1 Tae" gyo: ge, juyi wa zag: yao: na: ra". Ba: khaui" kho' ru wa yao" dao: so: re the'2 gyo: nhao: ra". – Hau" mo" mae" bug gaung dao mae we' khyo kao: jham mae yao: ye;3 jo; ra". – Vomo" kham: we' kham: zang4 nhae mae khai: yao: na: . – Byu qe we" ngo naonhaung" re khai: na: . Xaosu byu yaug5 khao: ngo" re khai: na: . – Maqao" makung mo, we" khyid thao xoe" na ge, Kopyaid' qe we" nhag' myid qag: na ge, .6 Tae" gyo: ge, gai: thao" dao: re ngo ta" kyo: nae". Ngo nhaid' ho" ke' lao" dang7 main" dao: thug' li" nae". – Nga" nhaid' mae" dang main" dao: thug' li" nae". Nga" nhaid' qid qobo re nghang" ra", ca'8 ra". – Ngo ta" ru ja: khao: ngo" wa dang main" ra". Shaid' ru we' khyo nghung" ru9 pe" mabo,. – Qag: ra" nyain: bo yaug: tau: wa sho' sho' gyang: gyang: za: ngaid: ra". Laba lajhao jab yaug: tau: wa de: de: za:10 ngaid: ra". – Ngaui atha" mho" shid' dao: re khae: yu ge, . Gai: thao" ra" hhang tho' mae11 laba lajhao re khyin: yu ge, . – Juyi wa laug ne tho' je: phug' de; ra". Nao o: ra" ru pe"12 we' re: qo" dau tau" nae" mangaid:. – Ngo wa juyi ngaid:.Ngo mae qag: ra" nyain: bo mung: laba lajhao we' ba: myid: khaui" kho'13 ba: ra", gai: bao myhao" ra". – AsAng Mo"so re gyaug phug' ra" nhag' myid wa qobo re ngag: ha: pye' ba: ra". Ngaid beim" ru, jung" gaui: ru , makhyang" ra" khyo: kaid' ru , dao: seim jhau: ru jham re ngo nghang"14 ra". – Juyi ba: khyug' nae" aqao: re:, ba jhao se" nae" aqao: re: ngaid mung: ngo mae15 qam: o: bo: . – Nga" mathao mae jhaung zug: qe ug gam nae" kheim: so' , zug: qere dao: ba: phyid' nae" akhang" qo" ra".16 Nga" mathao: yang Agyi khaung: mao: qe ba: ug khang" nae" kheim: so' qo"17 ako". – Ngo re jhid' de; ra" mo, re ngo jhid' de; mung: ngo re qho yaug re: qhug' myao18 nae". – Jo, nho" dai kham , myo, nho nga lao: agyid aso we' dang main" ru ngo mae19 jo; ra". – Ngo byid' ra" jeju wa gai: thao" hhang tho' je: phug' de; ra".Nga" mathao qo" ra" dai kham jham wa ngaui gyang" tho'20 mae je: phug' ra". – Ngo wa dang main" ra" mo, su" ra" gau: khyo khyo" su" ye" lo" ra".21 Tarha" dang main" ra" khyo cao" ra". – Ngo re jhid' de; ra" mo, wa Ma qo" khae: yu nae" we' yao: bam: dai kham bain" byang"22 nae" akhang" re ngo byid: nae". – AsAng Mo"so wa ngo re shi" saoqhid' phain: to: va". Geco' getoe: aqhid lo, mau" majo,23 shi: mae" ngo re sang va". – Getam: geto mug: myid majo, matho' ta" ra" ayo, mae"24 ngo re shi" xau gyain: byid: va". – Qid dae mo" majo, shi: mae" qid zo: qid zang jham mayug shi: mae" ngo re shi" khau:25 ke' va". – Bam zo: bam zang bug gaung lao: khaung: maboe" shi: mae" ngo re26 shi" khau: ke' va". – Myid gaung we' ai mae" jao: dae din" jham re maphain: shi: saoqhid' re" myid zhai: dazhab' lao" majo,27 shi: mae" ngo na va". – Mug: gaung re yao" jo, qo mae te' to" ra" au: ngo na: .Qid dae mae myidkin kyae: ke' ra" au: re ngo na: .28 Jham thaui: re mug: gaung mae te' ra" au: no; thao" ra" jo, qo mae qid thug' jham29 re phung" ke' ra" au: re: , – Ai mung: qid dae mo" kyo: dam: jham mae" qid maje" laung" lo nae" tau: amyin" byid' ra" au: re: myidkin aqao: apain kyae: ra" au: re: ngo30 bobo: . – Ngo wa au: she yaug ru: yao: we' daga" na mung: yao: wa nga" mathao mae ne, khao: ngo" ngaui bau" na: ra". Ngo re: yao" qhid' kheim: mae nhag' dag:31 na: . – Yao: phain: to" ra" myidkin dao mae ngo ngaui bau" na mung: Xaosu byu qe32 we' daga" nhag' dag: na: ru ngaid: . – Airu: mung: zo: dau: qe we" nga" mho dao: gyo: ge, ngo kaid' ra" khyo: kaid' gelao"33 naonhaung" nga: lho" genae". – Nga" mho" dao: re dagyo" lhaui" pye' ge, tae"34 gyo: mung: juyi bo mo, boe" ge, . – Nga" dao: re gyo" cao" yang: nga" kham: dung: nhae mae ne, khao: ngo" lhaug' na mung: nga" kham: dung: mae ne, qug lao" na: ra"35 yaug wa nga: lho" li" nae". – Ngo re qho: qhug' ra" yaug wa kao so' re qhug' yu: ra". AsAng Mo"so: jeju rere: qhug' khae:36 yu: ava". – Ngo re zai" shaid' ra" yaug wa kao so' Solo re shaid' nghung" ru ngaid: ra". Ngo re nghang" ra" mo, alhab' wa shid: rure jhid' de, mo, ngaid: .