1 Nga" zo: we" nao wa juyi dao: re tae" gyo" na mung: laba lajhao re qo" the' yu2 sho' – Ngo mho" dao: re tae" gyo: mung: ngo pin: to" ra" dao: kheim: ni" nhag' lam:3 mae ke' to: wa, . – Ngaid va" juyi laba lajhao re mho" xeim: yu wa, so zo: du" ru:4 yang myid: phaid' yu wa, . – Ngaui hhang re qho: ru we' dakhyo: juyi re qho mung: nyham" to" ra" jo, nho" re re" ru: cao"5 qho: ngaid: re – Mo"so re gyaug phug' nae" nhag' myid bo: li" mung: AsAng re6 ba: se" nae" sozo: du" li" nae". – Khoru: ga" re Mo"so wa juyi byid' na: ru ngaid: . Ba: gyo" ra" laba lajhao wa mung dao:7 mae" boe" byid' na:. – Dang main" ra" mo; tau: juyi re qaung" to: mung: tarha"8 cao" ra" mo, re gug: gam byid' ra". – Yao" shao gyang" ra" mo; tarha" dang main" ra" khyo re cao" pyang" genae" tau: gug:9 gam byid' na: ra". – Nga" dao: re tae" gyo" re jo: ru we' tarha" dang main" rure nao ba: li" nae". Nao pe" kaid' ca" rure re:10 ba: li" nae". – Nao juyi bo: lo mung: ni" laba lajhao wa nao re ngaui bau: nhao:11 li" nae". – Dang main" shaid' ba: qu" lag: phaid' nyain: we' juyi laba lajhao wa nao12 re gug: gam byid' li" nae". – Magai: ra" gau: khyo mae" nao re khyaid' yu: li" nae".13 dao: gag ba: jhau yaug , – Qobo mug: caid' khug mae na nug mung: makhyang: mashab: ra" khyo re o ngaui: ra" yaug dang14 main" khyo macao", – Mangaid makhung" khyo re au: am: mung: cao" ra" mo; lo,15 mae" nao re gug: gam byid' li" nae". – Lam maga" ra" mo; lo, mae" re: gug: gam byid'16 li" nae". – Nhaid' dao: thoe yaung" yang ba: jhu" mhai" ra" yaug zhang: myhi" Yao" yham sang pho" re nhag' ma dag Mo"so: dao: so: re to" pye' ra" yaug zhang: myhi"17 lo, mae" nao re lhoe' yu: li" nae". – Airu" ra" myiqe: myhi" yham wa shid: ra" gau: khyo re ceim" shid' ra". Yao: cao" ra" khyo18 re: lab bug we' tin: te' mung: – Ai: myiqe: myhi" jhao" ye: mo, khag' re: madam: lhang" lo lo: ko" ngaid: ra".Kao daui: ra"19 khyo mae re: mangha lo: ko". – Airu: mung: nao wa byu gai qe: lag re qu" yu mung: dang main" ra" khyo mae cao" na20 wa, . – Nao wa byu gai qe: gau: khyo mae su: mung: dang main" ra" mo; gau: khyo mae" khyo thaung" mavao lo: cao" pyang"21 na nae" ngaid: ra". – Dang main" ra" mo, wa Mo"so: mang: din" khug mae qhug'22 na mung: nga: lho"genae". – Makhyang: mashab: ra" mo, re kam" wa Mo"so: mang: din" mae" khe' thug' pye' mung: qobo kaid' ra" mo, re phain" lhaui" pye' li" nae".