: na: lhaung: na: rure ha: pye' mung: mali" ko". Nga" mho" myain" re pe" mung:25 magyo: ko". – Ngo ta" peim" ra" dao: alhab' re naonhaung" gyo" lhaui" pye' mung: nga" mho" myain" rere: makhae:26 yu lo: na geyang: – Naonhaung" qug: khai: thaung" qhug' ko" au: ngo qi: pye' nae". Gyaug mug' din ci" qhug' ko" au: ngo jung"27 pye' ru qhug' genae". – Qug: khai: wa la qam" re" ru: joe" li" mung: gyaug mug' din ci" re ci: li" yang: nao nhaung" sho: jhin: ru we' myid myo: myid laug qhug' ko"28 au:. – Aire" ru: qhug' ko" au: ngo re khai: li" genae". Ngo wa matau: byid: nae". Khyi" khao: ngo" ngo re cao" qho genae" ngaid29 qere: ngo re maqhug' nae". – Khoru: ga" re naonhaung" wa laba lajhao rere: ma ngaui.30 Mo"so re gyaug phug' ave, maci ko". – Ngo juyi byid: dao: re naonhaung" makhae: yu ko". Ngo mho" shid' rere: magyo: ngaid: ako".31 Aimung: naonhaung" we' main: qi" rure za: the' yu: li" genae". Naonhaung" yao" ave, lo, mau" re naonhaung" yao:32 qu" nghang" li" genae". – Sozo: madu" ra" mo, wa khyo gai mamyao yang: kao dau: je, genae". Mashab makhyang: mo, wa mabeim: maso" ru byo, qeim: ra" khyo joe"33 ba: ra". – Nga" mho" myain" re tae" gyo" ra" yaug kam" wa gug: gug: za: qhug' na mung: yaug yo myain cae" ru qhug' nae".