1 Ce jham wa Yake" yao: zo: Agura khyo" Ithiel we' Uca: tao re phug' de; ra"2 dao: kheim: jham ngaid: ra". – Dang dang ngo wa byu mangaid: gug' nyhug' angaid: . Byu dayaug mae bo ca" ra" laba lajhao ngo3 mae mabo. – Juyi re mamho" xeim: yu: ru we' shao gyang" ra" yaug ru: ba jhao: ru4 ngo mae mabo. – Mug: gaung khyo do, lo" mung: dam: gyo" li" ru khag' i"? yao: yao" lo; yang la re qo" zhab' ci ru khoyaug na: i"?. Bau: thao mae qid khoyaug qo" zeim: ci:? mug: myid ajheim ajhe' kaid' to: ru khag' ngaid:? Yao" mang wa pe" ga". Yao: zo" mang wa khoru: ga"?nao ba: re ta"5 wa, . – Mo"so: dao: thoe alhab' wa shao- gyang" ra". Mo"so wa yao: mae khug ngha6 mo; go kham" ngaid: ra". – Yao" dao: mae dapaug' laung: . Airu: lao" qobo vhin mung:7 nao wa mhug' ra" yaug boe" nae". – Mo"so we" bun shid' ja: re mho' ra". Ngo mashid8 shi: re byid: la, . – Mhug' vhain" ra" dao: seim we' ngo va: shao: . Ngaui qo" ra" ru we' myaung: ra" ru ngo re dabyid: . Kao daui: au: lhau" zo: nae" zo: nam za: byid:9 la,. – Airu: mangaid: lao", ngo wa na: dai mung: AsAng ga: ru khomae na: ein: Mo"so re ha: pye' nae" de; ra". Mangaid: lao" myaung mung: su: jo, nho" yekhug' yang: nga" AsAng Mo"so: mang khyao: re mhug'10 ra" dao: ta" pye' nae" ci" qo: ra". – O: kaung sang: qhid' kheim: mae yao" o: kaung re gaui damho. Ai ru: kaid' re yao: nao re11 nhang: mung: nao qobo qo" nae". – Yao: pho" re nhang: mung: yao: myhi" re maba: phug' te' ra" byu damyu".12 Yao: yao" nhag' myid shao lho" ga: ngaid beim: mung: apang alhag' re macid'13 shao: pye' ru damyu". – Nga: kaid' nga: yao kaid' mung: su re myo, jhin" qu" ru14 byu damyu" – Myaung sho: mo, re myid- kin dao mae re: , vae: moe; qid shab' mo, re byu phaung mae" re: khe' thug' sin" pye' nae" tau: shae ceim: we' dau: ra" zaui shae tam" we' dau: ra" zaui yaug: ra" byu myu"15 qe ngaid genhaung?. – Fe' nyug wa byid: la, byid: la, ga" ra" zomyi: shid' yaug qo" ra". Nhag' matho' dag: ru sam yaug mae" getau ga" va" ga: maba: ta" ra" amyu" byid ja: jo;16 ra". – Ai jham wa lab bug daja:, bugda- ung: myhi" bota" yham daja: , qid madag qaid: ra" myid gaung daja: , ga" va" ga:17 maba: ta" ra" myi: daja: ngaid: ra". – Yao: pho" re zozai" zai" ra" yaug , yao: myhi" mho dao: re manug: tae" gyo" ra" yaug , myo, jid' re lao: khaung: mae" Kuno; yang thoe" thaid' pye' byid: mung: Zeim ngha;18 jham: yang zo" pye' li" genae". – Nga" laba lajhao: yang matho' myhi: ba: ru byid ja: jo;19 ra". – Ai jham wa Mug: le; phyo: mae dao" lhang: qin" ra" zeim baung: su" ra" khyo daja: , laung: mo" baui dao yoe" qin" ra" lhao maui: khyo daja: , qid dae mo" dao lha gau" ye" khyo daja: , yaug gai we' myiqe:20 zam" ra" khyo daja: ngaid: ra". – Su: lao shaid' ra" myiqe: myhi" wa ceru: kaid' ra". Zo bin: zo: thao yao: yao" nhaid' said' pye' mung: ngo qobo makaid' va" re ga: ba:21 ta" ako". – Myid gaung re lhau: nhain" ra" ru sam ja: maka" myid gaung maqo"22 zang: qhao" ru byid ja:wa, – Jhaung zug: boe" ra" jeim daja:, gyi: sho' qhug' zo" ra"23 kopyaid' daja: – Khupyi khuzhaung" nhao" ra" yham khaung: myhi" zang daja: , yao" asang myhi" jo, qo lhaid' yu: pye' ra" jeim24 myhi" daja: ngaid: ra". – Myid gaung: dao mae" ngai: thao" ngaid qere: juyi bo: ra" ru25 gug' nyhug' byid ja: na: ako". – Ai jham wa qam: nang: ngaid qere: zin gaung: tau: mae" zo: nam ba: qho: qaung" to" ra" phyoqug26 daja:, – Qam: mabo: ra" amyu" ngaid: qere: laug khyaung khain mae yham ba: kaid'27 laung" ko" ra" jolha: daja: , – Jhaung zug: maqo" qere: dathaui: thaui: za: ba: byaung"28 qin" ko" ra" khyag' phaung" jham , – Yao: bam yao" khyid sang: lo, sang" yang qo" gai: du" qin" mung: jhaung zug' yham mae na:29 ra" yham lhaug' jham ngaid: ako". – Khyo su" re qu" yaung" sho' mung: ru byid ja: na:30 ako". – Ai jham wa gug' nyhug' gu: mae qam: je: bo mung: khag' rere: ma gyaug:31 ra" Lo:tin: – Gye khe' myao: we' caid' be, lo: , khag' yang re: maqo" tam" ra" jhaung32 zug: ngaid: ra". – Nao wa yao" gaung re ngaid beim: mung: magai: ra" mau" kaid' ru we' mangaid' khyo" juyi khyug' yaung: to" ngaid: re ni" nhaid' re lo, vo" yang nghoe'33 pye' wa, . – Gaigai: yao: nung: nug' re lhau: re nug' xau thug' li" ra". Nho re nai: ke' re sa: thug' li" ba: ra". Airu we' dakhyo: nhag' jam: yo" re myain" myo" ra".