1 Nga" zo: we" nga" juyi dao: we' ba: qu" lag: phaid' ra" nyain: re tae" gyo" yu2 wa, . – Nga" juyi dao: re xam" ci: re nao3 wa laba lajhao bo: li" nae". – Makhyang" ra" myiqe: myhi" nhaid' qid wa byo: yhid re"ru: cug mung: yao: ta" dao: thoe wa xau tho' je: jhaid' ra".4 Ngaid qere: lo" thao" mae yao: wa nao re nhag' yo: nhag' gyid' ru we' dao: kho" ru5 za: to: byid: co' li" nae". – Yao" khyid bye wa shid jao: khyo gyo" lo" mung: yao: ye" ra" gau: khyo re: movo: mug: khyo joe" ba:6 ra". – Yao: wa kao daui khyo re mamyid: phaid' lo: mageim: du" dae" qin" mung: pe" boe" li" nae" rure maba mabeim: ngaid:7 ra". – Airu: mung: nga" zo: bam we" nga" mho" dao: re tae" gyo: ge, ngo ta" ra" dao:8 kheim: jham re dato" myhid' ge, . – Airu" ra" myiqe: re va: va: mae" jao" pye' ge, yao" kham: dung: nhae khyo re: date' ye:9 ge, . – Nao ye: lao" ni" myo, nho nga: lao: su geje re: ni" kao re nhag' maba: khyag' ra" mo; lo, khug khyo qhaug' pye' ru qhug'10 li" nae". – Taung bug byumyu" qe wa ni" jo, nho" re yu: pye' mung: nao khao" qo" ra" zai yo jham re su geje: lo, khyo vao lo"11 byaug zai ngaid: ra". – Lo" thao" mae ni" kao gain: lo" na mung: ni" sho: gyi: sho:12 myhain qeim" lo" li" nae". – Ailao" nao wa ngo pe" mung: malhaung" mho" zhao: yu li" laug? mho" shid' thoe re magyo" cao"13 naung phaug' lo nhaung wo". – Nga" mho" pho" qe: dao: gyo" lhaui" pye' mung: yao: bam: mho dao: magyo: li" nhaung14 wo". – Ngo wa mang: volo phaung gaung: mae qho' phau: mung: magai mashab: ra" mau" re zaui" lo venhaung ga: qhu: myain" thoe mung: li" nae".15 Yao: yao" qid am re ci yhung: mung: yao: yao" qid thaung: mae" yug: thug' li"16 qid re shaug' wa, . – Ni" qid thug' jham re myo" laug: nhao mung: hau" mo" khyo mae yug: lo" ra" qid gyaung: boe"17 nhao wa, . – Taung bug byu myu" qere mabo: sang nhao lo: nao yao: za: sang: yu18 wa, . – Ni" qid thug' mae nga: yu mung: ngai shi" yo, mae" zam" lo: ra" yham sang19 myhi" we' yaug yo za: na wa, . – Yao: wa cid phaug' zang ru: yaung" mung: qu" ngaui sho' ra" xe' bae: ru" ru ngaid mung: yao" qao bam nug' cug am wa nao re nhag' jo, yo nhao: ra". Yao" jhid' de; nhag' lam"20 yang nao re nhag' dag nhao: ra". – Nga" zo: we" ni" jhid' nhag' re myiqe: geje re pe" mung: byid' pye' nug: i"? Yaug zhang: myhi" qao bam re pe" mung: nhag' de; na:21 i?. – Byu Xaosu ye" na: ra" khyo wa AsAng Mo"so: qhid' kheim: mae ngaid mung: yao: cao" ye" ra" gau: khyo alhab' re qu" lag: na:22 ra". – Tarha" macao" ra" yaug yao" qobo mae cam" yu: ru qhug' mung: yao" qobo:23 yang taui" to" ru qhug' ra". – Yao: wa mho" shid' ru maqhug' lo: shid: lo" zai ngaid: ra". Dae xo: nhag' magyang" ra" mau" zo" yang yao: re khyo dae" lo" nhao: ra".