1 AsAng wa mamain" ra" jao ci mo, re ca' ra". Jo main: ra" jao re kam" o ngaui:2 ra". – Nhag' lam: bau" nghao" ra" ru wa qho' thug' ba: ra". Nhag' lam: nyham:3 khyo" mo, kam" wa juyi bo: ako". – Dang main" ra" akhyo wa dang main: yaug re khyo shid' ra". Kaui: ra" akhyo kam" wa shaid' nghung: ba mo, re phyo' qheim"4 ra". – Nhag' kyid kyid yo" ra" au: mae jo, nho" wa pe" maso' ha". Dang main" ra" ru kam" wa shid nae" ru mae" khyaid' yu5 ba: ra". – Dang main" ra" khyo wa lam: lang" va" mo, re nyhang" khang" byid' ra". Mashab makhyang: mo, wa yao: bam: ave;6 yang seim: lo" li" genae". – Dang main" ra" yaug: dang main: nhag' myid wa ai: yaug re khyaid' yu: ra". Makhyang: shaid' nghung" ra" yaug kam" wa yao" shave, ze: ru: yang gyain: mae myi" byaug nae".7 Makhyang: yaug shid: lo" re yao" myid: nghae" khyo baui" byaug: ra". Byu vhang:8 qe myid: lao" khyo re: baui" lo" ra". – Dang main" ra" yaug qug: khai: mae" loe; thug' mung: yao" atha" makhyang: yaug phau"9 ra". – Azhaug' amhe' byu wa yao" dao: thoe: yang yham kyo: cao: qere byo, qeim: lo" nhao: ra". Dang main" ra" yaug: juyi:10 yang nao re qo" loe, nhao: ra". – Dang main: yaug na gai: re vogaung: geim" ngaui bau" ra". Azhaug' amhe' yaug shid: lo" re ngaui bau: taung" zag: hug' ako".11 Dang main: mo; yang min byid' re vogaung: qi" qhang: lo" ba: ra". Ngaid: qere: makhyang: mashab mo; dao: kheim"12 yang vobaui: lo" ba: ra". – Juyi mabo yaug wa yham kyo: cao: re gaui qu" ra". Nyain13 bo: ra" yaug kam" wa sae za: na: ra". – Qag mung: dao: myo" ra" yaug wa zug' to" ra" ja: re ta" hau" pye' ba: ra".Lam: lang" mung: dao: so: zaung: ra" yaug kam" wa ba: zug'14 ci: ra". – Mang: din" dalam: wa khyo shid' au: she mo, mana re byo, qeim: lo" li" nae". Juyi byid: mo, myo: sho' na: ngaid: re yaug15 yo: ra". – Majho" se" ra" yaug: mau" mae bokham: kaid' yaug wa dae bophau: nae". Lo, vo: cao: lo, pyo' ra" mau" mae mabo: bo:16 ra" yaug kam" wa gaung yug maca". – Qu" ngaui taung" ra" myiqe: wa ve, vin nga: lho" rure: qam: bo: ra" yaug gai wa jo, nho"17 dai kham re qo" nae". – Nhag' ba: myain" ra" yaug wa yao: yao" myo, nho re lu nhao: ra". Byu lhaung kam" wa yao: yao" suna re18 kaung: kag' ke' ra". – Makhyang: mo, kaid' ra" mau" zo" wa magang" tang. Dang main" myug: shi: sin" ru kam" wa gang" tang: li"19 nae". – Dang main" tarha" wa kao daui: ru we' tin" ru: , mangaid makhung" mau" zo" mae cao" ra" yaug kam" wa shid khyo qho:20 ru ngaid: ra". – Nhag' lam: kaui: ra" mo, re AsAng Mo"so qu" ca' ra". Dang main" ra" khyo mae cao" na: ra" mo, re kam" wa21 nhag' dag: ra". – Byu vhang: qe mo, thaui: thaui: ko" qere: qobo dae byid' ru mae" maloe, . Dang main: mo; byuyug kam" wa22 lhoe' yu qhug' nae". – Khoqhi" yaung" yang: re: ave, made, xam: mag mamung: ra" myiqe: wa vo; nho mae lhao" to" ra"23 hhang jao we' dau: ra". – Byu gai qe o: ra" khyo alhab' wa agai za: boe" thug' li" ra". Mashab makhyang: mo, myid: o: ru wa nhag' yo: nae" za: boe" ra".24 Gae: sin: qere: jo, nho" je: qo" li" mo, na: ra".Gyai ga: qaung" to: qere: na"25 myaung: lo" mo, re: na: ashi: . – Ba: gae byid: ba yaug wa na: dai: lo nae". Su re qid sheim: byid: yaug wa yao: re: qid sheim:26 byid' ru qhug' nae". – Gaug zo qaung" to" ra" yaug wa byu qe: yang nhang" ru qhug' li" nae". Aire phoe' aung: yaug: au: lam:27 mae kam" min gam jeju jo; li" nae". – Nao myid: yaung: to" ru gai: ru ngaid: re gai: ra" so' ha" qo" nae". Su: so' ha" re lhau: phyo' nug: ra" yaug wa yao: yao" so' ha"28 seim" ru qhug' li" nae". – Yao: yao" jo, nho" mae myid: ngha: na mo, wa seim: byaug genae". Dang main: mo, kam" wa nyug lao qam" ra" sag' vho' gae ru: boe"29 nae". – Yao: yao" yham dang: ug' khug' re anhaung" akhoe' kaid' yaug wa la re za: Ma aqo" khae: yu: li" nae". Makhyang: yaug re: lam: lang" vin tang" ra" yaug: jeim za: aboe"30 genae". – Dang main" ra" mo; ave, ashi: wa kao so' shi: gae boe" ra". Su: nhag' myid re ba: qo" lao" zhang: ra" yaug juyi bo yaug31 ngaid: ra". – Qu" ge, dang main: mo, lao" re: myid gaung dao mae qobo dae phau" ngaid: re makhyang: mo, we' byu vhang: qe wa pe" ta" pho: de, lo".