1
Nga" zo: we" nga" dao: re gelho: za: tae" gyo: mung: ngo khang" to" ra" cao" khyao2
re xam" ci wa,. – Nga" khang" dao: re zaui" zag: ci mung: kao daui wa, . Ngo byid' ra" cao" khyao re ni" myo; voxao re" ru: gug:3
gam wa, . – Nga" mho" shid' ra" dao: jham re lo, nyhug' khyug' xam" ci wa, . Ni" nhag'4
myid khug mae tung" to: wa, . – Juyi re ni" nhae: mo" ru: , ba jhao nyain re byin5
zam" ru: khug: na wa, . – Airu: kaid' lao" yao: bam wa mashao gyang" ra" myiqe" lo, mae" re: nhaid' yaung" taung" ba: ju" phyo' ra" yaug zhang: myhi" lo, mae" re: khyaid' yu nae".6
Nga" yham bao: zo: kham: mae" ngo qu" ke' re the' myao: ra" akhyo wa -7
Sozo: madu" ra" zolau: dazhain re ngo qu" na: au: je: nhag' magyang" ra"8
dayaug wa, – Myiqe: dayaug na: ra" khyo kao: shaid' hau mo" khyo jhug' ye" lo"9
mung:, – Mug: sham" sham" caid' li" lao" ai: myiqe: myhi" yham nhae jhug' ye" lo"10
ra". – Yaug zhang: myhi" ru: shaung: ve; ci: ra" myiqe: myhi" wa yao: re lham: tug;11
khae: yu: ra". – Ai: myi qe: wa myo, qao" mung: maba: qho' yang: hau" mo" khyo mae khonhae" re: lhaung" su" qin" yaug12
ngaid: ra". – Yao: wa yham mae sae za: maba: na dazab zab khyo kao: hau" mo" khain mae lhaung" na: qin" yang: cao" jhug'13
qu" qin" ra". – Zolau: re the' myao lao" lham: ge; vo; yu mung: bobaug baug byid'14
ra". – Ngo ana" ba shi" zam" khug xeim: ngaui" byid: va". Nga" dao: so: pheim: pye'15
va". – Aimung: nao re qho nae" thug' li" ru16
ana" qhug' va". – Nga" yab qo rere: Egutu mae" jid: mo" mai myhung: tung" myhung"17
to: va". – Ai: yab qo mai myhung: rere: sheim nae pyo" ra" sag' xau bin: xau aja:18
ja: gyaid: to: va". – Li" ri: damyi khyeim daga" yab mung: jho" po yang: pyo: pyo:19
za: zam" yab lang: . – Nga" yham sang pho" mana , mug: va: khyo gyaung: su"20
lo" byaug va". – Yao: wa ngaui myo: sho' vin: ye" lo" ra". Aimung: malo nae" , poe21
ba na joe" li" lao" za: alo nae". – Ai: zolau: pho" re gyo" ngaui taung" ra" dao: kheim" yang lham: ngaug: yu: ra". Ai: zolau: pho" re: myiqe: myhi" nhaid' cug dao: kheim:22
mae myi" ava". – Se' nae" jao: khyo ye" lo" ra" nung: jaung ru: ai: myiqe: myhi" jhao" cao" ye" lo" ra". Gyain: mae byae: vao lo"23
ra" xe' we' dakhyo: , – Taui: kheim" khyo" to" rure maba lo: mye, mye, za: ye" lo" ra" ngho' we' dakhyo: zolau: zo: wa ai: myiqe:24
myhi" jhao" cao" lo" ra". – Airu: mung: nga" zo: qe we" nga" mho dao: gyo: mung: ngo ta" ra" dao: re nyang" za: gyo" xam" ci25
wa, . – Airu" ra" myiqe: na: ra" khyo nhag' danghae: ge, . Yao: cao" ra" gau: khyo mae26
dacao" ye: ge, . – Pe" mung: ein: re sulhe: myo: sho' mo, re lang: nhao va". Qam: gai27
mo, myo: sho' rere: se' pye' ava". – Yao" yham wa shid zug' jhaung: qe, kyao" mung: Movo: mug: khyo joe" ra" gau: khyo ngaid: ra".