1 Nga" zo: bam we" ni" pho" mho" myain" mho" thoe re tae" gyo: ge, aire nao ba: gyo" ra" nhag' myid qo" yu: li"2 nae". – Ngo nao re mho" shid' ra" dao: wa agai ngaid mung: ai jham alhab' re ni" nhag'3 khug mae xam" ci wa, . – Ngo wa nga" pho" qao cu: sho: nga" myhi" tao: kheim" mae" nau" nin" ngaid mung: myhi" pho"4 shid' tao: zo: ngaid: . – Nga" pho" lhaung" mho" shid' ru kam" wa nga" mho" myain" thoe re nhag' khug mae ke' to: mung: nga" phyo: mho" dao: re cao" pyang" yang: kao5 daui: wa, . – Juyi we' ba: qu" phaid' ra" ba jhao nyain: re qho: yu wa, .Nga" nhaid' mae" thug' ra" ta" dao: re dangag dato"6 myhid'. – Juyi re dashepye' yao: wa nao re lhaug' zaung" li" nae". Yao: re jhid' de, wa,7 nao re gug: gam: li" nae". – Nhag' myid juyi re qho: xeim: yu: ru wa yhau: gyin" thao" ra" mau" ngaid: . Nao qo" qho: yu: ra" ja: alhab' mae ba: qu" phaid' ra" nyain: re8 qo" sho' boyu: to: wa, . – Ai: juyi re phug' te' wa, yao: wa nao re qi" qhang nhao nae". Yao: re ge; vo; ci wa, nao re nga: yhe' byid'9 li" nae". – Ni" au: mae dau yaung" ra" au: thab' yang thab' mung: phung bao qi" bo:10 ra" lhugmaug re byid' li" nae". – Nga" zo: we" nga" dao: re tae" gyo" xam" ci wa, . Airu: ngaid: re nao kao qhang myo, myi:11 nae". – Nhag' myid juyi ngo ceim" shid' mung: dang main" ra" gau: khyo nao re12 dai" byid: nae". – Su" ye" lo" re lhae" ra" mae majoe" nae". Tao: ngaid yang: re:13 matha" thu: lang: nae". – Cao" khyao jin kham re malhag' ke' lo: zaui" zag: ci wa, . Ai wa ni" kao ngaid: ra" mathao mae14 zam" ci wa, . – Makhyang" ra" mo; gau: khyo mae dabovao. Magai: ra" mo; ave, re15 dacao". – Yao: bam re lha" wa, yao: bam:16 gau: khyo mae dacao" jao" pye' wa, . – Yao: bam wa makhyang: mashab: ra" mau" makaid' re maqo" yab ko" ngaid: ra". Su re matha" lang: nhao re yab mo" mamyid' ko"17 ngaid: ra". – Makhyang: mashab: ru we' anyain: avho: kaid' ru wa yao: bam: zo:18 shaug' ru" ru ngaid: ako". – Dang main" ra" mo, su" ra" khyo wa ba thug' so' we' dau mung: na" myo, myao mug: bo" sho' zo" zo" re" bao: li" ra" ne, seim we' dau:19 ra". – Ngaid qere: makhyang: mashab mo; khyo kam" wa mug: caid' jo; ru we' dau: ra". Yao: bam su" lang: qere: khyid au: pe" we' the' thaung" ru re maba ko"20 ngaid: ra". – Nga" zo: we" ngo ta" ra" dao: re nyang" za: gyo" yu wa, nga" dao: kheim:21 jham no: mae ke' to: wa, . – Ai: gu: re nao khonhae" re: dalhag' ke'. Aijham re ni"22 nhag' myid khug mae ke' to: wa, . – Pe" mung: ein: re ai: dao: kheim: jham re myao se" ba: ra" yaug wa kao so' we' qao" ra"23 qam: o: byid' li" nae". – Nhag' myid wa kao: apain aqao: ngaid: ru mung: ai re zaui"24 zag: ci wa, . – Madang: rure khonhae" re: data" dao: ngag ta" ra" nhaid' thoe re jao"25 wa, . – Ni" nhag' lam: myo, jid' qhid' au: khyo din: din: qu" wa, myo, khung: re26 dagoe; gam" ci. – Nao ye" lo" nae" gau: re gelho: za: ca: lag: qu" yang: lam: lang"27 taung" su" ye: wa, . – Lo, vai: lo, yo khyo thaung" davao. Magai makhe' ra" akhyo jham re jao" pye' wa, .